|
|
| |
| چھوٹے بچوں کا قد دنوں کے حساب سے بڑھتا ہے کیونکہ ان کی
بڑھنے کی عمر ہوتی ہے اس وجہ سے اکثر والدین ان کے کپڑے خریدتے ہوئے اس بات
کا خاص طور پر خیال رکھتے ہیں کہ یا تو ناپ سے بڑے کپڑے لیں یا پھر کم کپڑے
لیں تاکہ ساتھ ساتھ خریداری کی جاتی رہے- |
| |
| مگر اس سارے معاملے میں اس بات نقصان دہ
پہلو یہ ہوتا ہے کہ جو کپڑے چھوٹے ہو جاتے ہیں وہ ضائع ہو جاتے ہیں یا پھر
ہم پاکستانی لوگ اگلے پیدا ہونے والے بچے کے لیے سنبھال کر رکھ لیتے ہیں
اور اس کو پہناتے ہیں- |
| |
|
بچوں کی عمر کے ساتھ بڑھنے والے کپڑے |
|
سوچیں اگر ایسا ہو کہ بچوں کے ایسے کپڑے ہوں جو ان کی عمر کے ساتھ بڑھتے جائيں تو
اس طرح سے ایک جانب تو والدین بچوں کے ناپ کے کپڑوں کی خریداری کے مسئلے سے آزاد ہو
جائيں اور دوسری جانب بچوں کے کپڑے بھی چھوٹے نہ ہوں- |
|
|
|
|
| |
| اس حوالے سے ریان نامی ایک شخص نے بچوں کے لیے ایسے کپڑے
بنانے کا فیصلہ کیا جو کہ بیک وقت ایک سال سے چار سال کی عمر تک کے بچے کو
فٹ آسکتا ہے- یہ ڈریس سات مختلف سائز کے بچوں کے لیے بیک وقت بنایا گیا ہے
اور یہ مختلف عمر کے بچوں کے حساب سے بنایا گیا ہے- |
| |
| پلاسٹک کی بوتلوں سے
تیار ہونے والا لباس |
| ریان نامی سائنسدان نے یہ کپڑا پلاسٹک کی پرانی بوتلوں
سے بنایا ہے جو کہ ماحول دوست بھی ہے اور اس کے اندر فولڈ یا تہیں موجود
ہیں- جن کی وجہ سے یہ کپڑا سکڑ جاتا ہے اور جیسے جیسے بچے کا قد بڑھتا جاتا
ہے اس کپڑے کے فولڈ بھی کھلتے جاتے ہیں اور یہ بچے کے ناپ کے حساب سے فکس
ہوتا جاتا ہے اور اس طرح سے یہ کپڑے بچے صرف چند ماہ نہیں بلکہ کئی سالوں
تک استعمال کر سکتے ہیں- |
| |
| ہر موسم کے لیے مناسب
|
| اس کپڑے کی ایک اور خاص بات یہ ہے کہ یہ نائلون کے
مٹیریل سے تیار ہوتا ہے اس وجہ سے یہ مختلف موسمی اثرات کا سامنا بھی کر
سکتا ہے- اس کے ساتھ ساتھ یہ لباس مضبوط ہوتا ہے اس وجہ سے اس کو کئی سال
تک بچے استعمال کر بھی لیں تو اس کے پھٹنے کے امکانات کم ہی ہوتے ہیں- |
| |
|
|
| |
| تاہم یہ کپڑے ابھی تجرباتی طور پر تیار کیے گئے
ہیں اور امکان یہی ظاہر کیا جا رہا ہے کہ جلد ہی مارکیٹ میں فروخت کے لیے
دستیاب ہوں گے اور ان والدین کے لیے خوشی کی خبر بنیں گے جو کہ بڑھتے بچوں
کے کپڑوں کی خریداری کے حوالے سے پریشانی کا شکار رہتے ہیں- |