ملائیشیا کا ایک منفرد الٹا گھر

گھر تو آپ نے بہت دیکھیں ہوں گے مگر الٹا مکان دیکھنے کا اتفاق کبھی نہیں ہوا ہوگا- ذرا سوچیں کہ آپ آپ ایک عام سی گلی میں کسی سے ملنے جائیں اور وہاں پہنچ کر دیکھیں کہ گھر تو الٹا پڑا ہے تو یقیناً آپ اسے زلزلے کا نتیجہ قرار دے دیں گے-

مگر ملائیشیا کے ایک گاؤں میں واقع اس عجیب و غریب گھر کی تو ہر چیز ہی نرالی ہے- یہاں اندر داخل ہونے کے لیے دروازہ نہیں ہے کیونکہ یہ الٹا ہے اس لیے اندر جانے کے لیے سیڑھیاں لگائی گئی ہیں-
 

اندر پہنچنے کے بعد حیرت کا جھٹکا اس وقت لگتا ہے جب تمام کرسیاں٬ ٹی وی٬ صوفہ سیٹ غرض ہر چیز زمین پر نہیں چھت پر لٹکی ہوئی نظر آتی ہے٬ یہاں تک کہ واشنگ مشین بھی آپ کے سر پر خطرے کی تلوار بن کر لٹکی ہوئی نظر آتی ہے-

1500 اسکوائر فٹ کے اس گھر میں ہر چیز بہت اعلیٰ ہے مگر وہاں جا کر ایسا لگتا ہے جیسے آپ ایک چمگاڈر کی طرح دیوار پر لٹکے ہوئے ہیں-
 

ملائیشیا کا یہ پہلا الٹا گھر یہاں آنے والے مہمانوں کے لیے انوکھا تجربہ ہے- باہر سے دیکھنے میں یہ گھر بالکل اپنے پڑوسی گاؤں صباح میں تعمیر شدہ روایتی رہائش گاہوں کی طرح لگتا ہے-

ان سب باتوں باوجود گھر آپ کو متاثر نہ کرسکے تو اس کی پارکنگ لاٹ ضرور حیرت میں ڈال دے گی کیونکہ وہاں گاڑی جب الٹی نظر آئے گی تو اسے چلانے کا سوچا بھی کیسے جا سکتا ہے؟