|
|
سیاست کو فل ٹائم جاب کہا جاتا ہے یہی وجہ ہے کہ ہمارے
سیاست دان جب سیاست میں آتے ہیں تو اسی کو اپنا کاروبار بنا کر اس کے ذریعے
پیسے بنانے شروع کر دیتے ہیں اور اس سے ان کی دولت میں دن دگنی رات چوگنی
ترقی ہو جاتی ہے۔ مگر سیاست میں آنے سے قبل وہ کن شعبہ زندگی سے وابستہ تھے
یہ تعلق کچھ سیاست دانوں کے لیے باعث فخر اور کچھ کے لیے باعث شرمندگی بھی
ہوتا ہے ایسے ہی کچھ سیاست دانوں کے بارے میں ہم آپ کو آج بتائيں گے |
|
فواد چوہدری |
فواد چوہدری جو موجودہ حکومت میں وزير اطلاعات کے طور پر
کام کر رہے ہیں اور ایک بااثر شخصیت کے طور پر جانے پہچانے جاتے ہیں- پیشے
کے اعتبار سے ایک وکیل ہیں اور انہوں نے 2002 میں عملی سیاست میں آزاد
امیدوار کی حیثیت سے الیکشن لڑ کر قدم رکھا۔ ان کو صرف161 ووٹ ملے اور
وہبری طرح ہار گئے ۔ سیاست میں قدم رکھنے سے قبل انہوں نے مختلف ٹی وی
چینلز کے لیے بطور اینکر بھی کام کیا 2016 میں نیو چینل پر خبر کے پیچھے
فواد چوہدری کے ساتھ بھی بطور اینکر کام کرتے رہے- |
|
|
کنول نعمان |
کنول نعمان جو کہ گزشتہ حکومت کے دور میں مسلم لیگ ن کے
ٹکٹ سے خواتین کی سیٹ پر بطور ایم پی اے منتخب ہوئی تھیں ماضی میں سیاست
میں آنے سے قبل پاکستان ٹیلی وژن کے بہت سارے ڈراموں میں اداکاری کے جوہر
دکھا چکی تھیں- اور ان کا شمار نامی گرامی اداکاراؤں میں ہوتا تھا تاہم
سیاست میں آنے کے بعد انہوں نے اداکاری کو چھوڑ کر ہمیشہ کے لیے سیاست کو
اپنا لیا- |
|
|
فیصل امین گنڈا پور
|
فیصل امین گنڈا پور جن کا تعلق خیبر پختونخواہ سے ہے اور
یہ کے پی کے کی کابینہ کا حصہ بھی ہیں یہ الگ بات ہے کہ اب تک ان کے محکمے
کا فیصلہ نہیں ہے اور وہ بغیر محکمے کے وزیر کے طور پر فرائض انجام دے رہے
ہیں- مگر ان کے حوالے سے حالیہ دنوں میں یہ انکشاف بھی ہوئے ہیں کہ وہ
سیاست میں قدم رکھنے سے قبل شہزاد رائے کے ایک گانے میں بطور اداکار کام کر
چکے ہیں اس کے ساتھ ساتھ فرانس میں اپنی رہائش کے دنوں میں آٹھ سال قبل
فیشن شو میں ریمپ پر بطور ماڈل واک بھی کر چکے ہیں- حالیہ دنوں میں علی
امین گنڈا پور کے بڑے بھائی فیصل امین گنڈا پور ایک بالکل مختف اور بدلے
ہوئے حلیے میں بطور سیاست دان سر گرم عمل ہیں- |
|
|
عبدل القادر پٹیل |
عبدالقادر پٹیل جو کہ حالیہ دور میں پاکستان پیپلز پارٹی
کے ٹکٹ سے ممبر قومی اسمبلی ہیں وہ میمن سوسائٹی ہسپتال لیاری میں پیدا
ہوئے- ان کے والد کیماڑی ٹاؤن کے چئيرمین کے طور پر بلدیاتی الیکشن میں
منتخب ہوئے تھے۔ عبدالقادر پٹیل اپنے والدین کی سب سے بڑی اولاد تھے اور
پندرہ سال کی عمر میں انہوں نے عملی زندگی میں ایک ٹائر پنکچر شاپ میں
پنکچر لگانے والے کی حیثیت سے کر دیا تھا- اس کے ساتھ ساتھ اپنے تعلیمی سفر
کو جاری رکھا اور اردو سائنس کالج سے گریجویشن کی ڈگری حاصل کی جہاں پر
انہوں نے پیپلز یوتھ کے صدر کی حیثیت سے بھی اپنے فرائض انجام دیے اور یہی
ان کی سیاسی زندگی کے آغاز کا وقت تھا- |
|