ترکی میں ایک چیز کبھی نہ بھولیں ورنہ... ترک قوم کی 6 دلچسپ عادات جو آپ کو حیران کردیں

ترکی اپنی ثقافت، خوبصورت ساحلوں اور بلاشبہ اپنے لذیذ کھانوں کی بدولت ایک بہت ہی مشہور سیاحتی مقام بن چکا ہے۔ تاہم، ان لوگوں کی زندگی اور رسوم و رواج کے بارے میں بہت ساری دلچسپ باتیں ہیں جو آپ کو گائیڈ بکس میں نہیں نظر آتیں۔ ترکی جیسی جگہ کو جاننے کے لیے، مقامی لوگوں کے طرز زندگی کو سمجھنا ضروری ہے۔

ترکش باتھ یا حمام

مشہور ترک باتھ یا حمام نہ صرف اسٹیم کے اثرات کی بدولت مقبول ہیں بلکہ یہ ترکی کی ثقافت کے ایک بہت اہم حصہ ہے کیونکہ انہیں لوگوں کی ایک ملاقات کے مقام اور جسم اور روح کی صفائی کے حوالے سے بھی جانا جاتا ہے۔ یہ عوامی حمام بہت عام ہیں اور پورے ملک میں پائے جاتے ہیں۔ اس کے علاوہ ان حمام کی شاندار تعمیرات بھی انہیں سیاحوں کے درمیان پرکشش مقام بناتی ہے۔

چائے قومی مشروب

یہ سچ ہے کہ ترکی میں کافی کی ایک بہت بڑی روایت پائی جاتی ہے۔ تاہم، ترکوں کے لیے سب سے زیادہ مقبول مشروب چائے ہے۔ چائے کے مزیدار کپ سے لطف اندوز ہونے کا کوئی خاص وقت نہیں ہے۔ وہ اسے ناشتے کے وقت پینا شروع کرتے ہیں اور سونے تک پینا جاری رکھتے ہیں۔ مہمانوں کو چائے کا کپ پیش کرنا مہمان نوازی کی سب سے بڑی علامت ہے، اور آپ کو ترکی کے کسی بھی گھر میں خدمت کے لیے چائے تیار مل سکتی ہے۔

صرف 3 منٹ میں براعظم تبدیل

ترکی کا شہر استنبول 2 براعظموں، یورپ اور ایشیا میں تقسیم ہے۔ ایک براعظم سے دوسرے براعظم کو عبور کرنے کے لیے، آپ ایک پُل سے جا سکتے ہیں۔ صرف 3 منٹ میں، آپ ایک مختلف براعظم میں ہوں گے، اس کے علاوہ، شہر کے دونوں اطراف، آپ ثقافتوں کے بھرپور تاریخ اور دلکش امتزاج سے لطف اندوز ہو سکتے ہیں۔

بلیوں کا احترام

درحقیقت استنبول کو "بلیوں کا شہر" کہا جاتا ہے۔ کیفے، ریستوران، یا اسٹورز میں بلیوں کو آرام سے نیند پوری کرتے ہوئے دیکھنا بالکل بھی عجیب نہیں ہے۔ ترکی میں بلیوں کا تمام اداروں میں بہت احترام اور خیرمقدم کیا جاتا ہے۔ لوگ انہیں خوراک، صاف پانی، اور محفوظ پناہ گاہ فراہم کرکے ان کی دیکھ بھال کرتے ہیں۔

جوتے باہر اتاریں

ترکی کے گھروں میں جوتوں کے ساتھ داخل ہونا منع ہے۔ لیکن دوسرے یورپی ممالک کے برعکس جہاں جوتے بھی اتارے جاتے ہیں اور جوتے خصوصی جگہ پر چھوڑ دیے جاتے ہیں، ترک لوگ گھر میں داخل ہوتے ہین اپنے جوتے اتار دیتے ہیں۔ امکان ہے کہ میزبان اپنے مہمانوں کو گھر کی چپلیں پیش کرتے ہیں، اور اسی وجہ سے زیادہ تر گھروں میں ان کی کافی مقدار ہوتی ہے۔ اس لیے جب بھی ترکی جانا ہو اور وہاں کسی کے گھر جائیں تو جوتے باہر اتارنا نہ بھولیں ورنہ شرمندگی کا سامنا کرنا پڑسکتا ہے-

اجنبی افراد سے دوری

ترک بلاشبہ دنیا کے مہمان نواز لوگوں میں سے ایک ہیں۔ تاہم، اجنبیوں کے ساتھ معاملہ کرتے وقت، وہ کافی احتیاط کا مظاہرہ کر سکتے ہیں۔ اجنبیوں کو دیکھ کر مسکرانا مقامی لوگوں کے لیے کافی مشکل ہے یہاں تک کہ ان کی طرف جھکاؤ بھی آسان نہیں ہوتا۔ دوسری طرف، جاننے والوں کے ساتھ، ترک کافی گرمجوشی کا مظاہرہ کرتے ہیں۔