چین کی تکنیکی ترقی کے ثمرات
(Shahid Afraz Khan, Beijing)
|
حقائق کے تناظر میں ٹیکنالوجی کے میدان میں ایک اہم اور
بڑے ملک کی حیثیت سے چین سائنس و ٹیکنالوجی سے جڑے مختلف شعبوں کو مسلسل
ترقی دے رہا ہے۔ تمام شعبہ ہائے زندگی میں ٹیکنالوجی کے اطلاق کو وسعت دی
جا رہی ہے اور تحقیق و ترقی کو فروغ دینے کے لیے وسائل میں مسلسل اضافہ کیا
جا رہا ہے۔اس کی ایک عمدہ مثال چین کا بیڈو نیویگیشن سیٹلائٹ سسٹم (بی ڈی
ایس) بھی ہے جو اس وقت نیویگیشن سے لے کر نقل و حمل تک اور زراعت، جنگلات،
مویشی پروری اور ماہی گیری سے لے کر آفات کی روک تھام تک نمایاں کردار ادا
کر رہا ہے۔ وسیع تناظر میں 2020سے جب بی ڈی ایس کا آخری سیٹلائٹ مکمل اور
لانچ کیا گیا تھا ، اس نے معاشی اور سماجی ترقی کو ممکن بنانے میں اہم
کردار ادا کیا ہے۔ آج ، بی ڈی ایس لوگوں کی روزمرہ زندگی کا ایک حصہ بن گیا
ہے۔بی ڈی ایس کی اعلی درستگی پوزیشننگ کی بدولت ، اب گاڑیوں کی سینٹی میٹر
سطح اور حقیقی وقت کی پوزیشننگ کی معلومات حاصل کرنا ممکن ہے۔نقل و حمل کے
شعبے میں بی ڈی ایس کا وسیع پیمانے پر اطلاق جاری ہے۔ یہ نظام آٹو پائلٹ ،
خودکار پارکنگ اور خودکار لاجسٹکس کے لحاظ سے گاڑیوں کے لئے درست اور قابل
اعتماد پوزیشننگ اور نیویگیشن خدمات پیش کررہا ہے ، جس سے حفاظت اور
کارکردگی کو بہتر بنانے میں مدد ملتی ہے۔
بی ڈی ایس چین کے بنیادی ڈھانچے کی ترقی کو بھی طاقت دے رہا ہے اور اس نے
قدرتی وسائل، زراعت، مواصلات، نقل و حمل اور بجلی کی صنعتوں کے لئے
اعلیٰ۔درست پوزیشننگ خدمات کو نمایاں طور پر بہتر بنایا ہے.مثال کے طور پر
، بی ڈی ایس پر مبنی ارضیاتی خطرے کی نگرانی اور قبل از وقت انتباہ کا نظام
اب 10 سے زیادہ چینی صوبوں میں خدمات انجام دے رہا ہے۔ یہ نظام قدرتی آفات
کے خطرے والے مقامات پر حقیقی وقت میں خرابیوں، دراڑوں اور زیر زمین پانی
کی سطح کی نگرانی، تجزیہ اور انتباہ کرنے کے قابل ہے، جس سے آفات سے متعلق
وارننگ اور قبل از وقت تیاریوں کی صلاحیت کو بہتر بنایا جا سکتا ہے۔
اس کے علاوہ، ملک میں بجلی کی صنعت میں بھی بی ڈی ایس کے اطلاق کو بھرپور
طریقے سے فروغ دیا جارہا ہے. 2022 کے اواخر تک ، چین بھر میں 2 ہزار سے
زیادہ بی ڈی ایس گراؤنڈ بیسڈ توسیعی اسٹیشن یا تو تعمیر کیے گئے یا پھر اُن
کی منصوبہ بندی کی گئی ہے۔ بی ڈی ایس ٹرمینل ڈیوائسز کے 5 لاکھ سے زائد
یونٹس یا سیٹ استعمال میں لائے گئے ہیں، جو ڈرون معائنے، ٹرانسفارمر سب
اسٹیشنوں پر روبوٹک انسپکشن کے ساتھ ساتھ ٹاور مانیٹرنگ اور انسپکشن کے لئے
اعلیٰ درستگی کی پوزیشننگ خدمات پیش کرتے ہیں۔ اب تک، بجلی کی صنعت میں
