|
|
| |
ویلز میں سنوڈونیا کے پہاڑوں کے نیچے 419 میٹر کی گہرائی میں ایک لاوارث
کان میں 'ڈیپ سلیپ' نامی ایک ہوٹل واقع ہے جسے دنیا کا سب سے گہرا ہوٹل
ہونے کا اعزاز حاصل ہے۔
چار پرائیویٹ ٹوئن بیڈ کیبنز اور ایک ڈبل بیڈ، ڈائننگ ایریا، اور ٹوائلٹ کی
سہولیات کے ساتھ ڈیپ سلیپ ہوٹل دوسرے کسی ہوٹل سے بالکل مختلف ہے۔
زیر زمین 1,375 فٹ کی گہرائی موجود ایک لاوارث کان کے اندر بنائے گئے اس
ہوٹل کو دنیا کے سب سے گہرے ہوٹل کے طور پر بیان کیا جارہا ہے- اور اگر آپ
سمجھتے ہیں کہ یہاں آپ کو واقعی ایک رات گزارنی چاہیے تو جان لیں اس ہوٹل
کا فی رات کرایہ 688 ڈالر تک ہے-
|
|
|
| |
اس کے علاوہ اس ہوٹل تک پہنچنے کے لیے آپ کو پہاڑ کے
اندر پرانے اور مشکل ترین راستے سے بھی گزرنا پڑے گا جو ایک چڑھائی کی طرح
ہے- یہ راستہ مزدور کان میں جانے کے لیے استعمال کیا کرتے تھے-
ڈیپ سلیپ ہوٹل کا افتتاح اپریل میں آؤٹ ڈور ایکٹیویٹی کمپنی Go Below نے
کیا تھا اور یہ ہوٹل صرف ہفتے کے روز صرف ایک رات کے لیے اپنی سروسز فراہم
کرتا ہے۔
اس کی بکنگ آن لائن کی جاتی ہے جبکہ مہمانوں کی رہنمائی کے لیے ایک تربیت
یافتہ گائیڈ بھی موجود ہوتا ہے جو انہیں انتہائی گہرائی میں لے جا کر ہوٹل
تک پہنچانے کا پابند ہوتا ہے-
پہاڑوں کے ذریعے 45 منٹ تک ٹریکنگ کرنے کے بعد، سیاح ایک چھوٹی سی کاٹیج پر
زیر زمین Cwmorthin نامی لاوارث کان میں جانے کی تیاری کرتے ہیں- یہ دنیا
کی سب سے بڑی ایسی سلیٹ کان ہے جس میں کان کنی کا کام بند کردیا گیا اور اب
یہ لاوارث اور ویران ہے۔
|
|
|
یہ مشکل راستہ پرانی سیڑھیوں، ویران پلوں اور سلیک لائنوں پر مشتمل ہے اور
ہوٹل تک پہنچنے میں تقریباً ایک گھنٹہ لگتا ہے۔
ڈیپ سلیپ ہوٹل میں جانے والے مہمانوں کی تواضع گرم مشروب اور ایک مہم طرز
کا کھانا دیا جاتا ہے۔ ہوٹل کا درجہ حرارت سارا سال مسلسل 10 ڈگری سیلسیس
رہتا ہے، لیکن موٹی تہوں والے کیبن مبینہ طور پر کافی آرام دہ ہوتے ہیں۔
اس گہرے ترین ہوٹل میں پانی، بجلی کے ساتھ ساتھ سطح پر موجود 4G اینٹینا کی
مدد سے ایک کلومیٹر لمبی ایتھرنیٹ کیبل کے ذریعے وائی فائی کی سہولت بھی
فراہم کی جارہی ہے۔
|