امام دارمی ، امام بیہقی وغیرہ
کی روایت ہے کہ رسول اللہ صلی اللہ تعالٰی علیہ وآلہ وسلم نے فرمایا کہ
سورہء فاتحہ ہر مرض کی دوا ہے۔ اس سورۃ کا ایک نام “شافیہ“ اور ایک نام
“سورۃ الشفاء“ ہے۔ اس لئے کہ یہ ہر مرض کے لئے شفاء ہے۔ (بیضاوی)
روزی کی فراوانی وغیرہ
مسند درامی میں ہے کہ سو مرتبہ سورہء فاتحہ پڑھ کر جو دعاء مانگی جائے اس
کو اللہ تعالٰی قبول فرماتا ہے۔
مکان سے جن بھاگ جائے
اگر کسی گھر میں جن ہو اور پریشان کرتا ہو تو سورہء فاتحہ اور آیت الکرسی
اور سورہء جن کی ابتدائی پانچ آیتیں پڑھ کر اور پانی پر دم کرکے مکان کے
اطراف و جوانب میں چھڑک دینے کے بعد جن مکان سے چلا جائے گا۔ اور انشاءاللہ
تعالٰی پھر نہ آئے گا۔ (فیوض قرآنی)
شفاء امراض
بزرگوں نے فرمایا ہے کہ فجر کی سنّت اور فرض کے درمیان میں 41 سورہء فاتحہ
پڑھ کر مریض پر دَم کرنے سے آرام ہو جاتا ہے۔ اور آنکھ کا درد بہت جلد اچھا
ہو جاتا ہے۔ اور اگر اتنا پڑھ کر اپنا تھوک آنکھوں میں لگا دیا جائے تو بہت
مفید ہے۔ (فیوض قرآنی)
حضرت خواجہ نظام الدین اولیاء رحمۃ اللہ تعالٰی علیہ فرماتے ہیں کہ اگر
کوئی مشکل پیش آ جائے تو سورہء فاتحہ اس طرح چالیس مرتبہ پڑھو کہ بسم اللہ
الرحمٰن الرحیم کی میم کو الحمد کے لام میں ملاؤ اور “الرحمٰن الرحیم“ کو
تین بار پڑھو۔ اور ہر مرتبہ آخر میں تین بار “آمین“ کہو۔ انشاءاللہ تعالٰی
مقصد حاصل ہوگا۔ (فوائد الفواد ص74)
بیماری اور آفتوں کو دفع کرنے کیلئے
سات دنوں تک روزانہ گیارہ ہزار مرتبہ صرف اتنا پڑھے ایاک نعبد وایاک نستیعن
ہ اوّل و آخر تین تین بار دُرود شریف بھی پڑھے۔ بیماریوں اور بلاؤں کو دُور
کرنے کیلئے بہت ہی مجرب عمل ہے۔ (فیوض قرآنی) |