|
منظر۔۸
۲۲سالہ جمیلہ گھرکے صحن میں جھاڑو دے رہی ہے۔ تھوڑاساصحن صاف کرچکی ہے۔
جمیلہ جھاڑو دیتے ہوئے اپنے آپ سے کہتی ہے۔ روزانہ مجھے ہی گھرکی صفائی
کرناپڑتی ہے۔ گھرکے تمام کمرے بھی مجھے صاف کرناپڑتے ہیں۔ شہربانوخاموشی سے
جمیلہ کی پیٹھ کی طرف کھڑی ہوجاتی ہے۔ جمیلہ اپنے آپ سے کہتی ہے ۔میرے تویہ
کھیلنے اورکودنے کے دن ہیں۔ امی نے مجھے گھرکے کاموں میں لگادیاہے۔
شہربانوکمرے میں چلی جاتی ہے۔ کھانے میں استعمال ہونے والے برتن جواکٹھے
ہوئے پڑے تھے ۔اٹھانے لگتی ہے۔ برتن نہیں اٹھاتی ساتھ پڑی ہوئی چارپائی
پربیٹھ جاتی ہے۔ خاموشی سے کسی سوچ میں پڑجاتی ہے۔ جمیلہ گھرکے صحن کی
اکثرصفائی کرچکی ہے۔ شہربانوبرتن اٹھاکرکمرے سے باہرآتی ہے۔ جمیلہ صحن کی
صفائی کرتے ہوئے کہتی ہے۔ کہ مجھے کچھ ایساکرناچاہیے کہ روزانہ مجھے صفائی
نہ کرناپڑے۔
شہربانواپنے آپ سے کہتی ہے۔ اب میں بھی کچھ ایساکروں گی کہ یہ گھرکی صفائی
بھی کرے گی اورگھرکے دوسرے کام بھی
۔۔۔۔۔۔۔۔۔۔۔
منظر۔ ۹
عدنان، نعیم، مدثر، فریداورمظفرایک کھلے میدان میں ایک درخت کے نیچے کرسیوں
پربیٹھے ہیں۔ انکے درمیان ایک گول میزبھی رکھی ہوئی ہے۔ میزپرہرایک کے
سامنے کٹے ہوئے پھل بھی رکھے ہوئے ہیں۔
مدثر۔۔۔۔۔۔۔اپنے سامنے رکھی ہوئی پلیٹ دونوں ہاتھوں میں پکڑکر۔۔۔۔۔۔۔نعیم
کی طرف دیکھتے ہوئے۔۔۔۔۔۔۔اس تنہائی میں یوں کھلے میدان میں بیٹھنے کی
کیاضرورت تھی
نعیم۔۔۔۔۔۔۔ اس کی ضرورت تھی۔
مظفر۔۔۔۔۔۔۔اپنے کسی گھرمیں بھی توبیٹھ سکتے تھے
عدنان۔۔۔۔۔۔۔ ہم جوبات کرنے والے ہیں وہ کسی کے گھرمیں بیٹھ کرکرنامناسب
نہیں ہے
فرید۔۔۔۔۔۔۔اس سے تولگتاہے کہ ہم کسی کے خلاف سازش تیارکرنے کے لیے بیٹھے
ہیں کہ کوئی ہماری باتیں نہ سن لے
نعیم۔۔۔۔۔۔۔ہم یہاں کسی کے خلاف سازش کرنے کے لیے اکٹھے نہیں ہوئے
عدنان۔۔۔۔۔۔۔نعیم اورمیں نے ایک کاروبارکرنے کافیصلہ کیاہے۔ اس کاکہناہے کہ
ہمیں اوردوستوں کوبھی اپنے ساتھ شامل کرناچاہیے
مدثر۔۔۔۔۔۔۔وہ توٹھیک ہے لیکن آپ کون ساکاروبارکرنے والے ہیں
عدنان۔۔۔۔۔۔۔ہم قسطوں کاکاروبارکرناچاہتے ہیں
مظفر۔۔۔۔۔۔۔یہ ہم پانچ لوگ ہیں پانچ قسطیں بنائیں گے؟
فرید۔۔۔۔۔۔۔یہ قسطیں ہرہفتہ میں ہوں گی یاہرمہینے میں
