غلطی کس کی ہے۔۔۔عاصم اظہر کی یا ہانیہ عامر کی

ایک دور تھا جب شہرت کے آسمان کو چھونے کے لئے صرف صلاحیت کا لوہا ہی کافی ہوتا تھا۔۔۔لیکن وقت نے کچھ ایسا پلٹا کھایا ہے کہ اب ہر نوجوان خود سے کوئی نا کوئی کونٹروورسی جوڑ کر خود کو سوشل میڈیا سینسیشن بنانے کی کوششوں میں مصروف ہے ۔۔۔

پچھلے کچھ دنوں سے عاصم اظہر اور ہانیہ عامر کے حوالے سے سوشل میڈیا پر گرما گرم بحث اور لڑائی چل رہی ہے۔۔۔آدھی انڈسٹری عاصم کے ساتھ تو آدھی نے ہانیہ کا ساتھ دینے کا فیصلہ کیا ہے۔۔۔

یہ جنگ دوستی سے شروع ہوئی تھی اور اب اس کا اختتام بہت تکلیف دہ ہوتا جا رہا ہے۔۔۔دو بہترین دوست ایک دوسرے کے جب خلاف ہوجائیں تو طاقتور ترین دشمن بھی چھوٹا پڑجاتا ہے۔۔کیونکہ دوست ایک دوسرے کی کمزوریوں سے اور باتوں سے خوب واقف ہوتے ہیں۔۔۔ایسا ہی اس دوستی کے ساتھ ہوا جہاں محبت نے زور پکڑنا شروع کیا تھا لیکن عاصم اور ہانیہ خود نہیں سمجھ پائے تھے کہ اسے محبت کا نام بھی دیں یا نہیں۔۔۔

ہانیہ نے عاصم سے کنارہ کشی اختیار کی اور اس کے بعد ایک شوٹ پر یہ دونوں ساتھ تھے جہاں ہانیہ گاہے بگاہے عاصم پر طنز کے تیر چلاتیں یا ان کا مذاق بناتی ہی رہتی تھیں۔۔عاصم اظہر بھی کسی سے کم نہیں تھے اور اس کا جواب وہ اکثر دے دیا کرتے تھے ۔۔۔

اس کے بعد ایسا ہوا کہ ہر شو میں جانے سے پہلے پوچھا جانے لگا کہ ساتھ میں مہمان کون ہے۔۔۔کہیں ہانیہ تو نہیں، یا عاصم تو نہیں ۔۔۔کیونکہ یہ ایک دوسرے کے ساتھ بیٹھنا بھی پسند نہیں کرتے تھے۔۔۔ہانیہ نے اپنی اوٹ پٹانگ ویڈیوز بنانے کا سلسلہ ترک نہیں کیا اور نتیجہ اس لڑائی تک جا پہنچا۔۔۔جہاں بالآخر عاصم نے ہانیہ پر طنز کر ہی دیا۔۔۔

ہانیہ نے جواب میں عاصم کو اپنا کڑوا ایکس کہہ کر مخاطب کیا۔۔۔لیکن ہانیہ کے اس دوغلے انداز پر سب ہی چونکے۔۔۔جو پہلے ہر انٹرویو میں عاصم کو صرف دوست بلاتی تھیں، اب انہیں اپنا سابقہ پیار کہہ کر بلا رہی ہیں۔۔۔