سچ تو یہ ہے(۶۳واں حصہ)

 منظر۴۴۱
احمدبخش کھاناکھاچکاہے۔ راشدہ اس کے ساتھ بیٹھی ہے۔
احمدبخش۔۔۔۔۔امی یہ توآپ پہلے بھی ابوسے پوچھتی ہیں اب ان سے پوچھیں
راشدہ۔۔۔۔۔میں چاہتی ہوں کہ کل میں تیری پسندکاکھانابناکرآؤں
احمدبخش۔۔۔۔۔گھرمیں توابوکے علاوہ سب کی پسندپرپابندی ہے میں کیسے اپنی پسندبتاسکتاہوں پہلے کی طرح جوبھی لے آئیں گی کھالیاکروں گا
اسی دروان بشیراحمداوراریبہ بھی آجاتے ہیں
راشدہ۔۔۔۔۔میراپیارابیٹا تواپنی پسندبتا میں وہی کھانالے آؤں گی
احمدبخش۔۔۔۔۔میری وجہ سے ابو آپ سے ناراض ہوجائیں گے آپ پرظلم کریں گے میں ایسانہیں چاہتا
بشیراحمد۔۔۔۔اریبہ سے۔۔۔۔۔ماں بیٹے میں کسی ایک بات پراتفاق کراؤ
اریبہ۔۔۔۔۔دونوں اپنی جگہ ٹھیک ہیں میں کیسے دونوں کسی ایک بات پرمتفق کروں
راشدہ۔۔۔۔۔تیرے ابومجھ سے ناراض نہیں ہوں گے
احمدبخش۔۔۔۔آپ یہ صرف مجھے خوش کرنے کے لیے کہہ رہی ہیں
راشدہ۔۔۔۔۔واقعی تیرے ابواس وجہ سے مجھ سے ناراض نہیں ہوں گے
اریبہ۔۔۔۔۔کوئی خواب دیکھ لیاہے کیا
راشدہ۔۔۔۔میرے بیٹے کی طرح آپ کوبھی میری بات پریقین نہیں آرہا
اریبہ۔۔۔۔۔مجھے تویہ خواب ہی لگتاہے
راشدہ۔۔۔۔اس کے ابونے خودکہاہے کہ اب میں اپنی پسندکے کھانے بنایاکروں
بشیراحمد۔۔۔۔۔یہ سب کیسے ہوگیا
راشدہ۔۔۔۔۔یقین تومجھے بھی نہیں آرہاتھا ایک اوربات بھی ہے آپ وہ سنیں گے تواس سے بھی زیادہ حیران ہوجائیں گے
اریبہ۔۔۔۔ایسی وہ کیابات ہے
راشدہ۔۔۔۔احمدبخش کاباپ اس جمعرات کورشتہ داروں کی دعوت خیرات کررہاہے۔ رشتہ داروں کوبلانے کی ذمہ داری بھی مجھے دے دی ہے
٭٭٭٭٭٭٭٭٭
منظر۴۴۲
مولوی صاحب، عبدالغفوراورظفراقبال ایک گھرکی چاردیواری کے باہرکرسیوں پربیٹھے ہیں۔
مولوی صاحب۔۔۔۔۔عبدالمجیدکاعلاج کرنے کے لیے توفقیرباباآگیاہے عبدالمجیدفقیرباباکی باتوں کوسنتابھی ہے اوران پرعمل بھی کرتاہے
ظفراقبال۔۔۔۔۔۔فقیربابانے توہماری مشکل آسان کردی ہے
مولوی صاحب۔۔۔۔۔۔آپ نے اس کے گھردعوت کے لیے سامان بھجواناتھا وہ بھجوادیاہے
عبدالغفور۔۔۔۔۔ہم نے ایک رکشے والے کواس کاکرایہ اورسامان کی تفصیل اورپیسے دے دیے ہیں
مولوی صاحب۔۔۔۔۔اب آپ کاکام توختم ہوگیاہے
عبدالغفور۔۔۔۔۔ہماراایک کام ابھی رہتاہے
مولوی صاحب۔۔۔۔۔ایک کام توفقیربابانے سنبھال لیاہے اوردوسراکام تم نہیں کرسکتے
