کیا آپ کا بچہ کھانے پینے میں تنگ کرتا ہے؟

اگر آپ کا بچہ کھانے پینے میں تنگ کرتا ہے تو یہ مسئلہ صرف آپ کے ساتھ نہیں ہے٬ تقریبا٬ 50 فیصد والدین کو یہی شکایت ہے- لیکن ایسی صورتحال آپ کے بچے کی نشو و نما اور جسمانی و دماغی صحت کے لیے خطرناک ثابت ہوسکتی ہے-

بچوں میں کھانا کھانے میں مشکلات کی 10 اہم علامات
1- صرف مخصوص کھانا کھانے پر ضد کرتے ہیں-

2- قوت مدافعت میں کمی یعنی بار بار بیماری یا انفیکشن میں مبتلا ہوجاتے ہیں-

3- عمر کے لحاظ سے قد اور وزن صحیح نہیں بڑھتا-
 

4- زیادہ کھانا پلیٹ میں چھوڑ دیتے ہیں-

5- ذہنی کارکردگی میں کمی اور اس کی وجہ سے پڑھائی میں توجہ کی کمی آجاتی ہے-

6**- کچھ نیا کھانے میں ہچکچاتے ہیں-

7- بہت زیادہ کھیل کود میں دھیان ہونے کی وجہ سے کھانا صحیح طرح نہیں کھاتے-

8- کھانا ختم کرنے میں بہت زیادہ وقت لگاتے ہیں-

9- کھانا کھانے کے بجائے Junk Food پر اصرار کرتے ہیں-

10- تنہائی پسند ہونے کی وجہ سے لوگوں کے ساتھ کھانا نہیں کھا پاتے-
 

بچوں کو کھانا کھلانے کے رہنما اصول
٭ کھانا کھانے کے دوران بچے کی توجہ کھلونے٬ کتابیں٬ ٹیلی ویڑن٬ کمپیوٹر اور دیگر چیزوں کے بجائے صرف اور صرف کھانے پر مرکوز رکھیں-

٭ بچے کے خود کھانا کھانے پر اس کی تعریف کریں٬ لیکن اس کا یا اس کے کھانے کی مقدار کے بارے میں ایک غیر جانبدارانہ رویہ رکھیں-

٭ بچے کی بھوک بڑھانے کے لیے٬ اس کو کم از کم 3 سے 4 گھنٹے کے درمیان کھانا یا ہلکی پھلکی غذا ( Snacks ) دیں-
٭ کھانے کی مدت 20 سے 30 منٹ تک محدود رکھیں ٬ چاہے بچے نے بہت کم ہی کیوں نہ کھایا ہو-

٭ بچے کی عمر کی مناسبت سے اس کے کھانے کو ترتیب دیں-
 

٭ بچے کے خود کھانے پر اس کی حوصلہ افزائی کریں اور اس کی عمر کے حساب سے اس کے کھانے کی گندگی کو برداشت کریں-

٭ کھانے کے ساتھ کھیلنے اور کھانے کے دوران بہت زیادہ بات کرنے پر اس کی حوصلہ شکنی کریں-

٭ نئے کھانے کی چیزوں کو منظم طریقے سے اور خوبصورتی کے ساتھ پیش کریں-

( بشکریہ: Abbott Nutrition )