|
|
|
|
|
جب کسی انسان کو اس کے کام پر سراہا جائے تو وہ اور دلجمعی کے ساتھ کام
کرتا ہے اور اپنی بہترین کوششیں کرتا ہے خود کو ثابت کرنے کی۔۔۔لیکن شوبز
میں کسی کے کام کو سراہنا اتنا آسان نہیں کیونکہ ایک بہت بڑا کنواں ہے جہاں
اگر کسی ایک کو نکالا جائے تو کنویں سے کئی آوازیں آتی ہیں شور کی۔۔۔ شوبز
میں ایسے کئی ایوارڈز ہیں جنہیں دینے پر یہ آواز آئی۔۔۔ایوارڈ دینے کی کوئی
وجہ تو ہو |
|
|
|
ریشم |
|
ریشم نے ایک عرصہ فلم انڈسٹری میں کام کیا اور پھر ڈرامہ انڈسٹری میں بھی
کام کیا۔۔۔ وہ فلاحی سرگرمیوں کا بھی حصہ بنتی ہیں لیکن ان کو جب پرائیڈ آف
پرفارمنس دیا گیا تو ایسا لگا جیسے شوبز کے کئی لوگوں نے اس کو قبول نہیں
کیا اور کافی تنقید بھی کی۔۔۔ ان میں سے ایک نام سکینہ سموں کا بھی ہے جس
کا جواب ریشم نے دیا کہ بڑا اداکار بننے کے لئے بڑا دل ہونا بھی ضروری
ہے۔۔۔دنیا بھر میں ایوارڈز ملنے پر سینئرز اپنے جونیئرز کو سراہتے ہیں لیکن
یہاں الٹا حساب ہے۔۔۔لیکن سوال یہی اٹھایا گیا کہ ایوارڈ دینے کی کوئی وجہ
تو ہو۔۔۔ |
|
|
| |
| حرا مانی |
| حال ہی میں حرا کو گورنر پنجاب نے ان کے کام پر ایوارڈ
سے نوازا جس پر انہیں جہاں تعریفیں مل رہی ہیں وہیں یہ سوال بھی اٹھایا جا
رہا ہے کہ کوئی وجہ تو ہو۔۔۔ حرا مانی کا کونسا ایسا کام ہے جسے انٹرنیشنل
مارکیٹ کے ساتھ مقابلے پر رکھا جا سکے اور ان سے زیادہ حقدار شاید اس
ایوارڈ کے اور لوگ بھی ہیں۔۔۔ اس لئے حرا مانی کو کئی لوگ اوور ایکٹنگ کی
فہرست میں بھی رکھتے ہیں اور جب کوئی ایوارڈ دیا جائے تو اس پر تحقیق ضروری
ہے- |
|
|
| |
| مہوش حیات |
| مہوش حیات کا تمغہ حیات آج تک لوگوں کے لئے ایک
سوالیہ نشان بنا ہوا ہے۔۔۔اکثر لوگ اس بات کو آج تک نہیں سمجھ پائے کہ مہوش
حیات کی کس کارکردگی پر انہیں ایوارڈ سے نوازا گیا۔۔۔اس وقت جب کہ بہت بڑے
بڑے اداکار اس ایوارڈ سے محروم تھے تو مہوش حیات کو اس ایوارڈ کا دینا سمجھ
سے بالاتر تھا۔۔۔وہیں ا یک بات یہ بھی تھی کہ اگر کسی آرٹسٹ کو صحیح عمر
میں ا سکے کام پر سراہا جائے تو اس میں کیا برائی ہے- |
|
|