|
|
اپنی معمول کی زندگی میں ہم ہر روز بہت سی مختلف چیزیں
استعمال کرتے ہیں لیکن کیا آپ کو معلوم ہے کہ یہ روزہ مرہ استعمال کی
چیزیں غلط استعمال پر ہمیں نقصان بھی پہنچاسکتی ہیں؟ آئیے ہم آپ کو بتاتے
ہیں کہ کن چیزوں کے استعمال میں بے احتیاطی آپ کی صحت کو نقصان پہنچاسکتی
ہے؟ |
|
کپڑے کا تھیلا |
اگر آپ ایک ہی کاٹن بیگ باقاعدگی سے استعمال کرتے ہیں،
تو یہ غالباً بہت گندا ہے۔ ہم انہیں پلاسٹک کے تھیلوں کے متبادل کے طور پر
استعمال کرتے ہیں جنہیں ہم ظاہر ہے کہ دھوتے نہیں لیکن کاٹن کے تھیلوں کو
ایک مختلف طریقہ کی ضرورت ہے۔ زیادہ تر لوگ تسلیم کرتے ہیں کہ انہوں نے
اپنے دوبارہ استعمال کے قابل بیگ کبھی نہیں دھوئے۔ گوشت، مچھلی، پھل اور
سبزیوں جیسے کھانے کی باقیات لامحالہ خطرناک جراثیم کی نشوونما کا باعث
بنتی ہیں، اس لیے آپ کو ہفتے میں کم از کم ایک بار اپنا بیگ ضرور دھونا
چاہیے۔ اس کے علاوہ دوبارہ استعمال کے قابل کپڑے کے تھیلے اتنے ماحول دوست
نہیں ہیں جتنے ہم سوچتے ہیں۔ سب سے زیادہ ماحول دوست بیگ وہ ہوتے ہیں جوری
سائیکل پلاسٹک سے بنائے جاتے ہیں۔ |
|
|
تکیے اور گدے |
گدے اور تکیے آپ کے وزن کے نیچے جھکتے ہیں اور پھر اپنی
شکل بحال کرتے ہیں، اس طرح گردن، سر اور پورے جسم کو سہارا دیا جاتا ہے،
انسان جس پوزیشن میں سوتا ہے اس کے مطابق انہیں مختلف قسم کے گدوں اور
تکیوں کی ضرورت ہوتی ہے۔ اس لئے ان کاصحیح انتخاب کرنا ضروری ہے ورنہ آپ
کو بہت کم نیند اور درد کا سامنا کرنا پڑسکتا ہے۔ رات کو گرمی محسوس کرنے
والوں کو یاد رکھنا چاہیے کہ کچھ تکیے جسم کی حرارت کو برقرار رکھتے ہیں،
اگر آپ ایک ہی بستر پر کسی اور کے ساتھ سوتے ہیں تو وہ گدا جو آپ کی کمر
کے لیے اچھا ہے وہ آپ کے ساتھ والے کے لیے برا بھی ہو سکتا ہے۔ |
|
|
گیلے ٹشو |
گیلے ٹشو کا استعمال ہماری روز مرہ زندگی میں بہت زیادہ
بڑھ چکا ہے کیونکہ یہ اپنے ساتھ لے جانے میں بہت آسان ہیں لیکن ان میں بھی
کچھ مسائل ہیں۔ اگر آپ ایک ہی ٹشوسے کئی سطحوں کو صاف کرتے ہیں تو گیلے
ٹشو سے بیکٹیریا پھیل سکتے ہیں۔ اس لیے اگر آپ کو تھوڑی سی صفائی کی ضرورت
ہے تو بہتر ہے کہ پانی اور صابن کا استعمال کریں۔ |
|
|
ٹوتھ پیسٹ |
ہماری مراد اس قسم کے ٹوتھ پیسٹ سے ہے جس میں
مائیکرو گرینولز ہوتے ہیں جو دانتوں کو سفید اور پالش کرتے ہیں۔ بات یہ ہے
کہ یہ دانے مائیکرو پلاسٹک ہوتے ہیں۔ ان میں زہریلے مادے ہوتے ہیں جو ہماری
صحت کے لیے مضر ہوتے ہیں۔ |
|
|
کاٹن پیڈ |
روئی کے پیڈ میک اپ کو ہٹانے اور اپنے چہروں پر
بیوٹی پراڈکٹس لگانے میں مدد کرتے ہیں لیکن آپ نے دیکھا ہو گا کہ روئی کے
یہ پیڈ کسی بھی چیز کو پھیلانے کے بجائے جذب کرلیتے ہیں۔ اس کے علاوہ کاٹن
پیدڈنرم جلد کو کھرچ سکتا ہے۔ ریشے آنکھوں اور جلد پر پھنس سکتے ہیں جس سے
آپ کی جلد کو نقصان پہنچ سکتا ہے۔ |
|
|
حفاظتی جوتے |
بلاشبہ حفاظتی جوتے کمرے کے ارد گرد گندگی پھیلانے سے بچنے میں ہماری مدد
کرتے ہیں اور فرش کو ظاہری طور پر صاف رکھتے ہیں لیکن اس کا یہ مطلب نہیں
کہ ہمارے جوتوں کے تلوؤں سے نظر نہ آنے والے جراثیم فرش پر نہیں ہیں۔
مطالعات سے پتہ چلتا ہے کہ جو لوگ حفاظتی جوتے پہنتے ہیں وہ تقریباً اتنے
ہی جراثیم پھیلانے کا سبب بنتے ہیں جتنے کے عام جوتوں سے پھیل سکتے ہیں۔ |
|