|
|
| |
| کرکٹ کی تاریخ میں ایک عظیم دن رقم ہوا جب بابر اعظم کی
کپتانی میں پاکستانی ٹیم نے بھارت کو اور پھر نیوزی لینڈ کو ایک کڑی شکست
دی۔۔۔ یوں تو ابھی میچز باقی ہیں لیکن پاکستان کے اندر موجود ہمت اور جذبہ
نے ثابت کیا ہے کہ کپتانی ایک بہترین انسان کر رہا ہے۔۔ |
| |
| یہ بہترین انسان ایک ایسا بیٹا ہے جس کے ماں باپ نے بہت
محنت اور بہت چاہت سے اسے پالا اور اس کی خوابوں کو پورا کرنے کے لئے اپنی
زندگی کی کئی خواہشات کو ایک طرف کر دیا۔۔۔ |
| |
| بابر اعظم کا سوشل میڈیا اس بات کی گواہی دیتا ہے کہ وہ
ایک شاندار بیٹے ہیں کیونکہ وہ بارہا اپنے والدین کی محبت کی گواہی دیتے
نظر آتے ہیں۔۔۔ |
|
|
|
|
| |
| ماؤں کے عالمی دن کے موقع پر بابر اعظم نے اپنی امی کے
ساتھا یک تصویر شیئر کرتے ہوئے لکھا کہ ماں جی میرا پہلا بلا جو U15 ٹور کے
لئے آپ نے دلایا وہ پندرہ سو روپے کا تھا جو کہ آپ کی کل بچت تھی۔۔۔لیکن آپ
نے وہ مجھے دے دی۔۔۔ |
| |
| آپ نے مجھ پر اس وقت یقین کیا جب کوئی اور نہیں کرتا
تھا۔۔۔میرا ایک ایک انچ آپ کا مقروض ہے ۔۔۔میں آپ کو دل و جان سے چاہتا
ہوں۔۔۔سب سے کہوں گا کہ اپنی ماؤں کا خیال رکھیں۔۔۔کیونکہ ان کے قدموں کے
نیچے جنت ہے۔۔۔ |
| |
|
|
| |
| اپنے والد کی ایک تصویر کے ساتھ انہوں نے لکھا کہ پاپا
جی ۔۔۔آپ مجھے میچز میں لے کر گئے۔۔۔وہاں گرم دھوپ میں کھڑے رہے تاکہ میں
لگن اور محنت سے آگے بڑھ سکوں۔۔۔آپ کی وہ ایک نظر ہمیں بنا گئی۔۔۔آپ نے صرف
فیملی کو پالا نہیں بلکہ اپنے خوابوں اور اپنی اقدار کو بھی منتقل
کیا۔۔۔میں آپ کا بہت شکر گزار ہوں |