|
جی ٹونٹی کا 19 واں سربراہ اجلاس برازیل کے شہر ریو ڈی
جنیرو میں منعقد ہو رہا ہے ۔ بین الاقوامی رائے عامہ کے نزدیک چین جی 20
ریو سمٹ میں دنیا کے سامنے ترقی کے نئے مواقع لائے گا۔ آج عالمی معاشی
افراتفری اور بحران کے لمحات میں دنیا کی بڑی معیشتوں کے نمائندہ کے طور پر
، جی 20 ایک اہم فورم بن گیا ہے جس سے دنیا کی امیدیں وابستہ ہیں۔جی 20 کے
منفرد کردار کی مکمل تفہیم کے ساتھ ، چینی صدر شی جن پھنگ نے ایک ہی کشتی
میں سفر کے جذبے پر عمل کرنے اور اپنے متعلقہ فرائض کو پورا کرنے کے لئے
ہاتھ ملانے کے لئے جی 20 کی مشترکہ کوششوں کی مسلسل حمایت کی ہے۔اُن کے
نزدیک"جی 20 کے تمام ارکان کو بڑے بین الاقوامی اور علاقائی کھلاڑی ہونے کی
ذمہ داری قبول کرنی چاہئے اور تمام ممالک کی ترقی کو فروغ دینے، پوری
انسانیت کی فلاح و بہبود کو بہتر بنانے اور پوری دنیا کی ترقی کو آگے
بڑھانے میں مثال قائم کرنی چاہئے۔"
آج ایک مرتبہ پھر جب شی جن پھنگ برازیل میں منعقدہ 19 ویں جی 20 سربراہ
اجلاس میں دیگر رہنماؤں کے ساتھ شریک ہیں، بین الاقوامی برادری یہ دیکھنے
کی خواہش مند ہے کہ وہ آج کی دنیا کو پریشانی سے دوچار کرنے والی بڑی غیر
یقینی صورتحال سے کیسے نمٹیں گے، خاص طور پر چین سب کے بہتر مستقبل کی
تعمیر کے لیے کیا حل تجویز کرے گا۔چین کا اس لحاظ سے موقف بڑا واضح ہے کہ
ترقی کسی بھی ملک کے لئے لازمی ہے. جی 20 تعاون میں ، چین نے ہمیشہ ترقیاتی
امور پر توجہ مرکوز کی ہے۔ چین نے بیلٹ اینڈ روڈ انیشی ایٹو اور گلوبل
ڈیولپمنٹ انیشی ایٹو کی تجویز پیش کی ہے اور اس پر فعال طور پر عمل درآمد
کیا ہے اور جی 20 کے ارکان کو ا نیشی ایٹوز میں فعال طور پر حصہ لینے اور
عالمی ترقیاتی ایجنڈے کو مشترکہ طور پر فروغ دینے کے لئے خوش آمدید کہا ہے۔
چین نے ہمیشہ اختراعی ترقی، خاص طور پر ڈیجیٹل معیشت اور سبز ترقی پر زور
دیا ہے. جی 20 سربراہ اجلاس کا ایک اہم ایجنڈا عالمی سبز اور کم کاربن ترقی
پر تبادلہ خیال کرنا ہے۔ اس سے دنیا کو توقع ہے کہ چین عالمی پائیدار ترقی
میں زیادہ سے زیادہ حوصلہ افزائی کرے گا۔چین کے کردار کو سمجھنے میں گورننس
ایک اور کلیدی لفظ ہے۔ جی 20 فریم ورک کے تحت ، چین نے ہمیشہ حقیقی کثیر
الجہتی کی وکالت کی ہے اور عالمی حکمرانی میں وسیع مشاورت ، مشترکہ شراکت
اور مشترکہ فوائد کے تصور پر عمل کیا ہے۔
چین عالمی اقتصادی حکمرانی کی شفاف اور زیادہ منصفانہ ترقی پر زور دے رہا
ہے اور "گلوبل ساؤتھ" کی آواز بلند کر رہا ہے۔ ایک منصفانہ دنیا کی تعمیر
کے لیے ضروری ہے کہ جی 20 "گلوبل ساؤتھ" کے ممالک کی مدد کرے تاکہ باہمی
