اگر عمران خان کو سیاسی میدان کا پری زاد قرار دیا جائے تو پھر اس مشہور ڈرامے کا کون سا شخص یہاں کس کردار میں نظر آتا، دلچسپ تجزیہ

پاکستان کی سیاست اس وقت تاریخ کے مشکل ترین دور سے گزر رہی ہے اور اس صورتحال میں اس طرح سے وقت کے ساتھ ساتھ ڈرامائی طور پر ہر پل تبدیلی واقع ہو رہی ہے تو اس نے عوام کی توجہ ہر چیز پر سے ہٹا کر صرف اور صرف سیاست پر مبذول کر رکھی ہے- جس طرح ہر فرد کا موضوع گفتگو سیاست بنی ہوئی ہے اسی طرح سوشل میڈیا پر بھی ہر فرد اپنے حساب سے میمز بنا کر اپنے نقطہ نظر کو بھی واضح کر رہا ہے- ایسی ہی کچھ میمز میں میم بنانے والے نے عمران خان کو پری زاد قرار دیتے ہوئے اس ساری سیاسی صورتحال کو بالکل اسی طرح قرار دیا ہے جس کا سامنا پری زاد کو بھی کرنا پڑا تھا-

پری زاد کے کردار اور عمران خان کی صورتحال میں مشابہت

عمران خان وقت کے پری زاد

جس طرح عمران خان نے ایک طویل اور مشکل جدوجہد اور تنہا مشکلات کا سامنا کرنے کے بعد کامیابی حاصل کی تھی اسی طرح پری زاد کے کردار کو بھی کامیابی ملی تھی اس وجہ سے عمران خان کو موجودہ سیاسی ڈرامے کا پری زاد قرار دیا جا سکتا ہے-

بہروز یا خلائی مخلوق

اس ڈرامے کا کردار بہروز حقیقی معنوں میں خلائی مخلوق کے کردار میں نظر آيا جس کی ناراضگی نے پری زاد کو طویل عرصے کے لیے ہوش و حواس سے بے گانا کر دیتا ہے اور اس کی رضا اور خوشی پری زاد کو شاہی تخت پر بٹھا دیتی ہے- آپ کو کیا لگتا ہے کہ عمران خان کے سیاسی ڈرامے میں یہ کردار کس نے ادا کیا ہے؟

احمد ناساز یا شاہ محمود قریشی

ڈرامے میں پری زاد کے ہر برے وقت کا ساتھی احمد ناساز تھا جس نے پری زاد کے مشکل وقت میں ہمیشہ اس کے ساتھ کاندھے سے کاندھا ملا کر کھڑے ہو کر مشکال حالات کا مقابلہ کیا- مگر اب اس سیاسی ڈرامے کو اگر دیکھا جائے تو شاہ محمود قریشی اسی کردار میں نظر آرہے ہیں-

ماجد یا ایم کیو یم

پری زاد میں ماجد کا کردار پری زاد کے لیے اس کی ابتدائی زندگی میں ایک مثال کی طرح تھا بالکل اسی طرح تحریک انصاف کے قیام کے ابتدائی دنوں میں ایم کیو ایم کا نظم و ضبط عمران خان کو بھی بہت متاثر کرتا رہا اور ایک وقت تک ایم کیو ایم والے بھی عمران خان کے ساتھ دوستی کا دعویٰ کرتے رہے- مگر جیسے ہی موقع ملا عمران خان کی حکومت ماجد کی طرح چرا کر لے گئے

سعیدہ یا سوشل میڈیا

پری زاد کی اس دنیا میں واحد ہمدرد جو تھی وہ اس کی بہن سعیدہ ہی تھی جس کی سپورٹ ہمیشہ بلا شرکت غیرے پری زاد کے ساتھ شامل رہی تھی- چاہے معاملہ بھائیوں بھابیوں کے ساتھ لڑائی کا ہوتا یا جھوٹے الزامات کا ہوتا سعیدہ ہمیشہ پری زاد کے ساتھ کھڑی نظر آتی- بالکل اسی طرح جس طرح سوشل میڈیا نے ہمیشہ عمران خان کا ایک بہن کی طرح ساتھ دیا ہے حالات کیسے بھی ہوں پروپیگنڈہ کتنا بھی شدید ہو مگر سوشل میڈیا کی سپورٹ صرف اور صرف عمران خان کے ساتھ غیر مشروط طور پر رہی-

پری زاد کے بھائی یا عثمان بزدار

پری زاد کے بھائی اس سارے ڈرامے میں پری زاد کے لیے کسی قسم کی سپورٹ دینے میں ناکام رہے یہاں تک کہ جب بھی پری زاد کو ان بھائیوں کی ضرورت پڑی انہوں نے ادھر ادھر دیکھنا شروع کر دیا لیکن اس سب کے باوجود پری زاد اپنے بھائیوں کی محبت سے دستبردار نہیں ہو سکا- جس طرح اپنا وسیم اکرم قرار دینے والے عثمان بزدار کے ساتھ عمران خان ہر ہر وقت کھڑے رہے اس سے محبت کا دعویٰ کرتے رہے- مگر اس کے جواب میں عثمان بزدار عمران خان کے لیے ایسا کچھ نہ کر سکے جو کہ ایک بڑے بھائی کی ذمہ داری ہوتی ہے-