|
|
ریفریجریٹر ایسی مفید ایجاد ہے جو آپ کے کھانے کو زیادہ
دیر تک تازہ رکھنے میں مدد کرتی ہے اور کھانے کے ضیاع کو کم کرتی ہے۔ لیکن
ہم کھانے کی چیزوں کو ضرورت سے زیادہ دیر تک بچانا چاہتے ہیں وہ بھی صرف
فریج کی سہولت کی وجہ سے۔ ہو سکتا ہے ابھی آپ کے فریج میں کچھ کھانے کی
چیزیں موجود ہوں جنہیں دراصل باہر پھینک دینا چاہیے۔ مندرجہ ذیل معلومات
پڑھیے اور جانیے کہ کونسی چیزیں فریج میں رکھنے کے باوجود کتنے دن تک محفوظ
رہتی ہیں- |
|
پنیر |
کچھ خاص قسم کے پنیر (cheese) ہمیشہ تازہ اور قابلِ
استعمال نہیں رہتے جیسے بکری کا پنیر- اگرچہ پنیر ایسی چیز نہیں ہے جسے ایک
ہی بار میں مکمل استعمال کرلیا جائے- اسی لیے آپ استعمال کے بعد باقی بچے
ہوئے پنیر کو فریج میں محفوظ کردیتے ہیں- لیکن آپ اسے کئی ہفتوں تک محفوظ
نہیں کرسکتے- یاد رکھیں پنیر صرف ایک سے دو ہفتے تک کے لیے کھانے کے قابل
رہتا ہے اس کے بعد اس کا استعمال نقصان دہ ثابت ہوسکتا ہے- اس لیے پنیر کو
جب بھی فریج میں محفوظ کرنے لگیں تو اس وقت کی تاریخ ضرور اس پر لکھ دیں- |
|
|
اچار یا اچاری کھانے |
ہمیں اپنے فریج میں اچار یا اس قسم کی دیگر چٹپٹی غذائیں
رکھنے کا بہت شوق ہوتا ہے کیونکہ ہم اسے بہت زیادہ استعمال کرتے ہیں اور یہ
بھی سمجھتے ہیں کہ یہ ہمیشہ محفوظ رہتے ہیں- لیکن بدقسمتی سے ہم غلط ہیں-
فریج سے نکال کر استعمال کیے جانے والے اچار کو لازمی پہلے چیک کریں اور
اگر اس پر کوئی سفید تہہ نظر آئے تو اسے پھینک دینا ہی اب بہتر ہے- |
|
|
چکن کا سالن |
جب آپ چکن تیار کرتے ہیں تو باقی بچے ہوئے سالن کو محفوظ
کرنا ایک عام سی بات ہے- لیکن کیا آپ جانتے ہیں کہ آپ اس سالن کو ہمیشہ کے
لیے نہیں بچا سکتے- عام طور پر جب آپ سالن بناتے ہیں تو اسے چار دن میں
استعمال کرلینا چاہیے- اگر آپ ایسا نہیں کرسکتے تو پھر آپ اسے مکمل طور پر
فریز یا منجمد کردیں- اس طرح آپ بغیر کچھ ضائع کیے بھی مزیدار چکن کا سالن
بعد میں استعمال کرسکتے ہیں- |
|
|
گھریلو چٹنیاں |
اگر آپ اپنی چٹنیاں یا کیچپ خود گھر پر تیار کرنا پسند کرتے ہیں تو آپ کو
مختلف مسائل کا سامنا بھی کرنا پڑ سکتا ہے- سب سے بڑا مسئلہ یہ ہے کہ آپ
اسے زیادہ وقت کے لیے محفوظ نہیں کرسکتے- دوسرے معنوں میں گھریلوں چٹنیاں
تیزی سے خراب ہوتی ہے- آپ کو گھر کی چٹنی دو ہفتوں کے اندر کھا لینی چاہیے-
اگر آپ ایسا نہیں کرتے تو اس کا مطلب ہے آپ اپنے کھانے میں بیکٹیریا کے
داخل ہونے کا خطرہ مول لے رہے ہیں- |
|
|
صرف چکھنے سے بھی خراب |
اگر آپ فریج میں رکھے کھانے کو صرف معمولی سا چکھ کر بھی واپس چھوڑ دیتے
ہیں تو ممکنہ طور پر آپ اسے خراب کر رہے ہیں- کیونکہ آپ کے منہ اور ناک میں
بہت سارے جراثیم موجود ہوتے ہیں- مثال کے طور پر جب آپ دودھ وغیرہ کے ڈبے
کو منہ لگا کر تھوڑا سا بھی پیتے ہیں تو اس میں جراثیم داخل ہوجاتے ہیں- یا
پھر کسی چمچ سے کھانا چکھ کر چمچ کھانے میں ہی چھوڑ دیتے ہیں تو اس میں بھی
جراثیم داخل ہوجاتے ہیں- جس کی وجہ سے یہ تیزی سے خراب ہو جاتا ہے اور اگر
آپ ایسا کرتے ہیں تو پھر ان غذاؤں کو چار دن کے اندر اندر پھینک دینا چاہیے- |
|