یہ چپل نہیں ہے بلکہ٬ عام استعمال کی چیزوں کے چند عجیب ڈیزائن جن سے آپ متاثر ہوئے بغیر نہیں رہ سکتے

آج ہم جن ایجادات کا استعمال کرتے ہیں ان میں سے کچھ کے بارے میں ایسا محسوس ہوتا ہے کہ جیسے شروع میں ان ایجادات یا ان کے ڈیزائن کا مذاق اڑایا گیا ہوگا۔ مثال کے طور پر جب تھامس ایڈیسن نے لائٹ بلب ایجاد کیا تو ہر کوئی اس سے متاثر نہیں ہوا اور اس کی ایجاد کو بےکار سمجھا۔ تاہم اب کوئی بھی اس ایجاد کے بغیر زندگی کا تصور نہیں کر سکتا۔ ہمارا مشورہ ہے کہ نیٹ سے جمع کیے گئے چند مزید انوکھی ایجادات اور ان کے ڈیزائن پر ایک نظر ڈالیں اور اس بارے میں سوچیں کہ آیا وہ مستقبل میں بھی مشہور ہو سکتی ہیں۔

یہ کوئی چپل نہیں

آپ اسے جتنی بار بھی دیکھیں گے آپ کو یہ ایک عام سی چپل لگے گی لیکن آرٹسٹ کے ہنر کا اندازہ لگائیے کہ یہ کوئی چپل نہیں بلکہ دھات سے بنی سرونگ پلیٹ ہے جو مہمانوں کے ناشتے کے لیے ڈیزائن کی گئی ہے- یقیناً اب آپ اس تصویر کو بار بار غور سے ضرور دیکھیں گے-

اس چاول سے بچنا ناممکن

جیسے ہی آپ اپنے کپڑوں پر چاول کے دانے دیکھتے ہیں تو انہیں لباس سے ہٹانا شروع کردیتے ہیں اور احتیاط سے جمع کر کے ایک جانب کہیں رکھ دیتے ہیں- لیکن ان چاول کے دانوں کو آپ شاید ہی کپڑوں سے ہٹانا چاہیں-

بیٹھے بیٹھے پیرس پہنچ گئے

کانٹے پر ایفل ٹاور کا ڈیزائن کانٹا استعمال کرنے والے کو ضرور بار بار اپنی جانب متوجہ کر سکتا ہے یہاں تک کہ ممکن ہے یہ ڈیزائن کھانا کھانے والے کو کھانے کا ذائقہ بھی بھُلا دے-

مکئی سے تیارہ کردہ ٹیبل

تخلیق کاروں کی سوچ ہمیشہ عام لوگوں کے مقابلے میں نرالی ہوتی ہے- ہم مکئی کو صرف کھانے کے لیے استعمال کرتے ہیں جبکہ ایک آرٹسٹ نے میکسیکو میں مکئی کے دانوں سے ایک منفرد ٹیبل ڈیزائن کر دی جو وہاں کے ایک ریستوران میں موجود ہے-

انوکھا لیمپ

ریڑھ کی ہڈی کے ڈیزائن سے مشابہہ اس لیمپ کا ڈیزائن ہے تو دلچسپ لیکن رات کے اندھیرے میں اچانک کھلنے والی نکھ اور اس دوران اس لیمپ پر پڑنے والی نظر ضرور آپ کو کچھ وقت کے لیے خوف میں مبتلا کرسکتی ہے-

باغ کے پاؤں

یقیناً اس گارڈن میں داخل ہونے والا کوئی بھی شخص اس گملے کو دیکھ کر اسے ڈیزائن کرنے والے کی تعریف کیے بغیر نہیں رہ سکتا- آرٹسٹ کی منفرد سوچ نے ایک بے جان چیز میں بھی جان ڈال دی-

انڈے کھائیں گا یا پہنیں گے

یہ کانوں کے بندے یا جھمکے شاید آرٹسٹ نے ان لوگوں سے متاثر ہو کر ڈیزائن کیے ہیں جن کے بارے میں کہا جاتا ہے کہ یہ شاید دنیا میں آئے ہی صرف کھانے کے لیے ہیں-