ظفراقبال۔۔۔۔۔عبدالمجیدکے پاس پیسوں کی کمی ہے اس نے دکانداروں کاقرض بھی دیناہے جس کی وجہ سے اسے ادھارنہیں ملتا وہ اپنے کھیتوں پربھی خرچ نہیں کرسکتا
مولوی صاحب۔۔۔۔اب آپ کیاچاہتے ہیں
عبدالغفور۔۔۔۔۔ہم اس کی زمین ٹھیکے پرلے کراس کی مددکرناچاہتے تھے جوپردے کی وجہ سے نہیں کرسکتے اب آپ ہی مشورہ دیں ہمیں کیاکرناچاہیے
مولوی صاحب۔۔۔۔۔آپ لوگ اب بھی اس کی مددکرسکتے ہیں
ظفراقبال۔۔۔۔۔آپ جوبھی مشورہ دیں گے ہم اس پرعمل کریں گے
مولوی صاحب ۔۔۔۔۔۔آپ عبدالمجیدکے ساتھ شراکت کی بنیادپرکام کریں
عبدالغفور۔۔۔۔۔ہم اس کے ساتھ شراکت کیسے کرسکتے ہیں
مولوی صاحب۔۔۔۔۔آپ اس کی زمین کے اخراجات برداشت کریں اس سے کہیں کہ وہ اپنی زمین پرپہلے کی طرح خودکام کرے جتنے بھی اخراجات ہوں گے وہ آپ اداکریں گے جس دن زیادہ کام ہو کھیتوں کوپانی دیناہو گوڈی کرناہو اس کے لیے وہ مزدورکاانتظام کرے اس کی مزدوری آپ دیں گے
ظفراقبال۔۔۔۔۔احمدبخش کوتووہ اسی طرح کھیتوں میں لے جائے گا
مولوی صاحب۔۔۔۔۔۔اس کے لیے ایسی مصروفیت کاانتظام کرو کہ وہ سکول کے بعدمیں مصروف ہوجائے
٭٭٭٭٭٭٭٭٭
منظر۴۴۳
عبدالمجیدکے گھرمیں دعوت خیرات جاری ہے۔ گھرکے صحن میں کثیرتعدادمیں مردوخواتین، بچے اوربچیاں چارپائیوں، کرسیوں اورزمین پربچھائی گئی چادروں پربیٹھی ہیں۔ ان میں جاویداوربشیراحمدان کی بیویاں اوربچے بھی موجودہیں۔ احمدبخش گھرمیں چہل قدمی کررہاہے ایک ایک چیزکودیکھنے کے لیے کھڑاہوجاتاہے۔
بشیراحمد۔۔۔۔جاویدکے پاس آکر۔۔۔۔۔احمدبخش اب گھرمیں ہی رہے گا یاہم اسے اپنے گھرلے جائیں
جاوید۔۔۔۔۔ہم اس پرنظررکھیں اس کے بعدہی کوئی فیصلہ کرسکیں گے
احمدبخش گھرکے ایک کونے میں کھڑے ہوکرگھرکی چاردیواری کوغورسے دیکھ رہاہے۔
صحن میں بیٹھی ہوئی ایک خاتون دوسری خاتون سے۔۔۔۔۔وہ لڑکاجوگھرکے کونے میں کھڑاہے وہ کون ہے ایسے لگ رہاہے جیسے وہ پہلی باراس
گھرمیں آیاہو
دوسری خاتون۔۔۔۔۔میں بھی اس لڑکے کونہیں جانتی
دونوں خواتین۔۔۔۔۔تیسری خاتون سے۔۔۔۔۔وہ گھرکے کونے میں لڑکاکون ہے
تیسری خاتون۔۔۔۔۔تم دونوں اس لڑکے کونہیں جانتیں
دونوں خواتین۔۔۔۔۔نہیں
تیسری خاتون۔۔۔۔۔۔یہ احمدبخش ہے راشدہ کابڑابیٹا
