|
|
|
|
|
موت برحق ہے لیکن وہ موت جس کا سبب قتل ہو ایک ایسی تکلیف دہ موت ہے جو اپنے اندر
سوالات کا ایک طوفان برپا کر دیتی ہے۔۔۔کیوں، کس نے، کس طرح کے سوالات ساری عمر بے
چین رکھتے ہیں۔۔۔شوبز کے ایسے کئی نام ہیں جن کی موت کا سبب بندوق سے نکلی گولی ہے
لیکن اس کا سبب آج بھی ایک سوال ہے۔۔۔ |
|
|
|
سلطان راہی |
|
سلطان راہی کی شہرت کا اختتام بس ایک گولی کی مدد سے ہی ممکن ہوا،
ورنہ جس پائے کے وہ اداکار تھے تو انہیں ہرانا ناممکن ہی تھا۔۔۔۱۹۹۶ کی ایک
رات وہ اسلام آباد سے واپس آرہے تھے جب ان کی گاڑی خراب ہوئی اور وہیں ان
کو اندھیرے میں کچھ لوگوں نے گھیر کر گولی مار کر قتل کردیا۔۔۔ وہ اس وقت
ہسپتال تو لے کر جائے گئے لیکن ان کو زندگی نصیب نا ہوسکی۔۔۔سلطان راہی کی
موت کا معمہ آج تک حل نا ہوسکا۔۔۔ان کے بیٹے نے بھی بہت عرصہ کوشش کی لیکن
پھر وہ بھی تھک کر پیچھے ہٹ گیا۔ |
|
|
|
|
|
نادرہ |
|
اداکارہ نادرہ فلم انڈسٹری کی ان اداکاراؤں میں سے تھیں جن کا حسن اور جن
کا انداز آتے ہی مقبولیت کے آسمان چھونے لگا۔۔۔ وہ اپنے دور کی مہنگی ترین
اداکاراؤں میں سر فہرست تھیں۔۔فلم پروڈیوسرز کا خود یہ کہنا ہے کہ نادرہ جب
بھی اسٹوڈیو آتی تھی تو مہنگی ترین گاڑی سے اترتی تھی۔۔۔جبکہ بہت ساری
اداکارائیں رکشہ یا کرائے کی گاڑیوں میں سفر کرتی تھیں۔۔۔نادرہ کے چاہنے
والوں کی فہرست بہت طویل تھی لیکن ان کی موت کا سبب بنی ایک گولی۔۔اس گولی
کا راز آج تک معمہ ہی ہے۔ |
|
|
|
|
|
ماروی |
|
سندھی بیک گراؤنڈ سے فلم انڈسٹری میں قدم رکھنے والی ماروی نے تین یا چار
فلموں میں ہی کام کیا لیکن اپنی بھولی صورت کی وجہ سے لوگوں کے ذہن پر نقش
ہوگئیں۔۔۔ ان کی آخری فلم ثابت ہوئی ـ’’ماروی‘‘ جو فیصل قریشی کے ساتھ تھی۔۔۔
آج تک لوگ یہ نہیں جان پائے کہ ۱۹۹۸ میں وہ کون تھا جس نے ماروی کو گولی کا
نشانہ بنا دیا ۔۔۔وہ اپنی کار میں تنہا سفر کر رہی تھیں اور گولی لگنے کے
بعد بہت دیر اسی طرح پڑی رہیں اور جب تک پولیس پہنچی وہ دنیا سے جا چکی
تھیں۔۔۔ |
|
|