|
|
| |
| اگرچہ دنیا بھر میں مذہب کا تعلق ہر فرد کی ذات سے ہوتا
ہے اور ان کے لیے مذہب سراسر ذاتی معاملہ ہوتا ہے اور اس کے بارے میں بات
کرنے کا اختیار کسی تیسرے فرد کے پاس نہیں ہوتا ہے- مگر برصغیر پاک و ہند
میں معاملہ اس حوالے سے قدرے مختلف ہے کیونکہ یہاں کہ لوگوں کے لیے مذہب
ایک مکمل طرز زندگی ہوتا ہے۔ اگر کسی فرد کا تعلق شوبز سے ہو تو اس صورت
میں مذہب کی تبدیلی ایک بڑی خبر بن جاتی ہے جیسا کہ حالیہ دنوں میں بھارتی
ادکارہ راکھی ساونت کے نکاح اور کلمہ پڑھنے کی ویڈيو کی خبر وائرل ہو رہی
ہے جس میں انہوں نے اپنا نام فاطمہ رکھنے کا دعویٰ کیا ہے اور مسلمان بوائے
فرینڈ عادل کے ساتھ ان کی نکاح کی خبریں زبان زدعام ہیں- مگر دوسری طرف
راکھی کے بوائے فرینڈ نے راکھی کے نکاح کی ویڈيو کو فیک قرار دیتے ہوئے اس
بات کی تردید کی ہے کہ ان کا نکاح نہیں ہوا ہے اور راکھی کا اسلام قبول
کرنے کا دعویٰ درست نہیں ہے جبکہ دوسری جانب راکھی اپنی بات پر قائم ہیں کہ
وہ نہ صرف اسلام قبول کر چکی ہیں بلکہ اسلامی اقدار کو اپنانے کی کوشش کر
رہی ہیں- تو یہاں یہ بات یاد رکھنے کی ہے کہ راکھی ساونت بھارتی فلمی صنعت
کی پہلی اداکارہ نہیں ہیں جنہوں نے کسی مسلمان کے لیے اسلام قبول کیا ہے
بلکہ ان کے علاوہ بھی کئی بھارتی اداکارائيں شادی سے قبل اسلام قبول کر کے
مسلمان شخص کے ساتھ شادی کر چکی ہیں- |
| |
| شرمیلا ٹیگور
|
| شرمیلا ٹیگور جن کا شمار بھارت کی ممتاز ترین اداکاراؤں
میں ہوتا ہے انہوں نے جب پٹودی خاندان کے نواب منصور علی خان کو جب شادی کے
لیے منتخب کیا تو انہوں نے ان سے شادی کرنے سے قبل نہ صرف اسلام قبول کیا
بلکہ اپنا نام بھی عائشہ سلطانہ رکھا- |
|
|
| |
| امرتا سنگھ |
| ایک اور بھارتی اداکارہ جس نے پٹودی خاندان کے لیے اپنے
مذہب کی تبدیلی کا فیصلہ کیا ان میں امرتا سنگھ بھی شامل ہیں جنہوں نے سیف
علی خان کے لیے اپنے مزہب کو چھوڑ کر اسلام قبول کیا امرتا سنگھ کا تعلق
سکھ مذہب سے تھا- تاہم ان کی یہ شادی 13 سال تک ہی چل سکی اور اس کے بعد
سیف علی خان نے ان کو طلاق دے کر کرینہ کپور سے شادی کر لی تاہم کرینہ کپور
نے سیف علی خان سے شادی کے لیے اپنا مذہب تبدیل نہیں کیا- |
|
|
| |
| عائشہ ٹاکیہ |
| عائشہ ٹاکیہ کا شمار ایک زمانے میں بھارتی فلموں کی تیزی
سے ابھرتی ہوئی ادکاروں میں ہوتا تھا فلم وانٹڈ، دل مانگے مور اور شادی
نمبر 1 جیسی فلموں کی کامیابی کے بعد اچانک ہی عائشہ نے فلموں میں کام کرنا
کم کر دیا- اس کے ساتھ ساتھ انہوں نے بھارتی بزنس مین فرحان اعظمی سے شادی
کا فیصلہ کر لیا جس سے شادی کے لیے عائشہ نے اپنے مذہب کی تبدیلی بھی قبول
کر لی یہ جوڑا گزشتہ 13 سالوں سے ایک خوشگوار شادی شدہ زندگی گزار رہا ہے
اور ان کا ایک بیٹا بھی ہے- |
|
|
|
|
|
سروج خان |
|
سروج خان جن کا شمار ایک زمانے میں ہندوستان کی ٹاپ کوریوگرافرز میں ہوتا
تھا ان کا پیدائشی نام نرملا ناگپال خان تھا ان کی پہلی شادی بہت کم عمری
میں ہوئی تھی جس کے بعد انہوں نے دوسری شادی کا فیصلہ ایک بزنس مین روشن
خان کے ساتھ کیا-مگر سروج خان کا یہ ماننا ہے کہ اس سے قبل ہی وہ اسلام
قبول کرنے کا فیصلہ کر چکی تھیں- |
|
|
|
|
|
ہیما مالنی |
|
ادکارہ ہیما مالنی کے اسلام قبول کرنے کی کہانی ایک بہت ہی دلچسپ کہانی ہے
ان کی اور دھرمیندر کی محبت کی کہانی کے چرچے جب زبان زدعام ہوئے تو انہوں
نے شادی کرنے کا فیصلہ کیا- مگر ان کی شادی میں سب سے بڑی رکاوٹ یہ تھی کہ
ہندو مذہب کے مطابق دھرمیندر ایک وقت میں دو بیویاں نہیں رکھ سکتے تھے جب
کہ دھرمیندر اپنی پہلی بیوی کو جو ان کے بچوں کی ماں بھی تھی نہیں چھوڑنا
چاہتے تھے- اس وجہ سے ان دونوں نے اسلام قبول کرنے کا فیصلہ کیا اور اس کے
بعد ایک دوسرے کے ساتھ نکاح کیا جو آج بھی قائم ہے- |
|
|