|
|
ریاست ہوگی ماں کے جیسی ، فلاحی مملکت کا جو خواب اپنی
22 سالہ جدوجہد میں وزیر اعظم عمران خان صاحب نے عوام کو دکھایا تھا اس کی
تکمیل کا وقت جب آیا تو عوام کی ان سے امیدیں بہت بڑھ چکی تھیں |
|
تبدیلی کی دعویدار حکومت سے عوام راتوں رات کسی معجزے کی
امید لگائے بیٹھے تھے اور ان کو لگتا تھا کہ پاکستان تحریک انصاف کی جکومت
کے آنے کے بعد سب ٹھیک ہو جائے گا پاکستان میں دودھ اور شہد کی نہریں بہنا
شروع ہو جائيں گی ۔ ہر فرد کو روزگار ملے گا مہنگائی کم ہو جائے گی وغیرہ
وغیرہ مگر تین سال گزرنے کے باوجود اب تک تبدیلی کا دعویٰ اور اس کے اثرات
غریب عوام تک نہیں پہنچ سکے۔ |
|
گزشتہ رات بارہ بجے سے ایک بار پھر عوام پر پٹرول بم گرا
دیا گیا۔ جب عوام نے اس اچانک پڑنے والی افتاد کے بارے میں جاننے کے لیے
وزیر اعظم عمران خان کا آفیشل فیس بک پیچ دیکھا تو وہاں پر ان کی بیگم بشریٰ
بی بی کی سیاہ برقع میں تصویر جلوہ افروز نظر آئی جس نے پانچ روپے پٹرول
میں اضافے کی تکلیف کو مزید بڑھا دیا- |
|
ایک عام انسان اگر اپنے فیس بک اکاؤنٹ سے اپنی فیملی اور اپنی تصاویر شئير
کرتا ہے تو یہ ایک سمجھ میں آنے والی بات ہے مگر ایک وزير اعظم کے اکاؤنٹ
سے ان کی بیگم کی تصویر کا شئير ہونا جس پر کسی قسم کا کوئی کیپشن بھی نہ
ہو حیرت کی بات ہے- اسی وجہ سے فیس بک صارفین یہ سوال اٹھانے پر مجبور ہو
گئے کہ یہ تصویر کیوں شئير کی گئی ہے- |
|
|
|
جب کہ کچھ افراد نے بشریٰ بی بی کی خوبصورتی پر طنز کرتے
ہوئے کہا کہ یہ اتنی ہی خوبصورت ہیں جتنا کہ نیا پاکستان خوبصورت ہے- ماشا
اللہ جہاں نہ تو مہنگائی ہے نہ ہی غربت اور نہ ہی کسی قسم کا ظلم اور
زيادتی ہے۔ خان صاحب مہنگائی میں اس وقت تک اضافہ کرتے رہیں جب تک کہ عوام
بھوک سے مر نہ جائے- |
|
|
|
کچھ لوگوں نے تو وزیر اعظم پر تنقید کرنے میں ہر حد پار
کر دی اور ان کا یہ کہنا تھا کہ نئے پاکستان میں صرف ایک ہی شعبہ بہترین
کام کر رہا ہے اور وہ شعبہ خان صاحب کے فوٹو گرافر کا ہے جو اتنی بہترین
تصاویر لے رہے ہیں- |
|
|
|
جب کہ کچھ افراد نے مہنگائی کے اثرات کو روکنے کے لیے
بشریٰ بی بی کی تصویر شئير کرنے کی اپنے طور پر ایک وجہ بھی بیان کر دی- |
|
|
|
جب کہ کچھ باشعور لوگوں نے بہت مہذبانہ
انداز میں خان صاحب سے یہ سوال بھی کر لیا کہ اس وقت ان کے آفیشل اکاونٹ سے
ان کی بیوی کی تصویر کے بجائے ان کی حکومت کی کارکردگی کو شئير کرنے کا وقت
ہے- |
|
یہ تمام کمنٹ جو اس پوسٹ پر کیے گئے یہ ان کی صرف ایک
جھلک ہے اور صرف وہ کمنٹ ہیں جو کہ شائع کیے جا سکتے تھے اس کے علاوہ
ہزارہا کمنٹ ایسے ہیں جو مہنگائی کی پسی عوام کے ردعمل کو ظاہر کر رہے ہیں
امید ہے کہ عمران خان صاحب لوگوں کے ان کمنٹس پر غور کریں گے- |
|
یاد رہے کہ بشریٰ بی بی کی یہ تصویر پنجاب
ہیلتھ اینڈ مینٹل انسٹی ٹیوٹ کے دورے کے موقع پر لی گئی ہے جس میں انہوں
نے نہ صرف ادارے کا جائزہ لیا بلکہ اس کے سر براہ کو بھی جلد از جلد ادارے
کی حالت بہتر بنانے کا ٹائم فریم بنانے کا بھی حکم دیا- |