|
|
| |
| اشتہارات کی صنعت آج کل کے دور کی ایک بڑی صنعت ہے
کیونکہ کسی بھی چیز کی خریداری کے لیے خریداروں کو متوجہ کرنے کے لیے
اشتہارات ایک ایسی چیز ہوتی ہے جو لوگوں کے دلوں کو لبھا کر ان کو چیزیں
خریدنے پر مجبور کرتے ہیں مگر اس کے لیے اشتہارات بنانے والی صنعتیں کچھ
ایسے جعلی طریقے استعمال کرتی ہیں جن کو جان کر آپ حیران ہی رہ جائيں- |
| |
| فرنچ فرائز کے لیے ٹوتھ
پک کا استعمال |
| عام طور پر مختلف فاسٹ فوڈ کمپنیوں کے اشتہارات میں
موجود فرنچ فرائز کو دیکھ کر منہ میں پانی آجاتا ہے۔ کڑک اور کرسپی فرنچ
فرائز کو دیکھ کر سب کا یہی دل چاہتا ہے کہ ان کو فوراً خرید کر کھا لیا
جائے
مگر کیا آپ جانتے ہیں کہ ان فرنچ فرائز کو اس طرح دکھانے کے لیے جو ہر
فرائز میں ٹوتھ پک کا استعمال کیا جاتا ہے تاکہ وہ کڑک کڑک نظر آئيں اور
ایک خاص شیپ میں نظر آئيں- |
|
|
| |
| ٹھنڈی کیوبز والی کولڈ
ڈرنک |
| اس کے بعد دوسری چیز جو سب کو اپنی طرف متوجہ کرتی ہے۔
وہ ٹھنڈے میٹھے مشروبات ہوتے ہیں جن پر تیرتی برف دیکھ کر سب کی پیاس بڑھ
جاتی ہے۔ مگر جب بھی گھر پر کسی مشروب میں آئس کیوب ڈالی جاتی ہے تو یہ آئس
کیوب گھل سی جاتی ہیں اور مشروب کی وہ تازگی ظاہر نہیں ہوتی ہے جیسی کہ
اشتہارات میں نظر آتی ہے- تو اس کا راز یہ ہے کہ ان مشروبات میں استعمال
ہونے والی آئس کیوب اصل میں پانی کی بنی آئس کیوب نہیں ہوتی ہیں بلکہ یہ
پلاسٹک کی بنی ہوئی آئس کیوب ہوتی ہیں- اس لیے ان کیوبز کو نیچے گلاس میں
ڈال کر اوپر جب مشروب ڈالا جاتا ہے تو یہ اوپر آجاتی ہیں اور اس کے بعد
گلاس پر اسپرے کر کے یہ تاثر دیا جاتا ہے جیسے کہ مشروب بہت ٹھنڈا ہے- |
|
|
| |
| چمکتے دمکتے پھل |
| عام طور پر ملک شیک جوسز اور فروٹ چاٹ وغیرہ کے اشتہارات
کی تصاویر میں موجود پھلوں کی چمک دمک ہی نرالی ہوتی ہے- ان پھلوں کو دیکھ
کر ایسا محسوس ہوتا ہے کہ جیسے کہ یہ براہ راست جنت سے اترے ہوئے میوہ جات
ہیں- جبکہ حقیقت یہ ہوتی ہے کہ ان کی تصاویر کو لینے سے قبل ان کے اوپر
ہئير اسپرے کیا جاتا ہے جو ان کی چمک دمک میں اضافہ کر دیتا ہے اور دیکھنے
میں ایسا بنا دیتا ہے کہ ہاتھ بڑھا کر بندہ کھانے کو بے تاب ہو جائے- |
|
|
|
|
|
علیحدہ علیحدہ نوڈلز |
|
آج کل کے دور میں بچوں بڑوں میں نوڈلز بہت مقبول ہو رہے ہیں اور ان کے
اشتہارات میں موجود نکھرے نکھرے نوڈلز اور ان میں موجود رنگ برنگی سبزيوں
کو دیکھ کر منہ میں پانی آجاتا ہے- مگر حقیقت یہ ہے کہ اشتہار میں نوڈلز کو
دکھانے کے لیے اس کے اوپر بہت سارا شوگر سیرپ ڈالا جاتا ہے جس کو بعد میں
برش سے پھیلا دیا جاتا ہے جس سے تصاویر میں نوڈلز نکھرے نکھرے اور اس میں
موجود سبزياں بھی خوبصورت نظر آتی ہیں- |
|
|
|
|
|
برگر کو بڑا اور زبردست دکھانے کا طریقہ |
|
فاسٹ فوڈ کے اشتہارات میں موجود برگرز اور ان میں موجود ہر تہہ کے اجزا
علیحدہ علیحدہ نظر آتے ہیں۔ سلاد کے پتے ۔ کھیرے ، پیاز ، اور کباب سب کچھ
ہی اس طرح بن کے درمیان سجے سنورے پڑے ہوتے ہیں کہ انسان حیران رہ جاتا ہے۔
جب کہ حقیقت یہ ہے کہ اشتہارات میں دکھائے جانے والے ان برگر کی ہر تہہ کے
بعد ایک گتے کا ٹکڑا رکھا جاتا ہے جو اس کو دوسری تہہ سے واضح طور پر الگ
دکھاتا ہے اور جس سے نہ صرف برگر کا سائز بڑا لگتا ہے بلکہ ہر تہہ واضح نظر
آتی ہے- |
|
|
|
|
|
ان تمام طریقوں سے چیزوں کی خوبصورتی میں اضافہ تو ہو جاتا ہے اور خریدار
ان کو خریدنے کے لیے بے تاب بھی ہو جاتا ہے مگر جب حقیقت میں چیز اس کے
ہاتھ آتی ہے تو وہ اس سے کافی مختلف ہوتی ہے- |