تمام گاڑیاں بی ڈی ایس ٹرمینلز سے لیس کی جا چکی ہیں. اعداد و شمار کے
مطابق ، بی ڈی ایس پوزیشننگ فنکشن کے ساتھ ٹرمینل مصنوعات کی مجموعی تعداد
اب تک چین میں 1.2 بلین یونٹس یا سیٹوں سے تجاوز کرچکی ہے ، اور بی ڈی ایس
نے مین لائنوں پر 7.9 ملین سے زیادہ آپریٹنگ گاڑیوں ، 47 ہزار بحری جہازوں
اور 40 ہزار پوسٹل اور ایکسپریس ڈلیوری گاڑیوں کو خدمات فراہم کی ہیں۔ دریں
اثنا ، بی ڈی ایس ہائی پریسیشن پوزیشننگ چپس سے لیس 5 ملین سے زیادہ شیئرڈ
بائیکس بھی اس سہولت سے فائدہ اٹھا رہی ہیں۔
چین کے سبھی علاقے معاشی تبدیلی اور اپ گریڈیشن کو آگے بڑھانے کے لئے اپنے
اپنے تقاضوں کے مطابق بی ڈی ایس اور مقامی معیشت کے مابین گہرے انضمام کو
فروغ دے رہے ہیں۔بیجنگ۔تھیان جن۔حہ بے خطے میں، نیویگیشن سسٹم کو بنیادی
ڈھانچے۔گاڑیوں کی کوآپریٹو خود کار ڈرائیونگ اور بغیر پائلٹ کی ترسیل کی
رہنمائی کے لئے استعمال کیا گیا ہے، جو مؤثر طریقے سے ٹریفک اور ٹرمینل
اینڈ ڈلیوری کی کارکردگی کو بہتر بناتا ہے.گوانگ دونگ۔ہانگ کانگ-مکاؤ گریٹر
بے ایریا نے بنیادی ڈھانچے کی ذہین ترقی کو مزید آگے بڑھانے کے لئے متعدد
انجینئرنگ منصوبوں میں بی ڈی ایس ٹیکنالوجیز کا اطلاق کیا ہے۔ ان
ٹیکنالوجیز کی بدولت ان منصوبوں کی جامع تعمیراتی کارکردگی میں نمایاں
بہتری آئی ہے۔دریائے یانگسی کے طاس میں ، بی ڈی ایس کے اطلاق نے بس خدمات
کے کراس ڈسٹرکٹ آپریشن کو ممکن بنایا ہے ، جو مربوط علاقائی ترقی کو آگے
بڑھا رہا ہے اور خطے کے لئے ترقی کے نئے علاقوں کو فروغ دیتا ہے۔
گلوبل نیویگیشن سیٹلائٹ سسٹم اینڈ لوکیشن بیسڈ سروس (جی این ایس ایس اینڈ
ایل بی ایس) ایسوسی ایشن آف چائنا کی جانب سے حال ہی میں جاری کیے گئے ایک
وائٹ پیپر میں کہا گیا ہے کہ چین کی سیٹلائٹ نیویگیشن اور پوزیشننگ سروس
انڈسٹری کی مجموعی آؤٹ پٹ ویلیو 2022 میں 500.7 بلین یوآن (71.3 بلین ڈالر)
تک پہنچ گئی ہے۔خاص طور پر ، انٹیگریٹڈ سرکٹس ، اجزاء ، الگورتھم ، سافٹ
ویئر ، نیویگیشن ڈیٹا ، ٹرمینلز اور انفراسٹرکچر سمیت بنیادی شعبوں کی آؤٹ
پٹ ویلیو ، جو سیٹلائٹ نیویگیشن ٹیکنالوجیز کی ترقی اور اطلاق سے براہ راست
متعلق ہیں ، 152.7 بلین یوآن تک پہنچ گئی ، جو مجموعی مالیت کا 30.5 فیصد
ہے۔ماہرین کے نزدیک ، اس وقت چین صنعتی ڈیجیٹلائزیشن میں تیزی لا رہا ہے ،
جس سے توقع ہے کہ بی ڈی ایس کی مارکیٹ پر مبنی ، صنعتی اور بڑے پیمانے پر
ترقی کے لئے وسیع تر جگہ پیدا ہوگی اور چین کے ہمسایہ ممالک سمیت دیگر دنیا
بھی چین کے اس نظام سے مزید مستفید ہو گی۔
|
|