پرندے خلا میں کھانا نہیں کھا سکتے کیونکہ٬ جانوروں سے جڑے ایسے حقائق جو آپ کو افسردہ کردیں گے

بعض افراد سمجھتے ہیں کہ زیادہ تر جانور اچھی زندگی گزارتے ہیں کیونکہ یہ سارا دن فطرت میں گھومتے اور صرف کھاتے پیتے ہیں- لیکن ایسا حقیقت میں نہیں ہے کیونکہ انوکھے اور دلچسپ نظر آنے والے ان جانوروں کے ساتھ کچھ ایسے حقائق بھی جڑے ہیں جنہیں جان کر آپ افسردہ ہوجائیں گے-

بھیڑیے چاند کو دیکھ کر نہیں چلاتے

اگرچہ بھیڑیے کبھی کبھار دوسرے بھیڑیوں کو اپنے علاقے سے دور کرنے کے لیے چیختے ہیں، لیکن سائنسدانوں نے یہ بھی انکشاف کیا ہے کہ کچھ بھیڑیے اپنے لاپتہ ساتھیوں کو تلاش کرنے کے لئے چیختے ہیں- اور یہ کہ چیخنے والے کا لاپتہ ساتھی جتنا قریبی ہوتا ہے ، اتنا ہی وہ ان کے لئے چیختے ہیں۔

آکٹوپس تنہا رہتے ہیں

زیادہ تر آکٹوپس تنہا زندگی گزارنا پسند کرتے ہیں اس لیے وہ خود چٹانوں میں چھپا لیتے ہیں- یہاں تک کہ یہ اپنے بچوں کو بھی تنہا چھوڑ دیتے ہیں اور انہیں بہت کم تربیت دیتے ہیں-

پرندوں کو نگلنے کے لیے کشش ثقل کی ضرورت ہوتی ہے

اگرچہ ناسا نے سوچا تھا کہ پرندوں کو خلا میں لے جانا ایک اچھا خیال ہوگا، کیونکہ ان کی دیکھ بھال بہت کم ہے، لیکن یہ منصوبہ اس وقت بری طرح ناکام ہو گیا جب انہیں معلوم ہوا کہ پرندے کشش ثقل کے بغیر نگل نہیں سکتے۔ اور یوں پرندے خلا میں کششِ ثقل نہ ہونے کے سبب میں کھانا نگلنے سے قاصر ہوں گے-

زرافے پورے دن میں صرف 20 سے 30 منٹ کے لیے سوتے ہیں

نہ صرف زیادہ تر زرافے کھڑے ہو کر سوتے ہیں بلکہ وہ بہت کم سوتے ہیں۔ جنگل میں زرافے دن میں صرف 20 سے 30 منٹ تک سوتے ہیں اور وہ بھی مختصر پاور نیپس کے ذریعے سوتے ہیں تاکہ وہ شکاریوں کے لیے چوکنا رہ سکیں۔

چوہے دوسرے چوہے کی افسردگی سمجھ جاتے ہیں

مونٹریال یونیورسٹی کی ایک تحقیق کے نتائج سے پتہ چلا ہے کہ چوہے بھی اس وقت ہمدردی کے جذبے کا سامنا کرتے ہیں جب ان کا کوئی ساتھی غمگین یا درد میں ہوتا ہے۔

کوا چہرہ نہیں بھولتا

آپ کو یہ جان کر حیرت ہوگی کہ کوے اپنے دشمن کو نہیں بھولتے- تحقیق سے پتہ چلتا ہے کہ اگر کوا آپ سے خطرہ محسوس کرتا ہے، تو وہ زندگی بھر آپ کا چہرہ یاد رکھے گا اور اپنے بہت سے کوے دوستوں کی مدد سے آپ پر حملہ کرے گا۔

ہاتھی چھلانگ نہیں لگا سکتے

آپ کبھی بھی کسی ہاتھی کو چھلانگ لگاتا نہیں دیکھیں گے کیونکہ وہ چھلانگ لگا ہی نہیں سکتے- اور انہیں اس چیز کی ضرورت بھی نہیں ہوتی- وہ شکاریوں سے تحفظ کے لیے اپنے بڑے سائز اور ایک دوسرے پر زیادہ انحصار کرتے ہیں۔