|
|
| |
| شادی ہر انسان کا ایک ذاتی معاملہ ہے اور ہر انسان کو اس
بات کی مکمل آزادی حاصل ہے کہ وہ اپنی مرضی سے اپنے جیون ساتھی کا انتخاب
کر سکتا ہے- مگر بحیثیت قوم ہم لوگ سوشل میڈیا بریگیڈ کی فوج کے ہراول دستے
میں شامل ہیں جو کہ ہر انسان کی ذاتی زندگی پر رائے دینا اپنا حق سمجھتے
ہیں- یہ زندگی اگر کسی سیلیبریٹی اور شوبز سے جڑی کسی اداکارہ کی ہو تو پھر
ہر انسان کے چاقو اور چھریاں اور بھی تیز ہو جاتی ہیں اور وہ بغیر اس بات
کا خیال کیے کہ ہمارے تبصرے سامنے والے کے دل کو کس طرح چھلنی کر دیتے ہیں
تیر برسانا شروع کر دیتے ہیں- |
| |
| شوبز کی اداکارائيں جن
کے شوہروں کو تنقید کا نشانہ بنایا گیا |
| گزشتہ کچھ عرصے سے سوشل میڈيا پر ایک ٹرینڈ شروع ہو گیا
ہے جہاں پر شوبز سے جڑے لوگ اپنی شادی کی تقریبات کی تمام تصاویر اور
ویڈيوز سوشل میڈيا پر اس امید کے ساتھ شئير کرتے ہیں کہ ان کے چاہنے والے
بھی ان کے ان خاص موقعوں پر ان کے ساتھ شامل ہوسکیں- مگر جس طرح چاہنے
والوں کے ساتھ کچھ حسد کرنے والے بھی ہوتے ہیں تو ایسے لوگ ان موقعوں پر
نیک خواہشات کا اظہار کرنے کے بجائے طنز و تنقید کے نشتر چلانے شروع کر
دیتے ہیں- |
| |
| اریبہ حبیب اور ان کے
شوہر |
| حالیہ دنوں میں اداکارہ اریبہ حبیب شادی کے بندھن میں
بندھ گئيں ان کی شادی میں اگرچہ شوبز کے بہت لوگوں نے شرکت نہیں کی مگر
اپنے سوشل میڈيا اکاونٹ سے اریبہ حبیب نے اپنی شادی کی تصاویر بھی شئير کیں-
اریبہ حبیب کی شادی کی تصاویر میں سوشل میڈیا صارفین نے ان کے شوہر سعدین
کو آڑے ہاتھوں لیا، سعدین کا تعلق بظاہر شوبز سے نہیں تھا اس وجہ سے جس قسم
کے گلیمر کی توقع صارفین اریبہ حبیب کے شوہر سے کر رہے تھے وہ پوری نہ ہو
سکیں- اس وجہ سے انہوں نے ان کو تنقید کا نشانہ بنانا شروع کر دیا- کچھ
لوگوں کا یہ کہنا تھا کہ اگر انسان کے پاس پیسہ ہو تو اس کو اتنی خوبصورت
بیوی مل ہی جاتی ہے- جب کہ کچھ افراد نے ان کو معروف گلوکار میکا سنگھ قرار
دیا جب کہ کچھ افراد کو وہ یو ٹیوبر نادر علی جیسا لگا- |
|
|
| |
| غنا علی کے شوہر |
|
اداکارہ غنا علی جو اب ایک بچی کی ماں بھی بن چکی ہیں ان کی شادی جب ان کے
شوہر عمیر سے ہوئی اور انہوں نے اپنے سوشل میڈیا اکاونٹ سے اس خبر اور اپنے
شوہر کی تصاویر کو شئير کیا تو ان کے شوہر کو بھی ان کے وزن کے سبب کافی
لوگوں نے تنقید کا نشانہ بنایا- کچھ صارفین کے مطابق تو غنا علی کی عمیر کے
ساتھ شادی کا سبب صرف اور صرف ان کی دولت ہی تھی جس کی وجہ سے ایک بیٹے کے
باپ نے اپنی بیوی اور بچے کو چھوڑ کر غنی علی سے شادی کا بندھن باندھ لیا- |
|
|
| |
| جیا علی کے شوہر |
| معروف اداکارہ اور ماڈل جیا علی کی ہانگ کانگ کے ایک
بزنس مین ادریس سے شادی کی تصاویر نے بھی سوشل میڈیا صارفین کو تنقید پر
مجبور کر دیا اور ان کی تصاویر کو دیکھ کر بھی لوگ ان کے شوہر کو ان کی
انکم کے سبب منتخب کرنا قرار دیا گیا اور کچھ افراد نے تو ان کو انکل کا
بھی نام دے ڈالا- یہاں تک کہ کچھ افراد نے اس شادی کو ڈيپ پاکٹ کا نام دے
دیا جب کہ کچھ افراد نے یہ نتیجہ نکالا کہ پیسہ ہی سب کچھ ہوتا ہے- |
|
|
| |
| تاہم اس سب کے ساتھ یہ بات یاد رکھنے کی ہے کہ
ہر فرد اپنے فیصلوں اور ان فیصلوں کے نتائج کا ذمہ دار خود ہوتا ہے اس وجہ
سے تنقید کرتے ہوۓ اس بات کو بھی دھیان میں رکھنا چاہیے- |
|
|