نعیم۔۔۔۔۔۔۔یہ آپ لوگ کیسی باتیں کررہے ہو
مظفر۔۔۔۔۔۔۔ہماری سمجھ میں جوآیاکہہ دیا
عدنان ۔۔۔۔۔۔۔نعیم سے ۔۔۔۔۔۔۔ان تینوں میں سے کسی کے گھرآئندہ بیٹھک رکھ
لیتے ہیں وہاں ان کوسمجھادیں گے کہ قسطوں کاکاروبارکیاہوتاہے۔
۔۔۔۔۔۔۔۔۔۔۔۔۔
منظر۔۱۰
۵۰ سالہ دردانہ گھرکے ایک کمرے میں چارپائی پرپاؤں لہراکربیٹھی ہے۔ مسعوداس
کے ساتھ آکرخاموشی سے بیٹھ جاتاہے۔
مسعود۔۔۔۔۔۔۔خیرتوہے یوں کمرے میں اداس بیٹھی ہے
دردانہ کوئی جواب نہیں دیتی
مسعود۔۔۔۔۔۔۔خیرتوہے کیاپریشانی ہے
دردانہ اب بھی خاموش ہے
مسعود۔۔۔۔۔۔۔میں کب سے کوئی بات پوچھ رہاہوں جواب کیوں نہیں دے رہی ہے
دردانہ۔۔۔۔۔۔۔میں ناراض ہوں آپ سے میں آپ سے کوئی بات نہیں کرناچاہتی
مسعود۔۔۔۔۔۔۔مجھ سے کیاغلطی ہوگئی ہے
دردانہ۔۔۔۔۔۔۔تجھے اپنی اولادکااحساس بھی ہے؟
مسعود۔۔۔۔۔۔۔کیااحساس کروں
دردانہ۔۔۔۔۔۔۔ان کے مستقبل کاسوچو صفدراوررمضان کی ملازمت کابندوبست یاان
کوکوئی کاروبارکرادے
مسعود۔۔۔۔۔۔۔جوکرناہے وہ خود کریں میں کچھ نہیں کرسکتا
دردانہ۔۔۔۔۔۔۔تیرے پاس یہ جولاکھوں روپے رکھے ہوئے ہیں یہ کب کام آئیں گے
مسعود۔۔۔۔۔۔۔وہ میرے پیسے ہیں کیامیں تیرے بیٹوں پربربادکردوں ؟
دردانہ۔۔۔۔۔۔۔ہماری اولادکامستقبل سنورجائے گا آپ کہہ رہے ہیں
مسعود۔۔۔۔۔۔۔میں اپناپیسہ تیری اولادپرخرچ کردوں مجھے کیاملے گا
یہ سنتے ہی دردانہ اٹھ کرکمرے سے باہرچلی جاتی ہے۔
۔۔۔۔۔۔۔۔۔۔۔۔۔
منظر۔۱۱
۵۰ سالہ شاہ نواز اور۲۲سالہ اسدایک راستے میں پیدل جارہے ہیں۔
شاہ نواز۔۔۔۔۔۔۔اسدسے۔۔۔۔۔۔۔اسدبیٹا میں چاہتاہوں کہ تم مزدوری کرنے
جایاکرو گھرکی آمدنی اتنی نہیں ہے کہ اخراجات پورے ہوسکیں
اسد۔۔۔۔۔۔۔جی اباجان میں بھی یہی سوچ رہاتھا کہ اب مجھے کوئی نہ کوئی کام
کرناچاہیے
شاہ نواز۔۔۔۔۔۔۔میں چاہتاتونہیں ہوں کہ میرے ہوتے ہوئے
اسد۔۔۔۔۔۔۔اباجان آپ کواب آرام کرناچاہیے
شاہ نواز۔۔۔۔۔۔۔ابھی تم اتناپیسہ نہیں کماسکتے جس سے گھرکے سارے اخراجات
پورے ہوسکیں
اسد۔۔۔۔۔۔۔میں کوشش کروں گا کہ آپ کواب زیادہ محنت نہ کرناپڑے
دونوں باپ بیٹاچلتے ہوئے رک جاتے ہیں۔
اسد۔۔۔۔۔۔۔اپنی بات جاری رکھتے ہوئے۔۔۔۔۔۔۔اباجان میں کون سی مزدوری کروں ؟
دیہاڑی کروں یاکھیتوں میں کام کروں؟
