2012ﺀ کے جدید ترین آلات

سائنسی ایجادات نے ہماری زندگی کے ہر پہلو کو متاثر کیا ہے، گزشتہ برسوں کے مقابلے میں آج سائنسی ایجادات کی بدولت زندگی نہایت سہل اور آسان سے آسان تر ہو تی جارہی ہے ۔ چاہے گھریلو کام ہوں یا بڑے پیمانے پر کارخانوں کے معمولات ہر شعبہ ہائے زندگی میں نت نئی سائنسی ایجادات اور آلات کی آمد نے انسان کی زندگی کو بہت آرام پہنچایا ہے۔۔ حال ہی میں لاس ویگاس میں ہونے والے The 2012 International Consumer Electronics Show میں بڑی بڑی کمپنیوں نے اپنی جدید ترین مصنوعات نمائش کے لیے پیش کیں- ان مصنوعات کے باعث زندگی کچھ اور آسانیاں پیدا ہوگئی ہیں- اس سال اس نمائش میں 20 ہزار سے زیادہ مصنوعات پیش کی گئیں- یہ نمائش گزشتہ 44 سال سے پیش کی جارہی ہے-
 

Pure کمپنی نے اپنا جدید انٹرنیٹ ریڈیو Sensia 200D اس نمائش میں پیش کیا- اس پر ٹوئیٹر اور فیس بک کی اپلیکیشن بھی چلائی جاسکتی ہیں- یہ ریڈیو اپریل میں مارکیٹ میں دستیاب ہوگا-
 

BodyMedia Fit Core Armband جس کے بہت سے کمالات ہیں- اس بینڈ سے جسم کا بیرونی درجہ حرارت٬ جسم کی حرکات و سکنات٬ جسم کے اندر گرمی کا بہاؤ٬ نیند کی کارکردگی٬ کیلیوریز میں کمی اور تھکاوٹ کا اندازہ لگایا جاسکتا ہے-
 

یہ ایک wireless HD video receiver ہے- اس کے ذریعے ایک ہی ویڈیو کو پورے گھر کے مختلف ٹی وی پر دیکھا جا سکتا ہے اور اس کے لیے کسی قسم کے تار کی ضرورت بھی نہیں ہے-
 

یہ ایک جاسوسی ہیلی کاپٹر ہے جو کہ The Wi-Spi video surveillance helicopter کہلاتا ہے- یہ براہ راست ویڈیو سگنل بھی بھیج سکتا ہے اور ساتھ ہی اسے سمارٹ فون سے بھی کنٹرول کیا جاسکتا ہے-
 

The House of Marley company کی جانب سے پیش کیا گیا آڈیو سسٹم- یہ آڈیو سسٹم آئی فون کے لیے تیار کیا گیا ہے جو کہ صرف ایک بیگ پر مشتمل پر ہے اور اس کی قیمت 349.99 ڈالر مقرر کی گئی ہے-