سچ تو یہ ہے (۴۵واں حصہ)

 منظر۳۱۵
عبدالمجیدچارپائی پربیٹھاہے مولوی صاحب دولڑکوں کے ساتھ آتے ہیں ۔ایک لڑکے کے ہاتھ میں ایک تھال ہے دوسرے لڑکے نے جگ اورگلاس اٹھائے ہوئے ہیں دونوں لڑکے یہ چیزیں عبدالمجیدکے سامنے رکھ کرچلے جاتے ہیں
عبدالمجید۔۔۔۔۔یہ کیاہے
مولوی صاحب۔۔۔۔۔میں نے آپ پرغلط الزام لگایاتھا یہ اس کاجرمانہ ہے
عبدالمجید۔۔۔۔۔یہ ضروری ہے کیا
مولوی صاحب۔۔۔۔۔میں نے غلط الزام لگاہے اس کاازالہ بھی مجھے ہی کرناہے
عبدالمجید۔۔۔۔آپ تومولوی صاحب ہیں
مولوی صاحب۔۔۔۔آپ نے بہت انتظارکرلیا اب بتاؤ کیسے آناہوا
عبدالمجید۔۔۔۔۔آپ ان لوگوں کومیرے گھرکس لیے لائے تھے
مولوی صاحب۔۔۔۔۔وہ مجھے لے کرگئے تھے
عبدالمجید۔۔۔۔ان کومیرے بیٹے سے کیادل چسپی ہے انہیں میرے بیٹے کی اتنی فکرکیوں ہے
اسی دوران عبدالغفوراورظفراقبال بھی آجاتے ہیں
مولوی صاحب۔۔۔۔۔احمدبخش کی جگہ کوئی بھی ہوتا وہ تیرے بیٹے کی طرح بیمارہوتا تویہ اس کی بھی اتنی ہی فکرکرتے
عبدالمجید۔۔۔۔۔ان فضول سوالوں کاکیامطلب ہے جواس دن آپ نے مجھ سے پوچھے تھے
ظفراقبال۔۔۔۔وہ سوال فضول نہیں تھے آپ سے تواوربھی بہت کچھ پوچھناہے
عبدالمجید۔۔۔۔۔مجھ سے مجرم کی طرح تفتیش کیوں ہورہی ہے
عبدالغفور۔۔۔۔۔سچائی جاننے کے لیے ایساکرناضروری ہے
ظفراقبال۔۔۔۔۔ہم توآج بھی مولوی صاحب کولے کرآپ کے گھرآرہے تھے آپ توہمیں مولوی صاحب کے پاس ہی مل گئے
٭٭٭٭٭٭٭٭٭
منظر۳۱۶
اریبہ۔۔۔۔۔میں دوکاموں کی وجہ سے تمہارے پاس آئی تھی ایک کام توہوچکاہے
رحمتاں۔۔۔۔۔دوسراکام کون ساہے
اریبہ۔۔۔۔۔دوسراکام میرانہیں راشدہ کاہے میں نے پہلے بھی اس کی مشکلات دورکرنے کی کوشش کی تھی جس سے اس کی مشکلات اوربڑھ گئی تھیں۔اس لیے آپ کے پاس آئی ہیں
رحمتاں۔۔۔۔۔بات کیاہے
اریبہ۔۔۔۔راشدہ سے۔۔۔۔تم خود ہی بتاؤ
راشدہ۔۔۔۔۔میں یہ بھی جانتی ہوں کہ احمدبخش اپنے باپ کے گھرگیاتووہ اس کے ساتھ کیاسلوک کرسکتاہے اس کاباپ کہتاہے آج وہ مغرب تک گھرنہ آیاتوتوجانتی ہے میں تیرے ساتھ کیاسلوک کرسکتاہوں
اریبہ۔۔۔۔۔رحمتاں سے۔۔۔۔۔آپ احمدبخش کے ابوکوجانتی توہیں کہ وہ کس طرح کاآدمی ہے
رحمتاں۔۔۔۔۔راشدہ سے۔۔۔۔توکیاچاہتی ہے
راشدہ۔۔۔۔۔میں چاہتی ہوں کہ میرابیٹا اپنے باپ کے ظلم سے محفوظ رہے
رحمتاں۔۔۔۔وہ جب تک ہمارے گھرمیں ہے محفوظ ہے
اریبہ۔۔۔۔۔کیاوہ اب تمہارے گھرمیں رہے گا
رحمتاں۔۔۔۔وہ اپنے گھرجائے گا کب اورکس وقت جائے گا اس کافیصلہ صابراں کے ابواوربشیراحمدکریں گے