شاہ نواز۔۔۔۔۔۔۔تم جیسی چاہو مزدوری کرسکتے ہو میرامشورہ ہے کہ دیہاڑی کرو
ابھی یہ مزدوری ٹھیک رہے گی جب کوئی اچھاکام مل جائے تویہ دیہاڑی چھوڑ دینا
اسد۔۔۔۔۔۔۔میں کل سے ہی مزدوری کی تلاش میں چلاجاؤں گا
دونوں چل پڑتے ہیں۔
شاہ نواز۔۔۔۔۔۔۔جوکام بھی ملے محنت اورایمانداری سے کرنا وقت پرجانا اوروقت
سے پہلے نہ آنا
اسد۔۔۔۔۔۔۔ میں ایساہی کروں گا
شاہ نواز۔۔۔۔۔۔۔کام شروع کرنے سے پہلے کام کادورانیہ اوراجرت ضرورطے کرلینا
میں بھی کام پر جارہاہوں تم گھرچلے جاؤ۔
۔۔۔۔۔۔۔۔۔۔۔۔
منظر۔ ۱۲
۲۲سالہ ماہ نوراوراس کا۲۰ سالہ بھائی عامرگھرکے صحن میں کمرے کی دیوارکے
ساتھ ایک ہی چارپائی پربیٹھے ہیں۔
ماہ نور۔۔۔۔۔۔۔عامرسے ۔۔۔۔۔۔۔مجھے پیاس لگی ہے پانی لے آؤ
عامرچارپائی سے اترنے لگتاہے تواس کی ماں بختاورآجاتی ہے۔
بختاور۔۔۔۔۔۔۔عامرسے۔۔۔۔۔۔۔مجھے دیکھ کرکہاں جارہاہے
عامر۔۔۔۔۔۔۔میں آپ کودیکھ کرنہیں جارہا
بختاور۔۔۔۔۔۔۔ایساہے توبیٹھ جا
عامر۔۔۔۔۔۔۔ماہ نورکی طرف دیکھتے ہوئے۔۔۔۔۔۔۔آپ کی اس بیٹی کوپیاس لگ رہی
ہے اس کے لیے پانی لینے جارہاہوں اب آپ جوحکم دیں
بختاور۔۔۔۔۔۔۔بہن کی خدمت گزاری ہورہی ہے عامر۔۔۔۔۔۔۔پانی پلانا تواجروثواب
کاکام ہے یہ توکوئی بھی کسی کوپلاسکتاہے۔
بختاور۔۔۔۔۔۔۔لگتاہے توسمجھ داربھی ہوگیا
عامر۔۔۔۔۔۔۔اجازت ہوتوپانی لے آؤں
بختاور۔۔۔۔۔۔۔جاؤ لے آؤ میرے لیے بھی لے آنا
عامرچلاجاتاہے
بختاور۔۔۔۔۔۔۔ماہ نورسے ۔۔۔۔۔۔۔تونے بھی بھائیوں پرحکم چلاناشروع کردیاہے؟
ماہ نور۔۔۔۔۔۔۔پانی لانے کوہی توکہاہے میں نے کوئی حکم نہیں چلایا
بختاور۔۔۔۔۔۔۔بہنیں توبھائیوں کے کام کرکے خوشی محسوس کرتی ہیں
ماہ نور۔۔۔۔۔۔۔یہ توبہن بھائی کی آپس میں محبت ہے
عامردوگلاسوں میں پانی لے آتاہے۔
۔۔۔۔۔۔۔۔۔۔۔
منظر۔ ۱۳
سترہ سالہ عاشق ،پندرہ سالہ سعدیہ اوربارہ سالہ عائشہ فاصلے پررکھی گئی الگ
الگ چارپائیوں پربیٹھ کرسکول کاکام کررہی ہیں۔ عاشق کے سامنے دوکتابیں کھلی
ہوئی ہیں۔ وہ ایک لمحے میں ایک کتاب کوپڑھنے لگتاہے تودوسرے ہی منٹ میں وہ
دوسری کتاب کوغورسے دیکھنے لگ جاتاہے۔ سعدیہ اور عائشہ اپنی اپنی کتابیں
رکھ کر نوٹ بکس میں لکھ رہی ہیں۔