بشیراحمد۔۔۔۔جاویدسے۔۔۔۔احمدبخش اتنی دیرسے کیاکررہاہے
جاوید۔۔۔۔اتنے دنوں کے بعدگھرآیاہے
ایک خاتون۔۔۔۔دوسری خاتون سے۔۔۔۔۔۔اس کوکیاہوگیاہے کہیں یہ ذہنی مریض تونہیں گھرمیں اتنے مہمان بیٹھے ہیں اس کوتوجیسے کوئی پتہ ہی نہیں
دوسری خاتون۔۔۔۔اس کی ماں سے پوچھ لیتی ہیں
پہلی خاتون۔۔۔۔۔ابھی نہیں
٭٭٭٭٭٭٭٭٭
منظر۴۴۴
سعیداحمدکھیتوں میں درختوں سے کاٹی گئی لکڑیاں الگ الگ کرکے ایک جگہ ڈھیری بنارہاہے۔ ایک ڈھیری وہ پہلے ہی بناچکاہے
کریم بخش۔۔۔۔۔سعیداحمدکے قریب آکر۔۔۔۔۔۔آج یہ اتنی لکڑیاں کیوں کاٹی ہیں گھرمیں لکڑیاں پڑی توہیں
سعیداحمد۔۔۔۔۔یہ تھوڑی سی لکڑیاں ہی توہیں ابھی میں نے ایک درخت سے بھی پوری لکڑیاں نہیں کاٹیں اس کے بعددواوردرختوں سے بھی لکڑیاں کاٹنی ہیں
کریم بخش۔۔۔۔کسی کودینی ہیں کیا
سعیداحمد۔۔۔۔۔گھرکے لیے ہی کاٹ رہاہوں گھرمیں پڑی ہوئی لکڑیاں ختم ہونے تک یہ بھی جلانے کے قابل ہوجائیں گی
کریم بخش۔۔۔۔اس لیے پہلے ہی انتظام کررہے ہیں
سعیداحمد۔۔۔۔۔۔میں کیاانتظام کررہاہوں وہ توتیری بھابھی کرکے آئی ہیں
کریم بخش۔۔۔۔۔بھابھی کون ساانتظام کرآئی ہیں
سعیداحمد۔۔۔۔وہ احمدبخش کی خیریت معلوم کرنے گئی تھیں وہاں ایک گھرمیں دولڑکیاں دیکھ آئی ہیں
کریم بخش۔۔۔۔۔۔یہ صرف اتفاق ہے یا تیری بھابھی اورمیری بھابھی کاکوئی متفقہ فیصلہ ہے
سعیداحمد۔۔۔۔۔یہ آپ کیاکہہ رہے ہیں
کریم بخش۔۔۔۔۔آپ کی بھابھی بھی وہاں ایک لڑکی پسندکرآئی ہیں (تھوڑی دیرخاموش رہنے کے بعد) آپ کیاچاہتے ہیں
سعیداحمد۔۔۔۔۔میں نے آپ کی بھابھی سے کہہ دیاہے پہلے اپنے بیٹوں سے پوچھ لے
٭٭٭٭٭٭٭٭٭
منظر۴۴۵
احمدبخش ایک کمرے کے سامنے کھڑے ہوکراس کوباہرسے لگی ہوئی کنڈی کودیکھنے لگ جاتاہے وہ گہری سوچ میں پڑجاتاہے زمین پربیٹھ جاتاہے اس کوماں کی آوازیں سنائی دینے لگتی ہیں مجھے باہرنکالو دروازہ کھولو مجھے باہرنکالو اس کاچہرہ اداس ہونے لگتاہے آنکھیں ایسے ہوگئی ہیں جیسے ابھی آنسوگرنے والے ہوں
بشیراحمد۔۔۔۔اریبہ کے پاس آکر۔۔۔۔۔۔وہ دیکھو احمدبخش اس کمرے کے سامنے بیٹھ گیاہے
صابراں اورسمیرابالٹیوں میں پانی بھرکرمہمانوں کوپانی پلارہی ہیں صابراں کی بہنیں کھانالاناشروع کردیتی ہیں
اریبہ۔۔۔۔۔اسی کمرے میں کوآپ کے بھائی نے بندکیاہواتھا