راشدہ۔۔۔۔۔میرابیٹاجتنے دن تمہارے گھرمیں رہے گا اس کے باپ کاغصہ اس پربڑھتارہے گا
رحمتاں۔۔۔۔اس بات کاخدشہ صابراں کے ابوکوبھی ہے وہ گھرمیں آئیں گے تومیں ان سے بات کروں گی
رحمتاں۔۔۔راشدہ سے۔۔۔۔۔اگرتوکہے تومیں احمدبخش کے چچاسے کہوں گی کہ وہ اس کوگھرجانے دیں
راشدہ۔۔۔۔۔میں خودتواس کے باپ کاظلم برداشت کرلوں گی مگریہ کبھی نہیں چاہوں گی کہ میرے بچے اس کے ظلم کاشکاربنیں
رحمتاں۔۔۔۔۔کوئی بھی ماں اپنے بچوں کوکسی بھی مشکل میں نہیں دیکھ سکتی
٭٭٭٭٭٭٭٭٭
منظر۳۱۷
مولوی صاحب ۔۔۔۔۔عبدالغفور، ظفراقبال۔۔۔۔۔آپ نے اس سے پوچھ گچھ کی یہ میری تفتیش کرنے آئے ہیں
ظفراقبال۔۔۔۔۔مولوی صاحب آپ نے ایساکیاکردیاہے
مولوی صاحب۔۔۔۔۔ان کے مطابق آپ کوان کے گھرلے جانے کاذمہ دارمیں ہوں
عبدالغفور۔۔۔۔۔وہ توہم آپ کولے گئے تھے آپ ذمہ دارکیسے ہوگئے
مولوی صاحب۔۔۔۔۔میں ان کویہ بات پہلے ہی بتاچکاہوں یہ مجھ سے پوچھ رہے تھے کہ ان سے پوچھے گئے فضول سوالوں کاکیامطلب تھا
ظفراقبال۔۔۔۔۔وہ سوال فضول نہیں تھے ابھی تواوربھی بہت کچھ پوچھناباقی ہے
عبدالمجید۔۔۔۔۔اورکیاپوچھناہے مجھ سے
عبدالغفور۔۔۔۔کیاآپ بتاسکتے ہیں آپ کے بیٹے احمدبخش کوکیاکیاپسندہے
عبدالمجید۔۔۔۔کیامطلب
ظفراقبال۔۔۔۔۔آپ کے بیٹے کوسالن کون ساپسندہے
عبدالمجید۔۔۔۔۔میں اس سوال کاکیاجواب دوں
عبدالغفور۔۔۔۔۔کیااس نے کبھی نہیں کہا کہ اسے یہ سالن چاہیے یاآج یاکل میں یہ سالن پکایاجائے
عبدالمجید۔۔۔۔گھرمیں سالن میرے کہنے پربنتاہے جومیں کہوں وہی سالن بنتاہے
ظفراقبال۔۔۔۔۔کیاآپ نے کبھی بیوی سے یابچوں سے کبھی پوچھا ہے کہ آج گھرمیں کیاپکایاجائے
عبدالمجید۔۔۔۔بچوں کوکیامعلوم کہ کیاپکاناہے کیانہیں پکانا
عبدالغفور۔۔۔۔کیاآپ نے کبھی بچوں کوان کی پسندکے کپڑے یاجوتے خریدکردیے ہیں
عبدالمجید۔۔۔۔۔میں جوچاہتاہوں ان کے لیے لے آتاہوں
عبدالغفور۔۔۔۔۔کیاکبھی بچوں نے کہاہے کہ انہیں اس رنگ کے کپڑے چاہییں
عبدالمجید۔۔۔۔بچوں کواس کی اجازت نہیں ہے
مولوی صاحب۔۔۔۔۔آپ کبھی بچوں کوسیرکرانے لے گئے ہیں کیا
عبدالمجید۔۔۔۔اس سے بچے آوارہ ہوجائیں گے
عبدالغفور۔۔۔۔۔آپ کچھ پوچھنایاکہناچاہتے ہیں توبولیں
عبدالمجید۔۔۔۔۔میرے بھائی نے میرے بیٹے کودودن سے اپنے گھرمیں رکھاہواہے وہ اسے میرے گھرمیں نہیں آنے دے رہے
ظفراقبال۔۔۔۔اس کی کوئی تووجہ ہوگی
عبدالمجید۔۔۔۔کھیتوں میں دودن سے کوئی کام نہیں ہواتھا وہاں کام کرتے ہوئے رات ہوگئی میرے دونوں بھائی آئے اورمیرے بیٹے کولے کرچلے گئے
