جڑے ہوئے بچوں کے کامیاب آپریشن

پچھلے چند عشروں میں جڑواں بچوں کی پیدائش میں حیرت انگیز طور پر چالیس فیصد تک اضافہ نوٹ کیا گیا ہے جہاں جڑواں بچوں کی پیدائش میں اضافہ ہوا ہے وہاں ان میں پیدائشی نقائص میں بھی اضافہ ہوا ہے۔ جڑواں بچوں میں سب سے بڑا مسئلہ ان کے جسمانی اعضاء کا آپس میں جڑا ہوا ہونا ہے- اکثران کو جدا کرنے کے لیے جو آپریشن کیے جاتے ہیں وہ ناکام ہوجاتے ہیں- کچھ ایسے آپریشن جو کہ کامیاب رہے ذیل میں پیش کئے گئے ہیں-

Angelica and Angelina Sabuco
Angelica اور Angelina Sabuco دونوں جڑواں بہنیں ہیں- یہ دونوں جب پیدا ہوئی تو جسمانی طور پر بھی جڑی ہوئی تھیں- ان دونوں کے پیٹ اور سینہ ایک دوسرے سے جڑے ہوئے تھے لیکن اب یہ دونوں جدا جدا ہیں- جب یہ دو سال کی ہوئی تو ان کے جسم کو Lucile Packard Children's Hospital میں 10 گھنٹے کے طویل آپریشن کے بعد علیحدہ کر لیا گیا- یہ آپریشن بہت بڑا تھا اسی وجہ سے اس آپریشن کی منصوبہ بندی کئی ماہ تک کی جاتی رہی اور اس منصوبہ بندی کے دوران ماہرین کے ساتھ ساتھ ہاسپٹل کے ہر حصے کو شامل کیا گیا- اس آپریشن کے دوران سب سے خطرناک مرحلہ لڑکیوں کے جگر کو تقسیم کرنا تھا- ہر ایک منٹ میں خون جگر سے گزرتا ہے-

Hassan and Hussein Benhaffaf
بظاہر تو سرجن نے ان بچوں کو جسمانی طور پر جدا کر دیا ہے لیکن اس تصویر میں بچوں نے ایک دوسرے کا ہاتھ جیسے پکڑ رکھا ہے اس سے ایسا معلوم ہوتا ہے کہ یہ دونوں دنیا کا سامنا اکٹھا کرنا چاہتے ہیں- یہ تصویر ان دونوں بچوں کی کامیاب سرجری کے بعد لی گئی- ان کی سرجری London's Great Ormond Street Hospital میں کی گئی- آپریشن کے سات ہفتوں بعد انہیں گھر جانے کی اجازت دی گئی- یہ بچے گزشتہ دسمبر میں London's University College Hospital میں پیدا ہوئے- 14 گھنٹے تک جاری رہنے والے اس طویل آپریشن میں 20 سے زائد افراد کے طبی عملے نے شرکت کی جس میں 4 سرجن بھی شامل تھے- آپریشن کے دوران ان کے جگر کے علاوہ کچھ دوسرے اعضا کو بھی علیحدہ کیا گیا- یہ دونوں بچے حسن اور حسین ایک ایک ٹانگ سے محروم ہیں- امکان ہے کہ انہیں مصنوعی ٹانگ لگائی جائے گی-

Maria Paz and Maria Jose Paredes Navarret
چلی کے ڈاکٹر 18 گھنٹے کے طویل آپریشن کے بعد آخرکار جسمانی طور پر جڑی دو بچیوں کو علیحدہ کرنے میں کامیاب ہوگئے- 10 ماہ کی Maria Jose اور Maria Paz کی حالت کافی مستحکم رہی باوجود اس کے کہ خون کافی زیادہ بہہ گیا تھا- ان دونوں بچیوں کو Mackenna Hospital کے انتہائی نگہداشت کے یونٹ میں رکھا گیا- ڈاکٹروں نے ان بچیوں کے پیٹ کو ایک دوسرے سے جدا کیا- یہ جسمانی طور پر جڑے ہوئے بچوں کا ساتواں بڑا اور پیچیدہ آپریشن تھا- ان بچیوں کے والدین کا کہنا تھا کہ آپریشن کے بعد یہ دونوں بہتر حالت میں باہر آئیں- والدہ کا کہنا تھا کہ جب یہ آپریشن شروع ہوا تو میں خدا کی طرف سے ہونے والی کسی معجزے کا انتظار کر رہی تھی- بدقسمتی سے اس آپریشن کے چار دن بعد ایک بچی Maria Jose عام اعضا کی ناکامی کے باعث انتقال کر گئی-

Rital and Ritaj Gaboura
ستمبر 2011 میں برطانوی ڈاکٹر دو پیدائشی طور پر سر جڑی بچیوں کو علیحدہ کرنے میں کامیاب ہوگئے- سوڈان میں پیدا ہونے والی دونوں بچیوں Rital اور Ritaj Gaboura کے والدین 31 سالہ Abdelmajeed Gaboura اور 27 سالہ Enas بھی ڈاکٹر ہیں- انہیں آپریشن کے لیے برطانیہ لایا گیا- یہاں پہنچنے سے قبل ہی Ritag کا دل کام نہیں کر رہا تھا- ان دونوں بچیوں کی پیدائش کافی تشویشناک حالت میں ہوئی تھی- ان دونوں کی خون کی شریانیں آپس میں تقسیم تھیں اور سب سے اہم ان دونوں کے دماغ کے درمیان خون کا بہاؤ اہم تھا- سرجری کے دوران بلڈ پریشر میں قابل ذکر کمی کے باعث دونوں کے دماغ کو نقصان پہنچ سکتا تھا- یہ آپریشن لندن کے Ormond Street Children's Hospital میں کیا گیا-