|
|
اولاد تو ماں باپ کے چہرے کی مسکراہٹ ہوتی ہے جو پل بھر میں دن بھر کی ساری تھکان
دور کر کے ایک دم نیا کردیتی ہے۔۔۔ شوبز کی دنیا میں کہاں وقت ملتا ہے کہ اپنے لئے
کچھ کر سکیں۔۔ لیکن جہاں تھوڑا سا بھی وقت ملے تو بہت سارے شوبز کے ابو ایسے ہیں جو
پہلی فرصت میں اپنے بچوں کے ساتھ وقت گزارنے کے لئے بھاگتے ہیں۔۔۔۔ |
|
فیصل قریشی |
وقت بہت تیزی سے گزر رہا ہے اور اب فیصل قریشی کے ننھے فرمان بھی بڑے
ہو رہے ہیں اور باقاعدہ ابا کے ساتھ نا صرف کھیلتے ہیں بلکہ کشتی بھی لڑتے
ہیں اور ان کو غصہ بھی دکھاتے ہیں۔۔۔ فیصل قریشی کو دن بھر کی تھکن دور
کرنے کے لئے صرف ایک یہی دوا کافی ہوتی ہے کہ ننھے فرمان ان کے ساتھ
باقاعدہ لڑائی کریں اور کھیلیں۔۔۔ اس کھیل کو آیت بھی خاصا انجوائے کرتی
ہیں اور یہ ایک ایسا فیملی ٹائم ہوتا ہے جس کی کوئی قیمت نہیں۔۔۔ |
|
|
علی عباس |
اداکار علی عباس نے کچھ دن پہلے ایک جگہ بتایا کہ کوئی مجھ سے پوچھے
کہ کیا قیمت ہوتی ہے اپنے بچوں کے ساتھ گزارے گئے وقت کی تو میں بیان نہیں
کر سکتا۔۔۔ میں شوٹ کے دوران بھی ان کی ویڈیو کال اٹھا لیتا ہوں کیونکہ
بچوں کو میں ناراض نہیں کر سکتا۔۔۔ بیٹی تو اب سمجھدار ہوگئی ہے لیکن بیٹا
ابھی تھوڑا غصہ کرتا ہے اور اسے میرے ساتھ کھیلنا بہت پسند ہے ۔۔۔اگر نا
کھیلوں تو اسے منانا پڑتا ہے۔۔۔ |
|
|
شاہد خان آفریدی |
کرکٹ اسٹار شاہد خان آفریدی اپنی پانچوں بیٹیوں پر جان چھڑکتے ہیں
لیکن جب بچہ چھوٹا ہوتا ہے تو اس کے ساتھ باقاعدہ آپ کھیل سکتے ہیں۔۔۔ شاہد
خان آفریدی اپنی چھوٹی بیٹیوں کے ساتھ باقاعدہ مستی بھی کرتے ہیں اور
کھیلتے بھی ہیں۔۔۔ ان کی بیٹیاں ان سے مزے مزے کی باتیں کرتی ہیں جن کا
کوئی مول نہیں۔۔۔ ان کا کہنا ہے کہ ان کے لئے سب سے زیادہ مزیدار وقت ہی
بیٹیوں کے ساتھ ہوتا ہے۔۔۔ |
|