نورالعین۔۔۔۔۔۔۔عاشق کے پاس آکر۔۔۔۔۔۔۔اتنے فاصلے پربیٹھ کرکیوں پڑھ رہے ہو
عاشق ۔۔۔۔۔۔۔امی جی اس سے ہم اپنی پڑھائی پرزیادہ توجہ دے سکیں گے
نورالعین۔۔۔۔۔۔۔توجہ توایک ساتھ بیٹھ کربھی دی جاسکتی ہے
عاشق۔۔۔۔۔۔۔ اس طرح توجہ تقسیم ہوجاتی ہے
باقربھی آجاتاہے
باقر۔۔۔۔۔۔۔لگتاہے ان کی لڑائی ہوئی ہے
عاشق ۔۔۔۔۔۔۔ایسی کوئی بات نہیں
باقر۔۔۔۔۔۔۔لڑائی نہیں ہوئی توایک دوسرے سے ناراض ہیں
نورالعین۔۔۔۔۔۔۔اس کاکہناہے اس طرح پڑھائی پرزیادہ توجہ دے سکتے ہیں
باقر۔۔۔۔۔۔۔اس توجہ میں خودغرضی کی ملاوٹ ہے
عاشق۔۔۔۔۔۔۔ہم توصرف۔۔۔۔۔۔۔
باقر۔۔۔۔۔۔۔تیری بہنوں کوبھی تیری توجہ کی ضرورت ہے
نورالعین۔۔۔۔۔۔۔میں بھی اسے یہی سمجھانے کی کوشش کررہی ہوں
نورالعین ۔۔۔۔۔۔۔عاشق سے ۔۔۔۔۔۔۔بہنوں کواپنے ساتھ بٹھاکرپڑھاکرو
باقر۔۔۔۔۔۔۔نورالعین سے۔۔۔۔۔۔۔ابوروزانہ ماموں کے ہوٹل میں جاتے ہیں آپ نے
پوچھاہے ؟ کہ وہ روزانہ کیاکرنے جاتے ہیں
نورالعین۔۔۔۔۔۔۔موقع دیکھ کربات کروں گی
۔۔۔۔۔۔۔۔۔۔۔۔۔۔۔۔۔۔۔۔۔۔۔
منظر۔۱۴
۵۰ سالہ عمران اوراس کاپچیس سالہ بیٹا خرم سڑک کنارے پیدل جارہے ہیں۔
عمران ۔۔۔۔۔۔۔خرم سے ۔۔۔۔۔۔۔تیری ماں کہہ رہی تھی تمہارے پاس پیسے نہیں
ہوتے
خرم ۔۔۔۔۔۔۔امی نے دوچاربارایک ہزارروپے مانگے اس وقت میرے پاس
،دوسواورچارسوروپے تھے میں امی کوپیسے دینے لگاتوکہایہ میں لے لوں توتم
کیاکروگے میرے بارباراصرارکرنے کے باوجودامی نے پیسے نہیں لیے
عمران۔۔۔۔۔۔۔۔تیری ماں کوایک ہزارروپے کس لیے چاہییں تھے
خرم ۔۔۔۔۔۔۔یہ تومیں نے نہیں پوچھا ویسے میں پوچھ بھی نہیں سکتا
عمران۔۔۔۔۔۔ایسی کوئی ضرورت تھی تومجھ سے مانگ لیتی
خرم ۔۔۔۔۔۔۔امی جانتی ہیں آپ کی آمدنی بھی محدودہے اس لیے نہیں مانگے ہوں
گے
عمران۔۔۔۔۔۔کیاوجہ ہے تیرے پاس ایک ہزارروپے بھی نہیں تھے
خرم۔۔۔۔۔۔میرے پاس جوآمدنی ہوتی ہے وہ میں آپ کودے دیتاہوں
عمران۔۔۔۔۔۔۔مجھے توکبھی چار سوروپے دیتاہے کبھی پانچ سو روپے اوروہ بھی
روزانہ نہیں دیتا
خرم۔۔۔۔۔۔میرے پاس جب بھی پیسے آتے ہیں میں آپ کوہی دے دیتاہوں
عمران۔۔۔۔۔۔۔چھ سو روپے دیہاڑی ہے تونے کبھی ۶ سوروپے نہیں دیے
خرم ۔۔۔۔۔۔جومزدوری ملتی ہے وہ آپ کوہی دیتاہوں اور روزانہ کام بھی نہیں
ملتا
۔۔۔۔۔۔۔۔۔۔۔۔۔
|