پاکستان سے تعلق رکھنے والے نویں جماعت کے طالبعلم محمد
عبداللہ عابد نے ٹریفک کنٹرول کرنے کا نیا نظام ایجاد کیا ہے جس کی مدد سے
بڑی حد تک ٹریفک بلاک کے مسائل پر قابو پایا جا سکتا ہے۔
|
|
دی نیوز ٹرائب کی رپورٹ کے مطابق صوبہ پنجاب کے صدرمقام لاہور میں پاک ترک
اسکول کے طالبعلم محمد عبداللہ عابد نے ایک سافٹ ویئر تیار کیا ہے جو ویب
کیم کی مدد کسی بھی سگنل پر چاروں اطراف میں گاڑیوں کی تعداد دیکھ کر ٹریفک
کنٹرول کرتا ہے۔
اس نظام کے زریعے جس طرف زیادہ گاڑیاں ہوں انھیں زیادہ وقت اور جس سمت میں
گاڑیاں کم ہوں انھیں کم وقت دیا جاتا ہے۔
ٹریفک کنٹرول نظام کی ایک خاص بات یہ بھی ہے کہ یہ ایس ایم ایس یا ریڈیو
سگنل کے ذریعے ڈرائیوروں کو سڑک بلاک ہونے جبکہ مشکوک حرکت دیکھ کر پولیس
کو بھی اطلاع کرتا ہے۔
|
|
پاکستانی طالبعلم عبداللہ عابد نے ترکی کی دارالحکومت انقرہ میں ہونے والے
عالمی آئی ٹی کے مقابلہ میں شرکت کی جہاں امریکا، تھائی لینڈ، بھارت،
افغانستان، ترکی، نائیجیریا، البانیہ اوربرازیل سمیت 48 ممالک کے طلباء نے
176 پراجیکٹ پیش کئے۔
مقابلے کے منتظمین نے محمد عبداللہ کے پراجیکٹ کو سراہتے ہوئے انہیں دوسرے
انعام اور تین سو ڈالر کا حقدار قرار دیا۔ |