مولوی صاحب۔۔۔۔۔آپ کابیٹا کتنی دیرسے وہاں کام کررہاتھا
عبدالمجید۔۔۔۔اتنی زیادہ دیرتونہیں ہوئی تھی
ظفراقبال۔۔۔۔۔آپ کابیٹا کس وقت کھیتوں میں گیاتھا
عبدالمجید۔۔۔۔۔جس وقت مولوی صاحب وہاں سے آئے تھے اس کے آدھے گھنٹے بعد
مولوی صاحب۔۔۔۔۔۔میں توا س وقت گھرسے آیاتھا اس وقت تودن کاپہلاپہرختم ہونے والاتھا
عبدالغفور۔۔۔۔عبدالمجیدسے۔۔۔۔۔تیرے بھائیوں نے بہت اچھاکیاجوتیرے بیٹے کواپنے گھرلے گئے
عبداالمجیدیہ کہتے ہوئے چل پڑتاہے میرے بیٹے کومیرے بھائیوں نے گھرمیں رکھاہواہے اب یہ لوگ کہتے ہیں انہوں نے اچھاکیاہے
٭٭٭٭٭٭٭٭٭
منظر۲۱۸
ایک گھرکے صحن میں پچاس کرسیوں پرمہمان بیٹھے ہیں۔ ایک شخص قرآن پاک کی تلاوت کرتاہے۔ ایک اورشخص سیدصبیح الدین رحمانی کالکھاہوانعتیہ کلام سناتاہے۔ اس کے بعدگفتگوکاسلسلہ شروع ہوتاہے
اخترحسین۔۔۔۔۔ہم نے احمدبخش کے معاملہ کی تحقیقات کے لیے کمیٹی بنائی تھی میں اس کمیٹی کے ممبران سے کہوں گا کہ وہ اجلاس کواپنی اب تک کی کارکردگی بتائیں
عبدالغفور۔۔۔۔۔ہماری تحقیقات کے مطابق احمدبخش کانہیں اس کے والدعبدالمجیدکاعلاج کرانے کی ضرورت ہے
رشیداحمد۔۔۔۔۔بیمارتووہ بچہ ہے اورعلاج اس کے باپ کاکرائیں یہ کیوں
ظفراقبال۔۔۔۔۔وہ بچہ اپنے باپ کی وجہ سے ہی بیمارہواہے
عمیرنواز۔۔۔۔۔باپ کی وجہ سے کیوں
عبدالغفور۔۔۔۔احمدبخش صبح سے رات گئے تک مسلسل کام کرتاہے جب وہ سکول سے آتاہے تواس کاباپ اسے اطمینان سے کھانابھی نہیں کھانے دیتا اوراس کوکھیتوں میں کام کرانے کے لیے لے جاتاہے
ظفراقبال۔۔۔۔سورج غروب ہونے کے بعدوہ گھرواپس آتے ہیں عبدالمجیدکے تینوں بچے رات گئے سکول کاذمیہ کام کرتے ہیں
عبدالغفور۔۔۔۔۔عبدالمجیدنے کبھی اپنے بچوں سے ان کی پسندنہیں پوچھی
ناصراقبال۔۔۔۔۔ہم نے عبدالمجیدکے گھرمیں بھیجی تھیں ان کاکہناہے جس دن احمدبخش بیمارہوا اس سے ایک دن پہلے اس کے باپ نے اس کی ماں کوسارادن کمرے میں بندرکھا احمدبخش کی ماں باربارآوازیں دیتی رہی مجھے باہرنکالو
اخترحسین۔۔۔۔۔احمدبخش پہلے ہی ذہنی دباؤ میں تھا ماں کوکمرے میں بنددیکھ کروہ برداشت نہ کرسکا
ظفراقبال۔۔۔۔احمدبخش کواس کے چچانے اپنے گھرمیں رکھاہوا ہے اس کاباپ شکایت لے کرہمارے پاس آیاتھا
جاوید۔۔۔۔۔۔میں اپنے بھتیجے کواس کے گھربھیج دوں یاابھی وہ میرے گھرمیں ہی رہے
اخترحسین۔۔۔۔ابھی وہ آپ کے گھرمیں رہے
بشیراحمد۔۔۔۔اس کاعلاج کیسے کرائیں گے
٭٭٭٭٭٭٭٭٭
منظر۳۱۹
سعیداحمدکے گھرمیں تمام رشتہ دارچارپائیوں اورکرسیوں پربیٹھے ہیں
