|
|
| |
| ان دنوں گھریلو اشیاﺀ کی صفائی کے بہت سے طریقے آپ کو
سوشل میڈیا پر دکھائی دیتے ہیں جن میں سے اکثر تو بہت ہی عجیب اور حیران کن
ہوتے ہیں- لیکن ان میں سے ہر طریقہ آپ کا مسئلہ حل نہیں کرتا- تاہم ہم یہاں
مختلف چیزوں کی صفائی کے چند ایسے آسان گھریلو طریقے بتا رہے ہیں جو آپ کے
مختلف مسائل کو حل کرسکتے ہیں- |
| |
| کلیننگ پروڈکٹ |
| یہ واقعی ایک عجیب بات ہے کہ لوگ صفائی ستھرائی کی
مصنوعات پر بھاری رقم خرچ کرتے ہیں جبکہ یہی کام سستے طریقوں سے بھی ہوسکتا
ہے- یہ طریقے آپ کے گھر کی سطحوں کو نقصان پہنچائے یا آپ کے ہاتھوں پر
زہریلے باقیات چھوڑے بغیر مؤثر ثابت ہوتے ہیں- |
|
|
| |
| ٹوتھ پیسٹ |
| کیا آپ جانتے ہیں کہ آپ اپنے کھڑکیوں کے شیشے اور آئینے
کو ٹوتھ پیسٹ سے ٹھیک کر سکتے ہیں؟ جی ہاں ان دونوں چیزوں پر آنے والی
خراشوں کو آرام سے صاف کرنے کے لیے تھوڑا سا ٹوتھ پیسٹ ایک نرم کپڑے پر لگا
کر اس سے خراشوں کو صاف کریں۔ آپ دیکھیں گے کہ آپ کا شیشہ پہلے سے بھی
زیادہ صاف اور چمکدار دکھائی دے گا- |
|
|
| |
| فریج میں کافی |
| اگر آپ کے فریج سے ناگوار بو آرہی ہے یا پھر آپ اسے صاف
کرنا بھول گئے ہیں تو کافی اس سلسلے میں آپ کی مدد کرسکتی ہے- بس تھوڑی
کافی لیں اور اسے ایک چھوٹے سے پیالے میں فریج کے اندر رکھیں۔ یہ ایک
بہترین فریج ڈیوڈرنٹ کے طور پر کام کرتی ہے۔ |
|
|
|
|
|
کیچپ |
|
کیا آپ جانتے ہیں کہ آپ کیچپ اور کیلے کی مدد سے اپنے قیمتی چاندی کے زیور
صاف کر سکتے ہیں؟ کیچپ ان حیران کن اشیاء میں سے ایک ہے جو چاندی کی اشیاﺀ
کی چمک واپس لا سکتی ہے- بس ایک پلیٹ میں کیچپ ڈالیں اور چاندی کے آئٹم کو
اس وقت تک اس میں رکھیں جب تک کہ وہ مکمل طور پر ڈوب نہ جائے۔ اسے 10 منٹ
تک رہنے دیں اور پھر آپ چاندی کو نکال کر گرم پانی سے دھو لیں۔ آپ اس چمک
دمک دیکھ کر حیران رہ جائیں گے- |
|
|
|
|
|
دستانے دوبارہ استعمال کرنا |
|
صفائی کی ایک اور حیران کن حقیقت یہ ہے کہ آپ کو اپنے دستانے دوبارہ
استعمال نہیں کرنا چاہیے۔ اگرچہ یہ آپ کے ہاتھوں کو ڈھانپنے اور اس بات کو
یقینی بناتے ہیں کہ ہاتھ گندے نہ ہوں۔ لیکن دستانے کا دوبارہ استعمال
درحقیقت ان سطحوں کو گندا بنا دیتا ہے جن کو آپ صاف کرنے کی کوشش کر رہے
ہیں۔ پ جہاں بھی جائیں ان پر موجود جراثیم ساتھ لے جاتے ہیں! اس کے بجائے
اپنے ہاتھوں کو صابن اور پانی سے کم از کم 20 سیکنڈ تک اچھی طرح دھوئیں۔ |
|
|