|
|
| |
| روزہ جہاں ہر مسلمان کیلئے خوشیوں اور رب سے لو لگانے کا
پیغام لیکر آتا ہے وہیں بعض لوگ روزوں کے دوران مختلف مسائل کا شکار بھی
دکھائی دیتے ہیں جن میں نیند ایک بہت بڑا مسئلہ ہے اور اکثر دفاتر میں روزہ
دار نیند کی وجہ سے پریشان دکھائی دیتے ہیں۔ |
| |
| دفتر میں نیند کا مسئلہ
|
| روزوں کے ایام میں اکثر لوگوں کے نزدیک سب سے مشکل کام
سحری کیلئے نیند سے اٹھ کر کھانا سمجھا جاتا ہے اور ان کو نیند کے حوالے سے
زیادہ مسائل کا سامنا کرنا پڑتا ہے۔ بعض افراد سحری میں بہت زیادہ کھانے کی
وجہ سے بھی نیند اور غنودگی کا شکار نظر آتے ہیں۔ |
| |
| نیند اور تھکاوٹ سے کیسے
بچا جائے؟ |
| طبی ماہرین کا کہنا ہے کہ کسی بھی عام انسان کو کم سے کم
8 گھنٹے کی نیند ضرور پوری کرنی چاہیے تاہم رمضان میں سحری کیلئے جاگنے کی
وجہ سے اکثر لوگوں کی نیند متاثر ہوتی ہے جس سے ان کا کام بھی متاثر ہوتا
نظر آتا ہے۔ |
|
|
|
|
| |
| نیند کی کمی کی وجہ سے تھکاوٹ، چڑچڑا پن اور یادداشت
متاثر ہونا بھی عام ہے، ایسے میں مختلف امراض جیسے بے خوابی، اعصاب کی
کمزوری اور شوگر جیسے مسائل کا سامنا بھی ہوسکتا ہے۔ |
| |
| طبی ماہرین کا کہنا ہے کہ روزہ میں سستی اور نیند ایک
عام سی بات ہے، اس میں چند عادات کو تبدیل کرکے آپ روزے کے دوران تروتازہ
رہ سکتے ہیں۔ سب سے پہلے تو روزوں کے دوران بیکار کے کاموں میں وقت گزارنے
کے بجائے زیادہ سے زیادہ عبادت اور قرآن پاک کی تلاوت کی جائے۔ |
| |
| سحری تک جاگ کر اپنے جسم کو تھکانے کے بجائے تراویح کے
بعد سونے کی کوشش کی جائے کیونکہ تراویح ایک مکمل ورزش کی طرح آپ کے جسم
کو فعال کرتی ہے۔ اگر آپ سحری تک جاگیں گے تو یقیناً دن بھر نیند کے زیر
اثر رہیں گے- لیکن اگر آپ تراویح کے بعد سوجائیں تو سحری کے وقت بہتر
محسوس کریں گے۔ |
| |
| اکثر یہ سننے میں آتا ہے کہ چائے پینے سے نیند اڑ جاتی
ہے لیکن بعض لوگوں کو نیند زیادہ آتی ہے۔ سحری میں دہی یا لسی کا استعمال
زیادہ کی بجائے مناسب مقدار میں کریں کیونکہ دہی یا لسی سے بھی آپ کو
غنودگی کی کیفیت کا سامنا کرنا پڑسکتا ہے۔ |
| |
|
|
| |
| سحری میں کھانے کے بعد اگر دفتر فوری جانا مقصود نہ ہو
تو عبادت کے بعد کچھ دیر سستا لیں تاکہ کھانے کی وجہ سے آپ پر نیند کا
غلبہ زیادہ نہ ہو۔ کوشش کریں کہ سحری کے بعد نہا کر تروتازہ ہوکر دفتر
جائیں۔ |
| |
| نیند میں
خلل ڈالنے والی چیزوں سے گریز |
| ماہرین کا کہنا ہے کہ آج کل موبائل فون اور لیپ ٹاپ کا
استعمال عام ہے۔ متعدد افراد گھنٹوں ڈرامے اور فلمیں دیکھتے ہیں تاہم سائنس
ہمیں بتاتی ہے کہ ایسا کرنے سے انسان کی نیند بری طرح متاثر ہونے کا خدشہ
رہتا ہے۔ |
| |
| انسانی جسم میں نیند کا ذمے دار میلاٹونن ہارمون
الیکٹرانک آلات کی چھوڑی گئی طاقتور نیلی روشنی کے باعث جسم میں مناسب
مقدار میں شامل نہیں ہوتا جس سے نیند متاثر ہوتی ہے۔ ماہرین کا کہنا ہے کہ
سونے سے ڈیڑھ گھنٹہ قبل الیکٹرانک آلات بند کردینے چاہئیں۔ |
| |
| اسی طرح کیفین کے استعمال سے نیند اڑ جاتی ہے جو چائے
اور کافی کے علاوہ کئی ٹھنڈے مشروبات میں بھی پائی جاتی ہے۔ اگر ایسے
مشروبات شام کے وقت پیے جائیں تب بھی نیند پر منفی اثرات مرتب ہوتے ہیں۔
ماہرین کا کہنا ہے کہ کیفین کا اثر انسانی جسم پر 5 سے 9 گھنٹوں تک برقرار
رہتا ہے۔ |