عارف کی خالہ۔۔۔۔۔کیاخوب اتفاق ہے اس سے پہلے بھی ہم عارف کی وجہ سے اکٹھے ہوئے تھے اورآج بھی اسی کی وجہ سے آئے ہیں
کریم بخش۔۔۔۔۔اس وقت کے آنے اورآج کے آنے میں فرق ہے
عارف کاپھوپھا ۔۔۔۔۔وہ فرق کیاہے
رحمتاں۔۔۔۔۔اس سے پہلے آپ سب اس لیے آئے تھے کہ آپ میرے بیٹے کوسمجھاسکیں اورآج آپ کواس لیے بلایاہے کہ عارف نے خودکوسچاثابت کردیاہے
عارف کی پھوپھی۔۔۔۔۔یہ سب ہواکیسے
سعیداحمد۔۔۔۔۔میں اوربھائی جان مولوی صاحب کے پاس گئے تھے مولوی صاحب نے کہاکہ عارف ٹھیک کہتاہے
رحمتاں۔۔۔۔۔عارف نے ہم سب سے ایک ہی بات کی ہے کہ اس کوایک سوال کاجواب دے دیاجائے تووہ ہماری بات ماننے کوتیارہے
عارف کاپھوپھا۔۔۔۔۔وہ سوال ہے کیا جس کاجواب عارف کوچاہیے
سعیداحمد۔۔۔۔عارف بیٹھاہے اسی سے پوچھ لو
عارف کی خالہ ۔۔۔۔عارف سے۔۔۔۔عارف بتاؤ تم نے ان سب سے ایساکون ساسوال پوچھاہے
عارف۔۔۔۔۔یہ بات آپ سب کوعبدالحق بتائے گا
عبدالحق۔۔۔۔۔سوال سننے سے پہلے ایک بات سن لیں بھائی جان کی بات کاجواب ہمارے دونوں گھروں میں سے کسی کے پاس نہیں ہے ہوسکتاہے اس کاجواب آپ میں سے کسی کے پاس ہو
عارف کی پھوپھی۔۔۔۔۔عارف کیاکہتاہے
عبدالحق۔۔۔۔۔بھائی یہ رکشہ چھوڑ کرکوئی اورکام کرنے کوتیارہیں یہ امی اورابوکی بات ماننے کوبھی تیارہیں
عارف کی خالہ۔۔۔۔۔عارف نے والدین کاکہنامان تولیاہے
نورالعین۔۔۔۔۔ابھی عبدالحق کی بات مکمل نہیں ہوئی
عبدالحق۔۔۔۔۔بھائی کہتے ہیں آپ جوکام بھی کہیں گے میں وہ کرنے کوتیارہوں میراراشتہ لے کرجس گھرمیں بھی جائیں وہ یہ نہ کہیں کہ یہ بھی کوئی کام ہے
کریم بخش۔۔۔۔۔عارف یہ بھی کہتاہے اسے جوکام بھی کہاجائے وہ کرنے کوتیارہے کوئی اسے یہ نہ کہے کہ یہ کام چھوڑ کرکوئی اورکام کرو اس کام کے کرنے والے کورشتے نہیں ملتے
رحمتاں۔۔۔۔۔آپ کے پاس کوئی جواب ہے تودے دیں
٭٭٭٭٭٭٭٭٭
منظر۳۲۰
اریبہ، بشیراحمد،سمیرااورفیاض کمروں کے ساتھ صحن میں چارپائیوں پربیٹھے ہیں۔
بشیراحمد۔۔۔۔۔فیاض سے۔۔۔۔۔دکان میں کام کیساجارہاہے استاد صاحب کیسے ہیں
فیاض۔۔۔۔دکان میں کام اچھاجارہاہے استادصاحب بھی ٹھیک ہیں
بشیراحمد۔۔۔۔۔تیری سلائی میں بہتری آئی ہے یانہیں
فیاض۔۔۔اس سوال کاجواب تواستادصاحب ہی دے سکتے ہیں
بشیراحمد۔۔۔۔اریبہ سے۔۔۔۔۔میں نے تجھ سے کوئی بات کہی تھی
اریبہ۔۔۔۔اس کاانتظام ہوگیاہے
بشیراحمد۔۔۔۔اس کافیصلہ کون کرے گا
ریبہ۔۔۔۔راشدہ کریں گی
بشیراحمد۔۔۔۔وہ آئیں گی یاکھاناان کے گھربھجواؤگی
