|
|
| |
| موبائل فون آج ہر انسان کی ضرورت بن چکا ہے، جہاں کچھ
لوگ فون کو صرف رابطے کیلئے استعمال کرتے ہیں وہیں اکثر لوگ فون کو اپنی
ذاتی معلومات ، بینک اکاؤنٹس اور دیگر معاملات کیلئے بھی استعمال کرتے ہیں
لیکن آج ہم آپ کو بتائیں گے کہ آپ کی کون سی ۔۔۔۔۔ غلطیاں ہیکرز کو آپ
کا فون ہیک کرنے میں مدد دے سکتی ہیں اور آپ اپنے قیمتی ڈیٹا سے محروم
ہوسکتے ہیں۔ |
| |
| مشکوک ویب سائٹس |
| موبائل فون پر انٹرنیٹ استعمال کرتے ہوئے براؤزنگ کے
دوران کسی بھی مشکوک ویب سائٹ پر کلک کرنے سے گریز کیجیے- کیونکہ یہ بھی آپ
کے فون کو ہیک کرنے کا ایک طریقہ ہوتا ہے جو آپ کو باآسانی اپنا شکار بنا
سکتا ہے- ان ویب سائٹس کو کلک کرتے ہی آپ کا فون ہیکرز کے ہاتھوں میں چلا
جاتا ہے- |
|
|
| |
| غیر مستند لنکس |
| سوشل میڈیا وغیرہ کے استعمال کے دوران اکثر ہمیں ایسے
لنکس نظر آتے ہیں جو کسی نہ کسی گفٹ کی آفر کر رہے ہوتے ہیں یا پھر کوئی
کوئز پروگرام ہوسکتا ہے- تاہم ایسے غیر تصدیق شدہ اور مشکوک قسم کے لنکس کو
کلک کرنے سے بھی آپ کا فون ہیک ہوسکتا ہے- اس قسم کے لالچ کے ذریعے کسی سے
بھی کلک آسانی سے کروایا جاسکتا ہے تاہم بعد میں یہ نقصان دہ ثابت ہوتا ہے- |
|
|
| |
| کمزور پاسورڈ |
| مختلف ایپس وغیرہ کے لیے مضبوط پاسورڈ کا انتخاب نہ کرنا
یا پھر بار بار ایک جیسا ہی کمزور استعمال کرنا ہیکرز کو دعوت دیتا ہے- آپ
کی اس کمزوری کا فائدہ اٹھاتے ہوئے ہیکرز باآسانی آپ کے فون سے آپ کا اہم
ڈیٹا چوری کرسکتے ہیں- |
|
|
|
|
|
تھرڈ پارٹی ایپ اسٹور |
|
ہمیشہ اس بات کو یقینی بنائیں کہ جب بھی کوئی ایپ انسٹال کریں تو وہ گوگل
پلے اسٹور یا پھر ایپل کے ایپ اسٹور سے ہی ہو- کسی بھی تھرڈ پارٹی ایپ
اسٹور سے کوئی ایپ ڈاؤن لوڈ نہ کریں چاہے وہ کتنی ہی بہترین کیوں نہ نظر
آئے- |
|
|
|
|
|
عوامی انٹرنیٹ |
|
عوامی مقامات پر موجود وائی فائی کی سہولت استعمال کرنے سے ہمیشہ گریز کریں
اور اس کی جگہ سم کا ڈیٹا پیکج ہی استعمال کریں- عوامی انٹرنیٹ استعمال
کرنا ایسے ہی ہے جیسے آپ ہیکرز کے سامنے خود پیش ہورہے ہیں- اس طرح ہیکرز
باآسانی آپ کا فون ہیک کر کے سارا ڈیٹا چرا سکتے ہیں- |
|
|
|
|
|
عوامی مقامات پر ہاٹ اسپاٹ |
|
عوامی مقامات پر ہاٹ اسپاٹ کا استعمال کرنے سے بھی گریز کریں ورنہ یہ
مہربانی آپ کے گلے بھی پڑ سکتی ہے- کیونکہ اس عمل سے بھی آپ کا فون ہیک
ہونے کے امکانات بڑھ جاتے ہیں- |
|
|
|
|