بشیراحمد۔۔۔۔جلدی جاؤ اس کووہاں سے لے آؤ کہیں ایسانہ ہواسے سب کچھ یادآجائے اوراس کی حالت پھرسے خراب ہوجائے
رحمتاں اوراریبہ دونوں احمدبخش کی طرف چل پڑتی ہیں
جاوید۔۔۔۔۔بشیراحمدسے۔۔۔۔۔احمدبخش کہاں چلاگیاہے
بشیراحمد۔۔۔۔اس کمرے کے سامنے بیٹھاہے جس میں اس کی ماں بندتھی
جاوید۔۔۔۔اس کووہاں نہیں جانے دیناچاہیے تھا
بشیراحمد۔۔۔۔۔میں نے فیاض کی ماں اوربھابھی کواس کے پاس بھیجاہے
رحمتاں۔۔۔۔احمدبخش بیٹا یہاں کیوں بیٹھے ہو
اریبہ۔۔۔۔۔یہ تورورہاہے اس کے منہ کوغورسے دیکھو
احمدبخش ایسے خاموش ہے جیسے اس نے کچھ سناہی نہیں
احمدبخش۔۔۔۔روہانسی آوازمیں۔۔۔۔۔امی آوازیں دے رہی ہیں ان کوباہرنکالیں سنو وہ کہہ رہی ہیں مجھے باہرنکالو ابوسے کہو وہ کمرے کادروازہ کھول دیں امی کوباہرآنے دیں اس کے ساتھ ہی وہ رونے لگ جاتاہے اس کے رونے کی آوازسن کرگھرمیں آئے ہوئے مہمان پریشان ہوجاتے ہیں ایک دوسرے سے کہنے لگتے ہیں اس لڑکے کوکیاہوگیاہے یہ کیوں رورہاہے کوئی کہتاہے اس کے سرمیں دردہوگا کوئی کہتاہے نہ جانے کیابات ہے احمدبخش کے رونے کی آوازسن کرمہمان کھاناکھانے سے اپناہاتھ روک لیتے ہیں
٭٭٭٭٭٭٭٭٭
منظر۴۴۶
ایک طرف سے راستے پرمولوی صاحب پیدل آرہے ہیں۔ دوسری طرف سعیداحمد اورکریم بخش بھی پیدل آرہے ہیں۔
کریم بخش۔۔۔۔۔۔بھائی جان آپ نے یہ درست مشورہ دیاہے ہمیں ان دونوں بھائیوں کے بارے میں مولوی صاحب سے معلوم کرلیناچاہیے
سعیداحمد۔۔۔۔۔وہ دونوں کسی دورکے علاقے کے نہیں کہ ہمیں زیادہ چھان بین کرنی پڑے ہم اوروہ ایک ہی مسجدمیں جمعہ کی نمازاداکرتے ہیں
کریم بخش۔۔۔۔۔اﷲ کرے آج مولوی صاحب سے ملاقات ہوجائے انہیں علاقے کے مسائل کے سلسلے میں کہیں نہ کہیں جاناپڑجاتاہے
سعیداحمد۔۔۔۔۔وہ سامنے دیکھو
کریم بخش۔۔۔۔۔یہ تومولوی صاحب ہیں اب راستے میں بات کرنابھی مناسب نہیں
سعیداحمد۔۔۔۔۔۔سلام دعاتوکرلیتے ہیں
کریم بخش۔۔۔۔۔۔مولوی صاحب کسی کوپریشان نہیں دیکھ سکتے
اسی دوران مولوی صاحب اوران دونوں بھائیوں کی ملاقات ہوجاتی ہے دونوں بھائی باری باری مولوی صاحب کوسلام کرتے ہیں۔
مولوی صاحب۔۔۔۔آپ کے گھرمیں تواپنارکشہ ہے پھرپیدل کیوں جارہے ہیں
سعیداحمد۔۔۔۔رکشے والا اپنی روزی کمانے گیاہواہے
مولوی صاحب۔۔۔۔۔۔آپ جاکہاں رہے ہیں