اریبہ۔۔۔۔۔رحمتاں کی تینوں بیٹیوں کے بنائے گئے کھانے اورآپ کی بیٹی کاپکایاہواکھانافیاض راشدہ کواس کے گھردے آئے گا
بشیراحمد۔۔۔۔۔اس سے راشدہ کے لیے کوئی مسئلہ نہ بن جائے
اریبہ۔۔۔۔اس کے علاوہ کوئی چارہ بھی نہیں ہے۔
بشیراحمد۔۔۔۔۔میں سمجھانہیں
اریبہ۔۔۔۔۔میں اوررحمتاں اس کافیصلہ نہیں کرسکتیں اس کاایک فائدہ بھی ہے
بشیراحمد۔۔۔۔۔کیافائدہ ہے اورکس کافائدہ ہے
اریبہ۔۔۔۔آپ کے بھائی کے گھرمیں دودوہفتے تک ایک ہی کھاناپکتاہے بچے روزانہ ایک ہی کھاناکھاکراکتاجاتے ہیں اس بہانے سے وہ بھی اورکھانے کھالیں گے
بشیراحمد۔۔۔۔راشدہ کویہ ذمہ داری دیتے ہوئے تم نے اس بارے بھی سوچاہے
اریبہ۔۔۔۔آپ اجلاس میں گئے تھے کیاطے ہوا
بشیراحمد۔۔۔۔وہ بھائی کاعلاج کرائیں گے لیکن یہ بات ابھی کسی کونہ بتائیں
٭٭٭٭٭٭٭٭٭
منظر۳۲۱
عارف کی پھوپھی۔۔۔۔۔ہم بھی اس کے سوال کاجواب نہیں دے سکتے اعتراض کرنے والے توکسی کام پربھی اعتراض کرسکتے ہیں
عبدالحق۔۔۔۔۔جب لوگوں کے اعتراضوں سے بچنااتنامشکل ہے توبھائی کی بات مان کیوں نہیں لیتے
سعیداحمد۔۔۔۔۔ہم نے عارف کی بات کومان بھی لیاہے اورسمجھ بھی لیاہے
نورالعین۔۔۔۔۔ہم بڑے بچوں سے کہتے ہیں جوہم کہہ رہے ہیں بس وہی ٹھیک ہے جوہم کہہ رہے ہیں تم وہی کرو
کریم بخش۔۔۔۔۔کبھی ہم نے یہ غورنہیں کیا کہ بچے کیاکہہ رہے ہیں ہم بچوں کی باتوں کوبچے سمجھ کرنظراندازکردیتے ہیں
رحمتاں۔۔۔۔۔کبھی ہم نے بچوں کی باتوں کواہمیت ہی نہیں دی ہم نے بچوں سے کبھی نہیں کہا کہ وہ ایساکیوں کہہ رہے ہیں
سعیداحمد۔۔۔۔مولوی صاحب نے ہمیں سمجھایاکہ عارف کی بات کاکیامطلب ہے
عارف کاخالو۔۔۔۔اس کی بات کامطلب ہمیں بھی سمجھادیں
کریم بخش۔۔۔۔۔مولوی صاحب کہہ رہے تھے ہم ظاہری اسباب پریقین رکھتے ہیں رزق دینے والے پرنہیں
عارف کاپھوپھا۔۔۔۔۔یہ بات تودرست ہے ہم ظاہری اسباب ہی کودیکھتے ہیں یہ نہیں دیکھتے کہ رزق تواﷲ نے ہی دیناہے
عارف کی خالہ۔۔۔۔۔ہم صرف یہ یقین کرلیں کہ رزق اﷲ تعالیٰ دیتاہے چاہے کوئی ریڑھی چلاتاہے کوئی کاروبارکرتاہے کوئی رکشہ چلاتاہے سب کوکسی نہ کسی وسیلے سے رزق اﷲ ہی دیتاہے
رحمتاں۔۔۔۔۔۔یہ یقین آجائے توپھراعتراض کرنے کی گنجائش نہیں رہتی
عارف کاپھوپھا۔۔۔۔۔۔آپ رشتہ تلاش کریں کہ اس نے ہم سب کوبتادیا ہے کہ ظاہری اسباب پرنہیں اﷲ پریقین کریں جس نے رزق دیناہے
عارف کی خالہ۔۔۔۔۔۔مجھے امیدہے عارف کے لیے ایساگھرضرورمل جائے گا جس کوعارف کے رکشہ چلانے پراعتراض نہیں ہوگا
٭٭٭٭٭٭٭٭٭