|
|
| |
| زندگی کی سب سے بڑی حقیقت موت ہے یہاں تک کہ خدا کا
انکار کرنے والے بہت لوگ پیدا ہوئے مگر موت کا انکار کرنے والا کوئی نہیں
ہے- یہ کبھی بھی کسی بھی وقت آسکتی ہے چاہے آپ اس وقت کسی بھی حالت میں ہوں- |
| |
| موت سے متعلق ایسا ہی ایک حیران کن منظر اس وقت بھی
دیکھنے کو ملا جب مشہور ریپر کوسٹا ٹیچ جنوبی افریقہ میں اپنے کنسرٹ کے
دوران مداحوں کے سامنے انتقال کر گئے۔ |
| |
| جنوبی افریقی ریپر جن کا حقیقی نام ’’ کونسٹان ٹی نوس
سوپانوگلو ‘‘ تھا کی اچانک موت واقع ہونے کی اس ویڈیو نے لوگوں کو ہلا کر
رکھ دیا ہے- ویڈیو میں دیکھا جاسکتا ہے کہ سنگر جوہانسبرگ میں سٹیچ پر گانا
گاتے ہوئے گر گیا اور پھر جان کی بازی ہار گیا۔ اس سنگر کی عمر صرف 28 سال
تھی۔ |
|
|
| |
| العریبیہ ڈاٹ نیٹ کے مطابق سوشل میڈیا پلیٹ فارمز پر بڑے
پیمانے پر گردش کرنے والی اس ویڈیو میں جنوبی افریقہ میں "الٹرا میوزک"
فیسٹیول کے دوران ’’کوسٹا ٹیچ‘‘ کو گاتے ہوئے اور پھر سٹیج پر گرتے ہوئے
دکھایا گیا۔ اس کے بعد دوسروں نے اسے اپنے پیروں پر کھڑا ہونے میں مدد کی۔
سنگر نے پھر گانا شروع کیا لیکن پھر دوبارہ گر کر بے ہوش ہوگیا۔ ریپر کو
فوری طور پر ہسپتال منتقل کیا گیا جہاں اس کی موت کا اعلان کردیا گیا۔ طبی
حکام نے اس کی موت کی وجہ تاحال واضح نہیں کی۔ |
| |
| گلوکار کے بھائی نے اتوار کو موت کی خبر کی تصدیق کردی
اور مرحوم کے ’’ انسٹا گرام ‘‘ اکاؤنٹ پر ایک پیغام پوسٹ کیا جس میں لکھا
کہ گہرے دکھ کے ساتھ ہم خود کو سنگر کوسٹا ٹیچ کی موت کا اعلان کرنے پر
مجبور محسوس کر رہے ہیں۔ انہوں نے اس ہنگامی حالت میں اور آخری گھنٹوں میں
’’ کوسٹا ٹیچ‘‘ کے قریب موجود تمام افراد کا شکریہ بھی ادا کیا۔ |
| |
|
|
| |
| الٹرا میوزک فیسٹیول نے بھی ایک بیان میں
اظہار تعزیت کیا اور واضح کیا کہ کوسٹا جنوبی افریقہ میں ایک بااثر آواز،
ایک باصلاحیت ریپر، ڈانسر، گلوکار، نغمہ نگار، ساتھی اور شاندار دوست تھا۔ |