|
|
مشہور زمانہ خفیہ ایجنٹ جیمز بانڈ سیریز کی سنسنی خیز اور ایکشن سے بھرپور فلموں
میں خوبصورت ترین مقامات فلمائے جاتے ہیں۔ آئیے 007 جیمز بانڈ کی فلموں میں دکھائی
گئی پرکشش لوکیشنز کی سیر کرتے ہیں۔ |
|
اوچو ریوس، جمیکا |
بانڈ ٹرپ کے لیے جمیکا ایک اچھا آغاز ہوسکتا ہے۔ مصنف ایئن فلیمنگ نے جمیکا
میں رہتے ہوئے برطانوی خفیہ ایجنٹ کے بارے میں اپنے بہت سے ناول لکھے ہیں۔
اوچو ریوس کے خوبصورت مناظر کو 1962ء میں بننے والی پہلی بانڈ فلم ’ڈاکٹر
نو‘ میں بھی دکھایا گیا تھا۔ |
|
|
اینڈرماٹ - سوئٹزرلینڈ |
بانڈ سیریز کی تیسری فلم میں جیمز بانڈ کا کردار ادا کرنے والے شان کونری
نے سوئٹزرلینڈ کے خوبصورت پہاڑی سلسلے ایلپس کی گزرگاہوں پر اپنی معروف
گاڑی ایسٹن مارٹن کی لگژری کار میں سواری کی تھی۔ یہ گاڑی بانڈ کی مقبول
ترین کار ہے۔ |
|
|
شِلتھورن، پیز گلوریا، سوئٹزرلینڈ |
سن 1969 میں بانڈ سیریز کی چھٹی فلم میں شِلتھورن کی چوٹی پر واقع پیز
گلوریا ریستوران میں فلمنگ کی گئی تھی۔ 2970 میٹر کی بلندی پر واقع اس مقام
کو بانڈ فلم ’آن ہر میجسٹیز سیکرٹ سروس‘ کے منفی کردار کا ٹھکانہ بنایا
گیا تھا۔ |
|
|
کھاؤ فِنگ کان، تھائی لینڈ |
جنوبی تھائی لینڈ میں بحیرہ انڈمان کے پانیوں کے بیچ کھڑے بیس میٹر اونچے
پتھریلے ستون نما جزیرے کو جیمز بانڈ جزیرے کے نام سے بھی جانا جاتا ہے۔
بانڈ اداکار راجر مور کی سن 1974 میں فلمائی گئی فلم نے اس چٹان نما جزیرے
کو مشہور کردیا تھا۔ |
|
|
ایفل ٹاور، پیرس |
بانڈ سیریز کی ساتویں فلم اداکار راجر مور کی بطور خفیہ ایجنٹ آخری فلم
تھی۔ سن 1985 میں فلمائی گئی اس فلم کے ایک سین میں مور نے اپنی ساتھی
اداکارہ گریسی جانز کا پیچھا کرتے ہوئے ایفل ٹاور سمیت فرانسیسی دارالحکومت
کے کئی سیاحتی مقامات کی سیر کرائی تھی۔ |
|