لمبے بال پڑ گئے مہنگے

اس کو اپنے بال لمبے کرنے میں 5 سال کا عرصہ لگا٬ جو کہ 18 انچ کے ہوچکے تھے- اس کے علاوہ ان بالوں پر اس کے والدین نے بھی 4200 پاؤنڈ خرچ کردیے جو کہ شیمپو اور کنڈیشنر کی مد میں تھے- مگر پھر جلد ہی یہ بال اس کے لیے وبال جان بن گئے-

5 سالہ Rean Carter چونکہ لمبے بالوں والوں کی وجہ سے ایک لڑکی دیکھائی دیتا تھا اور اسے لڑکی کے نام Rapunzel سے پکارا جانے لگا تب اسے غلطی کا احساس ہوا- یہ احساس ہی اس کے پہلی بار ہئیر ڈریسر کی دکان پر جانے کا سبب بنا-
 

Rean ہئیر ڈریسر کی دوکان پر گیا جو کہ Sunderland میں Fellaz کے نام سے ہے٬ اور وہاں جاکر اس نے تقاضہ کیا کہ اس کے بال پیچھے سے اور اطراف سے مختصر کر دیے جائیں کیونکہ اسے اسکول میں چھیڑا جاتا ہے-

رین کی 30 سالہ والدہ جو کہ ایک پارٹی آرگنائزر بھی ہیں٬ کا کہنا ہے کہ “جب انہوں نے اپنے بیٹے کے خوبصورت اور لمبے بالوں کو کٹا ہوا دیکھا تو ان کا دل ٹوٹ گیا“-
 

ان کا کہنا تھا کہ “ وہ 5 سال سے اس کے بال بڑھا رہی تھیں٬ اور اب وہ واپس نہیں آسکتے ہیں- وہ اب بالکل مختلف دیکھائی دیتا ہے“-

وہ کہتی ہیں کہ “ جب رین اسکول میں داخل ہوا تو وہ اپنے بال پیچھے کی طرف باندھ کر جاتا تھا لیکن وہاں دوسرے بچے اس کا مذاق اڑاتے تھے- وہ ان کے ساتھ کھیلتا بھی نہیں تھا کیونکہ وہ لڑکیوں کی طرح دیکھائی دیتا تھا“-
 

ان کا یہ بھی کہنا ہے کہ “ جب میں رین کو اسکول لے کر گئی تو اس کے اس نئے روپ کو دیکھ کر اسکول ٹیچرز حیران رہ گئے اور انہوں نے کہا کہ تم پہلے اچھے نہیں دکھتے تھے لیکن تم ایک خوبصورت لڑکے ہو“-

اس کے دوستوں نے اسے گھیر لیا اور وہ کافی دیر تک ان کی توجہ کا مرکز بھی رہا-