|
زندگی انسان کا سب سے مختصر اور سب سے طویل سفر ہے یہ ایک خواب ہے جو خوبصورت
بھی ہے اور بھیانک بھی ایک خوشی بھی ہے اور اذیت بھی زندگی کہ کئی روپ ہیں یہ
کبھی سراب ہے کبھی گلاب ہے تو کبھی عذاب ہے زندگی بس یہی مختصر سی ضخیم کتاب ہے
خواب سراب عذاب اور گلاب یہی اسکا نصاب ہے اسے دیکھو اسے پڑھو اس پر غور کرو
اسے جان لو اور سیکھ لو کہ کیسے اس پر عبور حاصل کرنا ہے خود کوزندگی کے عذاب
سے کیسے بچانا ہے زندگی کے خواب کو کس طرح خوبصورت تعبیر دینا ہے اور اس گلشن
کو کھلتے مسکراتے مہکتے گلابوں کی سرزمین بنانا ہے زندگی کی حقیقت کو کس طرح
جاننا اور پانا ہے خواب زندگی کی تعبیر کو کیسےحسین بنانا ہے زندگی کی بدصورتی
کو مٹا کر کس طرح سجانا سنوارنا اور خوبصورت بنانا ہے زندگی کے دشوار گزار سفر
کو کس طرح پر لطف اور خوشگوار بنانا ہے کتاب زندگی کی حکمتوں سے کس طرح فیض
اٹھانا اور زندگی کو صحیح معنوں میں زندگی بنانا ہے یہ سب ہمارے ہاتھ میں ہے
اگر ہم غور کریں تو کتاب زندگی خود ہماری رہنمائی کرے گی اپنے اندر پوشیدہ
حکمتیں خود آشکار کرے گی اس کے لئے شرط یہی ہے کہ ہم خود چاہیں آگے قدم بڑھائیں
محنت کوشش اور محبت سے ہر منزل پر کامیابی حاصل کرسکتے ہیں خالق کا حکم بھی یہی
ہے کہ زمین و آسمان میں جو کچھ ہے اس پر غوروفکر کرو اسی طرح انسان اپنے رب کو
اپنے آپ کو اور اپنے مقام کو پہچان سکتا ہے یہ ہو جائے تو سمجھو انسان نے کتاب
زندگی پر دسترس حا صل کر لی اور یہی انسان کی وہ کامیابی ہے جس سے بڑھ کر اور
کچھ نہیں اللہ تعلٰی ہمارے علم و حکمت میں اضافہ فرمائے اور ہم سب کو دونوں
جہانوں کی کامیابیوں کے راستے پر گامزن رہنے کی توفیق عطا فرمائے آمین |