احترام، مساوی تعاون اور باہمی فائدے کے اصولوں کی بنیاد پر زیادہ سے زیادہ
ترقی حاصل کی جا سکے۔
نومبر 2008 میں جب جی 20 کے رہنما واشنگٹن میں اپنے پہلے سربراہ اجلاس کے
لیے جمع ہوئے تو وہ ایک غیر معمولی عالمی مالیاتی بحران سے نمٹنے کے لیے
جدوجہد کر رہے تھے۔اجتماعی مہم چلا کر اس گروپ نے عالمی معیشت کو کھائی کے
دہانے سے نکال کر بحالی کی راہ پر گامزن کرنے میں مدد کی۔گزشتہ چند برسوں
کے دوران چین نے جی 20 کے دیگر رکن ممالک کے ساتھ مل کر ایک اور بڑے بحران،
ایک صدی میں سب سے سنگین عالمی وبائی مرض اور اس کے نتیجے میں پیدا ہونے
والی معاشی مندی سے نمٹنے میں مدد کی ہے۔ عالمی وبا کے بعد عالمی معیشت کی
بحالی کے لیے شی جن پھنگ نے جی 20 کے تمام رکن ممالک پر زور دیا کہ وہ اس
چیلنج سے نبرد آزما ہوں، بین الاقوامی میکرو اکنامک پالیسی کوآرڈینیشن میں
اضافہ کریں، عالمی صنعتی اور سپلائی چین کو مشترکہ طور پر مستحکم کریں اور
محصولات سمیت تجارتی رکاوٹوں کو کم کریں۔انہوں نے 2021 کے جی 20 سربراہ
اجلاس سے خطاب کرتے ہوئے کہا، "یہ ضروری ہے کہ ہم ان مسائل کی علامات اور
بنیادی وجوہات دونوں کو حل کرنے کے لئے صحیح حل کا استعمال کریں"۔ماہرین کے
نزدیک شی جن پھنگ کے کثیر الجہتی اقدامات منظم، جامع اور توجہ مرکوز کرنے
والے ہیں۔ انہوں نے جی 20 کے پالیسی وسائل کو مالا مال کیا ہے اور عالمی
معیشت کو چلانے میں اس کی فعالیت اور دور اندیشی میں اضافہ کیا ہے۔
جی 20 کے ارکان نے مشترکہ طور پر جن اہم مسائل کو حل کیا ان میں سے ایک
قرضوں کا بوجھ تھا جو کم آمدنی والے ممالک کے وسائل کو وبائی صورتحال سے
لڑنے اور زندگیوں کے تحفظ کے لئے دباؤ ڈال رہا تھا۔ اپریل 2020 میں ، جی 20
نے کمزور ممالک کی مدد کے لئے ڈیٹ سروس معطلی انیشی ایٹو (ڈی ایس ایس آئی)
کا اعلان کیا ، ایک غیر معمولی مالی تحفظ نیٹ جسے دسمبر 2021 تک بڑھا دیا
گیا تھا۔شی جن پھنگ کی قیادت میں چین نے جی 20 کے ڈیٹ سروس معطلی انیشی
ایٹو کو جامع انداز سے نافذ کیا اور جی 20 کے تمام ارکان میں سب سے بڑی
مالیت کی ادائیگی معطل کردی۔جان ہاپکنز یونیورسٹی میں چائنا افریقہ ریسرچ
انیشی ایٹو کی ایک رپورٹ میں کہا گیا ہے کہ "چین نے افریقی ممالک کے ساورن
قرضوں کے مسئلے کو حل کرنے میں مدد کے لئے ایک ذمہ دار جی 20 اسٹیک ہولڈر
کی حیثیت سے اپنا کردار بخوبی نبھایا ہے"۔آج دنیا امید کرتی ہے کہ موجودہ
سربراہ اجلاس کے دوران چین تمام فریقوں کے ساتھ مل کر مشترکہ ترقی کے حصول،
مساوی اور منظم کثیر قطبی دنیا اور جامع اقتصادی عالمگیریت کی وکالت کرے
گا۔
|