ان کی تو شکل ہی بدل گئی ہے، بھولے بسرے کچھ ایسے اشتہارات جن کو دیکھ کر سب ہی حیران ہو جائيں

مارکیٹنگ کی صنعت میں روز اول سے اشتہارات کی اہمیت رہی ہے۔ اشتہارات کے ذریعے صارف کو اس بات پر مجبور کیا جاتا ہے کہ وہ پروڈکٹ کو خریدنے کے لیے تیار ہو جائيں- جس کے لیے ہمیشہ سے اپنے اپنے شعبے کے اہم افراد کا انتخاب کیا جاتا ہے جو اشتہارات میں کام کر کے لوگوں کو ان اشیا کے استعمال کے لیے قائل کرتے نظر آتے ہیں-

اشتہارات کی صنعت میں سیلیبریٹیز کا استعمال

ماضی کے اشتہارات میں بھی سیلیبریٹیز کی شرکت حالیہ دور کی طرح ضروری سمجھا جاتا تھا لیکن جب آج بھی وہ اشتہار نظر سے گزرتے ہیں تو ان کو دیکھ کر بھولا بسرا وقت یاد آجاتا ہے اور ان میں سے کچھ اشتہارات کو دیکھ کر تو یقین ہی نہیں آتا ہے کہ وقت نے لوگوں کو کس طرح تبدیل کر ڈالا ہے- ایسے ہی کچھ اشتہارات آج ہم آپ کے ساتھ شئير کریں گے جن کو دیکھ کر آپ خود فیصلہ کریں کہ وقت نے لوگوں کو بدل ڈالا یا یہ پلاسٹک سرجری کا کمال ہے-

رمیز راجا کسی زمانے میں ہیرو بھی تھے اور انہیں بلیک اینڈ وائٹ اشتہار میں دیکھ کر ایسا لگتا ہے کہ کرکٹر کی اشتہارات میں کام کرنے کی روایت بھی کافی پرانی ہے-

یقیناً اس اداکارہ کو پہچاننا انتہائی مشکل ہوگا آپ کے لیے لیکن جب ہم آپ کو نام بتائیں گے تو آپ حیران رہ جائیں گے جی ہاں یہ فلمی دنیا کی مشہور اداکارہ بابرہ شریف ہیں-

صبح بناکا، شام بناکا صحت کا پیغام بناکا یہ اپنے وقت کا ایک مشہور اشتہار تھا اور اس میں کمسن بچی کا کردار ادا کرنے والی اداکارہ افشاں احمد ہیں- یقیناً بچپن سے بڑھاپے تک شکل کی تبدیلی ایک عام بات ہے-

یہ ماضی کی کون سی مشہور اداکارہ تھیں کیا آپ پہچان سکتے ہیں اگر نہیں تو ہم بتاتے ہیں- یہ صبیحہ خانم ہیں اگرچہ یہ اب حیات نہیں لیکن یہ اپنی جوانی سے لے کر آخری وقت تک ہمیشہ پرکشش نظر آئیں-

ایک اور پرانا اشتہار جس کو دیکھ کر بہت کچھ یاد آجائے- لکس کے اس اشتہار میں نظر آنے والی اداکارہ رانی ہیں جنہوں نے اپنی زندگی میں بہت اتار چڑھاؤ دیکھے اور جلد ہی دنیا سے رخصت بھی ہوگئیں-

سیاست کے میدان میں آنے سے قبل یہ بھی اشتہارات میں کام کرتے تھے- عمران خان نے پیپسی کے اشتہار میں بھی ایک دور میں کام کیا تھا-

اگرچہ یہ اشتہار 6 یا 7 سے زیادہ پرانا نہیں ہے لیکن اس میں سائرہ یوسف کو دیکھ کر کہا جاسکتا ہے کہ یہ اتنے کم وقت اتنا کیسے بدل گئيں؟

معروف اداکارہ سجل علی کا یہ اشتہار بھی کم و بیش 6 یا 7 سال پرانا ہی ہے لیکن اگر اس میں موجود سجل کا آج کی سجل سے موازنہ کریں تو ہمیں کسی حد تک تبدیلی ضرور نظر آئے گی-

بھولے بسرے یہ اشتہارات بہت ساری پرانی یادوں سے جڑے ہیں امید ہے کہ آپ کو بھی بہت کچھ یاد آگیا ہوگا

< Previous جو والدین اپنی بچيوں کو یہ نہیں سکھاتے ان کے ساتھ ایسا ہی ہوتا ہے NEXT > ڈائن میرے بیٹے کو کھا گئی، شادی کے صرف 6 ماہ بعد ریکھا کے شوہر کی موت نے انہیں عوام کے کٹہرے میں کیوں کھڑا کر دیا