|
|
| |
| گھر اور مکان میں بنیادی فرق اس کے مکینوں کا ہوتا ہے
ایک اینٹ بجری کی دیواروں سے تعمیر شدہ ایک مکان کو اسکے مکین اور ان کے
درمیان محبت اس گھر کو حقیقی معنوں میں گھر کی صورت دیتا ہے۔ لیکن اگر کسی
وجہ سے گھر کے افراد کے درمیان مسائل یا تنازع ہوں تو اس موقع پر گھر کے
بڑے اپنی سمجھداری اور معاملہ فہمی نے ان مسائل کو نہ صرف سلجھاتے ہیں بلکہ
یہی کوشش کرتے ہیں کہ گھر کی بات کو گھر کے اندر ہی طے کر لیا جائے اور
دنیا والوں کے سامنے گھر کا کچرا نہ پھیلایا جائے- |
| |
| شوبز کے لوگ جو گھر کی
بات کو سر بازار لے آئے |
| شوبز کی دنیا دکھاوے کی دنیا کہلاتی ہے مگر اس شعبے میں
اب بھی کچھ افراد ایسے ہیں جو کہ اپنی ذاتی زندگی اور پیشہ ورانہ زندگی کو
ایک دوسرے سے جدا رکھنے کی کوشش کرتے ہیں- مگر کچھ افراد ایسے بھی ہیں جو
کہ اپنے ذاتی مسائل سوشل میڈیا کے سبب صارفین کے سامنے لا کر وائرل تو ہو
جاتے ہیں مگر سالوں کی کمائی عزت کو چند پلوں میں ضائع کر دیتے ہیں- |
| |
| صبا فیصل اور ان کی بہو
کا تنازعہ |
| صبا فیصل کا شمار پاکستان کی ان سینئير ادکاراؤں میں
ہوتا ہے جو کہ آج کل ہر چینل پر کسی نہ کسی ڈرامے میں بطور ماں نظر آرہی
ہوتی ہیں- دو بیٹوں اور ایک بیٹی کی ماں ہونے کے ساتھ ساتھ ان کے تمام بچے
بھی کسی نہ کسی حد تک اداکاری کے شعبے میں منسلک نظر آئے اپنے بیٹے سلمان
کی شادی انہوں نے بہت دھوم دھام سے کی- شادی کے کچھ ہی عرصے کے بعد صبا
فیصل اور ان کی بہو نیہا فیصل کے درمیان تنازعات کی خبریں سوشل میڈيا کا
حصہ بنتی رہتی تھیں- مگر اس حوالے سے دونوں ساس بہو نے کھل کر کبھی تصدیق
یا تردید نہیں کی- مگر گزشتہ روز صبا فیصل کے ایک ویڈيو پیغام نے ان کی گھر
کی بات کو کھلے عام لوگوں کے لیے موضوع بحث بنا دیا جس کے جواب میں ان کی
بہو نے بھی ایک سوشل میڈیا پوسٹ کے ذریعے بتایا کہ جب آپ کسی جگہ مس فٹ ہو
تو اس کا بہترین حل یہی ہے کہ آپ حرام کے بجائے حلال کا انتخاب کریں اور
اپنے سچائی کے راستے پر گامزن رہیں- ساس بہو کے اس گھریلو جھگڑے نے سوشل
میڈیا صارفین کی زبان کو ایک چٹخارہ دے دیا اور لوگ زبان کا مزہ بدلنے کے
لیے ان پر طرح طرح کے تبصرے کرنے لگے- |
|
|
| |
| ڈاکٹر عامر لیاقت مرحوم
اور دانیہ شاہ |
| گھر کی بات کو باہر نکالنے اور اس کو سوشل میڈیا پر شئير
کرنے کی ہمارے ملک کی تاریخ کی یہ ایک بد ترین مثال ہے جس میں ان میاں بیوی
کی انتہائی ذاتی ویڈیوز اور ان کے ایک دوسرے پر لگائے گئے گھٹیا ترین
الزامات کے سبب ڈاکٹر عامر لیاقت اپنی جان سے ہاتھ دھو بیٹھے- مگر شوبز کے
لوگوں نے ان کے اس انجام سے سبق سیکھنے کے بجائے ایک بار پھر صبا فیصل اور
ان کی بہو کے جھگڑے کو وائرل کر دیا ہے- |
|
|
| |
| فیروز خان اور علیزے شاہ
کا تنازع |
| شوبز سے جڑے لوگوں کا ایک اور تنازعہ جو آج کل خبروں کی
زد میں لوگوں کی زبان زدعام ہے وہ فیروز خان اور علیزے کی طلاق اور ان کے
بچوں کی کسٹڈی کا کیس ہے جس کو لوگ کہانیاں بنا بنا کر سوشل میڈیا پر شئیر
کر رہے ہیں- معاملہ علیزے پو ہونے والے جسمانی تشدد کا ہو اور اس کی تصاویر
کا یہ ان کا ذاتی معاملہ ہے اور اس کو اگر عدالت میں پیش کیا جاتا تو زيادہ
بہتر ہوتا مگر اپنے ذاتی معاملات کو اس طرح سوشل میڈیا پر لے کر آنا لوگوں
کی ہمدردی کا باعث تو ہو سکتا ہے مگر مناسب کسی صورت نہیں ہے- |
|
|
|
|
|
ایمان علی اور عابد علی |
|
مرے ہوئے باپ کی پیچھے صرف لوگوں کی ہمدردی کے حصول کے لیے اور اپنی فلم ٹچ
بٹن کی پرموشن کے لیے دیے گئے ایک انٹرویو میں ان کا یہ کہنا کہ میں آج جو
کچھ بھی ہوں صرف اپنے بل بوتے پر ہوں اور میرے باپ نے ایک دوسری عورت کے
لیے نہ صرف ہم ماں بیٹیوں کو چھوڑ دیا تھا بلکہ پلٹ کر پوچھا تک نہ تھا-
ایمان علی کا اپنے مرحوم والد کے پیچھے ایسے بیانات جن کی تردید اور تصدیق
کے لیے وہ اس دنیا میں موجود نہیں قطعی حوصلہ افزا عمل نہیں- |
|
|
|
|
|
گھر کی بات کو گھر تک رکھیں |
|
اپنی فنی زندگی کو لوگوں کے سامنے لانے کا یہ قطعی مطلب نہیں ہے کہ
اداکاروں اور شوبز سے جڑے لوگوں کو اپنی ذاتی زندگی بھی لوگوں کے ساتھ شئير
کرنے کا حق مل جاتا ہے- ریٹنگ اور وائرل ہونے کی اس دوڑ میں اس بات کو ضرور
یاد رکھیں کہ گھر کی بات گھر تک رہے تو یہی اچھا ہے- |