آپ کے پیٹ میں درد ہو سکتا ہے، کیا آپ جانتے ہیں کہ اگر آپ مکمل طور پر گوشت کھانا چھوڑ دیں تو آپ کو کیا کیا نقصانات ہوسکتے ہیں؟

لوگ کئی وجوہات کی بنا پر سبزی خور بننے کا انتخاب کرتے ہیں۔ کچھ اپنی صحت کے لیے ایسا کرتے ہیں، جب کہ کچھ لوگ اپنی مذہبی و اخلاقی وجوہات کی بنا پر گوشت کھانا چھوڑنے کا فیصلہ کرتے ہیں۔ اگرچہ سبزی کے یقیناً بہت سے فوائد ہوتے ہیں لیکن اچانک گوشت چھوڑنا آپ کے جسم کے لیے بہت دباؤ کا باعث ہوتا ہے ۔

1۔ آپ کی جلد پھٹ سکتی ہے

اگر آپ بالکل صاف جلد کا خواب دیکھ رہے ہیں تو اچانک آپ کی خوراک سے گوشت کا نکل جانا ناخوشگوار حیرت کا باعث بن سکتا ہے۔ سرخ گوشت امینو ایسڈز سے بھرپور ہوتا ہے جو کولیجن کی پیداوار کے لیے ضروری ہے اور ضروری غذائی اجزاء کافی مقدار میں نہ ملنے سے آپ کی جلد پھیکی لگ سکتی ہے۔ گوشت میں زنک ہوتا ہے اور زنک تو کئی سبزیوں میں بھی پایا جاتا ہے لیکن گوشت کے مقابلے میں کم مقدار کی وجہ سے آپ کی جلد متاثر ہوسکتی ہے، آپ کے چہرے پر مہاسے نکل سکتے ہیں اور جلد پھٹ بھی سکتی ہے۔

2۔ آپ کی بھوک بڑھ سکتی ہے

گوشت پروٹین کے اہم ذرائع میں سے ایک ہے اور اگر آپ کی خوراک سے گوشت کو اچانک نکال دیا جائے تو آپ کا جسم بقاء کے موڈ میں جا کر جواب دے سکتا ہے۔ جب آپ اچانک گوشت کھانا بند کر دیتے ہیں تو ہو سکتا ہے کہ آپ کو آپ کا کھانا کم محسوس ہونے لگے کیونکہ آپ کے جسم کو اس اچانک غذائی تبدیلی کے مطابق ڈھالنے کے لیے وقت درکار ہوگا اور اگر آپ سبزی خور بننے کا فیصلہ کرتے ہیں تو چپس یا دیگر اسنیکس آپ کو اپنے پاس رکھنا ہوں گے۔

3۔ آپ کے موڈ میں تبدیلی آسکتی ہے

جب آپ ایک نئی خوراک کا آغاز کرتے ہیں، چاہے اس کا مطلب طویل مدت میں آپ کے جسم کے لیے اچھی تبدیلیاں ہوں، آپ پہلے جذباتی دور سے سے گزر سکتے ہیں۔ آپ جو بھی کھاتے ہیں اس کا آپ کے ذہنی تناؤ کی سطح پر زبردست اثر پڑتا ہے کیونکہ آپ کے معدے میں مائکرو بایوم نیورو ٹرانسمیٹر جاری کرتا ہے جو آپ کے دماغ کے ساتھ رابطہ رکھتا ہے۔ اگرچہ یہ ناخوشگوار موڈ عارضی ہے کیونکہ ایک بار جب آپ کا جسم ان تبدیلیوں کے مطابق ڈھل جائیگا تو افسردگی ختم ہو جائے گی لیکن کچھ نئے سبزی خوروں کو اپنی اس نئی عادت سے پریشانی کا سامنا کرنا پڑ سکتا ہے۔

4۔ آپ کو مزید بال گرتے نظر آئیں گے

اگرچہ سبزیوں پر مبنی زنک کے بہت سارے اچھے ذرائع ہیں، جیسے پھلیاں، گری دار میوے اور بیج وغیرہ۔ یہ وہ پروٹین ہے جو جسم کو زنک جذب کرنے میں مدد کرتا ہے تاہم گوشت چھوڑنے سے سبزی خوروں کو اس ضروری غذائیت کی کافی مقدار نہ ملنے کا خطرہ ہو سکتا ہے۔ جب آپ کو باقاعدگی سے کافی زنک نہیں مل رہا ہوتا تو یہ آپ کے بالوں کو متاثر بھی کرسکتا ہے اور بالوں کے گرنے کا باعث بھی بن سکتا ہے۔ اگر آپ گوشت کھانا بند کرنے کے لیے پرعزم ہیں تو یقینی بنائیں کہ آپ تجویز کردہ مقدار سے 50فیصد زیادہ زنک استعمال کرتے ہیں۔

5۔ آپ کے پیٹ میں درد ہو سکتا ہے

اگرچہ سبزیاں کھانے سے آپ کی آنت کو یقینی طور پر فائدہ ہوگا لیکن اچانک گوشت چھوڑنے سے آپ کے پیٹ میں موجود بیکٹیریا پریشان ہوسکتے ہیں کیونکہ جب آپ اپنی خوراک میں ڈرامائی طور پر تبدیلی کرتے ہیں اور ایسی غذائیں کھانا شروع کر دیتے ہیں جو آپ کی عادت سے مختلف ہوتی ہیں تو یہ پیٹ میں درد اور بدہضمی کا سبب بن سکتا ہے۔

اب فیصلہ آپ کو کرنا ہے کہ آپ گوشت کھانا چھوڑ کر سبزی خور بننا پسند کریں گے یا اب بھی گوشت کا لطف اٹھائیں گے ۔

< Previous روزانہ نہانے والے ہوجائیں ہوشیار! فائدے کے بجائے یہ کام انہیں کیا نقصان پہنچا سکتا ہے؟NEXT > بال لمبے اور گھنے بنانے ہیں تو سر کی مالش کے بجائے ان 5 طریقوں کو استعمال کریں

Comments

06 May, 2022

Disclaimer: All material on this website is provided for your information only and may not be construed as medical advice or instruction. No action or inaction should be taken based solely on the contents of this information; instead, readers should consult appropriate health professionals on any matter relating to their health and well-being. The data information and opinions expressed here are believed to be accurate, which is gathered from different sources but might have some errors. Hamariweb.com is not responsible for errors or omissions. Doctors and Hospital officials are not necessarily required to respond or go through this page.