کریم بخش۔۔۔۔۔ہم جہاں جاناچاہ رہے تھے پہنچ چکے ہیں
مولوی صاحب۔۔۔۔۔آپ نے راستے کے درمیان تک ہی آناتھا
سعیداحمد۔۔۔۔۔یہ جگہ ہماری منزل تونہیں لیکن ہماری منزل اسی جگہ ہی مل گئی ہے
مولوی صاحب۔۔۔۔۔مجھے اجازت دیں آپ کوبھی دیرہورہی ہوگی
کریم بخش۔۔۔۔۔ہم آپ کے پاس ہی آرہے تھے
٭٭٭٭٭٭٭٭٭
منظر۴۴۷
راشدہ برتنوں میں کھاناڈال رہی ہے۔ احمدبخش کے رونے کی آوازسن کررک جاتی ہے۔ اٹھ کرچل پڑتی ہے
جاوید۔۔۔۔بشیراحمدسے۔۔۔۔۔وہی ہوگیا ہے احمدبخش رورہاہے
اریبہ۔۔۔۔۔احمدبخش کودلاسہ دیتے ہوئے۔۔۔۔۔۔احمدبخش بیٹا آپ کی امی اس کمرے میں نہیں ہیں
احمدبخش۔۔۔۔روتے ہوئے۔۔۔۔۔امی اسی کمرے میں ہیں ابونے ا می کواسی کمرے میں بندکیاہواہے
جاوید۔۔۔۔رحمتاں سے۔۔۔۔یہ بیٹھے بیٹھے رونے کیوں لگ گیاہے
رحمتاں۔۔۔۔مجھے لگتاہے اسے وہی خیال آرہے ہیں یہ کہتاہے ابوسے کہو وہ امی کوکمرے سے باہرنکالیں
احمدبخش روئے جارہاہے عبدالمجیدبھی آجاتاہے
عبدالمجید۔۔۔۔۔یہ اس نے کیاتماشالگادیاہے اسے اتنی بھی تمیزنہیں کہ گھرمیں مہمان بیٹھے ہیں
جاوید۔۔۔۔۔عبدالمجید کچھ تواﷲ کاخوف کرو
بشیراحمد۔۔۔۔۔روروکربچے کی حالت تودیکھو اس کوچپ کراؤ دلاسہ دو الٹااس پرغصہ نکال رہے ہو
عبدالمجید۔۔۔۔۔یہ میرابیٹا ہے ڈرامے بازیاں کررہاہے
اسی دوران راشدہ آجاتی ہے۔
راشدہ۔۔۔۔۔ان کوتومیرے بیٹے کی ہرتکلیف ہرپریشانی ڈرامہ لگتی ہے
اس کے ساتھ ہی وہ احمدبخش کوگلے لگالیتی ہیں اس کے سرپرہاتھ رکھتی ہے اسے پیارکرتی ہے بھرائی ہوئی آوازمیں کہتی ہے میرابیٹاکیوں رورہاہے کیابات ہے مجھے بتا
اریبہ۔۔۔۔۔یہ باربارکہہ رہاتھا امی اسی کمرے میں ہیں ابوسے کہیں وہ امی کوباہرنکالیں
عبدالمجید۔۔۔۔۔دیکھ لیاسب نے یہ کتنی ڈھٹائی سے جھوٹ بول رہاتھا اس کی ماں اس کے پاس بیٹھی ہے اوریہ کہتاہے
راشدہ۔۔۔۔بیٹا میں تیرے پاس ہی توبیٹھی ہوں
جاوید۔۔۔۔عبدالمجیدسے۔۔۔۔۔۔یہ سب تیری بے جاسختی کارزلٹ ہے تیرا اس کی ماں کوکمرے میں بندکرنا اس کی ماں کاباربارکمرے سے باہرنکالنے کے لیے آوازیں دینا اس کے حواس پرسوارہوگیاہے
بشیراحمد۔۔۔۔۔ہم نے توسمجھاتھا کہ یہ ا تنے دنوں میں بھول گیاہوگا
اسی دوران تمام مہمان بھی اکٹھا ہوناشروع ہوجاتے ہیں راشدہ احمدبخش کولے کرایک اورکمرے میں چلی جاتی ہے
٭٭٭٭٭٭٭٭٭