|
|
ماں باپ اپنی اولاد کو جس محبت اور پیار کے ساتھ پالتے
ہیں، اگر اس کا ایک فیصد بھی اندازہ اولاد کو ہوجائے تو وہ کبھی اپنے ماں
باپ کو تکلیف نا دے۔۔۔والدین کی یہ خواہش ہوتی ہے کہ وہ خود چاہے روکھی
سوکھی کھائیں لیکن ان کے بچے بہترین پہنیں، بہترین کھائیں، بہترین زندگی
گزاریں۔۔۔کچھ ایسا ہی فیصلہ لیا شبیر جان اور فریدہ شبیر نے اپنے لاڈلے
بیٹے اردل کے لئے۔۔۔ |
|
فریدہ شبیر نے کچھ عرصہ پہلے ایک شو میں بتایا بھی تھا کہ ان کا ارادہ ہے
کہ وہ اپنے بیٹے کو اعلیٰ تعلیم کے لئے ملک سے باہر پڑھنے کے لئے بھیجیں
اور ایسی ان کے بیٹے کی خواہش ہے۔۔۔ تو جناب وقت آگیا ہے خوابوں کے اس سفر
کو منزل تک پہنچانے کا۔۔۔اردل کو امریکہ کے کالج میں وکالت پڑھانے کے لئے
بھیجا جائے گا اور امریکہ اس لئے کیونکہ شکاگو میں خالہ بھی رہتی ہیں اور
اردل کے لئے اپنی خالہ کے پاس رہنا ایک بہترین فیصلہ ہوگا۔۔۔ |
|
|
|
فریدہ شبیر اور شبیر جان کے لئے اردل بہت قیمتی کچھ اس
لئے بھی ہے کیونکہ فریدہ شبیر کے پاس یہ دولت سالوں سے نہیں تھی اور اردل
ان کی زندگی میں بہار کا تازہ جھونکا بن کر آیا ۔۔۔اس کے بعد یشمیرہ بھی
آئیں لیکن پہلی اولاد کی ٹھنڈک ماں کبھی نہیں بھولتی۔۔۔ |
|
فریدہ شبیر کا دل تو بہت اداس ہے یہ سوچ کر کہ ان کا
شہزادہ اتنے دن سے دور رہے گا اور وہ اس کے بغیر یہاں پر زندگی گزار رہی
ہوں گی۔۔۔ لیکن پھر بچوں کی خواہش اور ان کے روشن مستقبل کی آس یہ تمام
اداسی مٹا ہی دے گا۔۔۔ |
|
|
|
دونوں میاں بیوی اس ہفتے اپنے لاڈلے کو چھوڑنے کے لئے
جائیں گے تاکہ وہاں کچھ دن رہ کر اسے سیٹ کرکے اور پھر واپس آئیں۔۔۔دعا ہے
کہ شبیر جان اور ان کی بیگم فریدہ شبیر کو اپنے بچوں پر کی گئی محنت کا صلہ
بھی اتنا ہی خوبصورت ملے۔ |