زیرِ سمندر لی گئی دنیا کی بہترین تصاویر

کیا آپ سمندر میں خود جاکر کسی ایسی شارک کی تصاویر کھینچنے کی ہمت کرسکتے ہیں جو منہ کھولے آپ کی جانب ہی بڑھ رہی ہو؟ ہزاروں شوقیہ اور پیشہ ور فوٹو گرافر ایسے ہوتے ہیں جو پانی کے اندر کی جانے والی بہترین فوٹوگرافی کے مقابلے میں انتہائی خطرے کا سامنا کرتے ہی پھسل جاتے ہیں- لیکن کچھ سرپھرے فوٹوگرافر ایسے بھی ہوتے ہیں جن کے لیے یہ خطرات کوئی معنی نہیں رکھتے- خطرات سے بھرپور یہ مقابلہ اب اپنے ساتویں سال میں داخل ہوچکا ہے- اس مقابلے میں پانی کے اندر ہونے والے واقعات کو اپنے کیمرے میں محفوظ کیا جاتا ہے- اس سال بھی 15 ممالک سے ہزاروں فوٹو گرافروں نے اپنی تصاویر سات مختلف کیٹیگری کے زمرے میں بھیجی- ارسال کردہ تصاویر کمپیکٹ کیمرہ٬ غوطہ خوری٬ جانوروں کی تصاویر٬ جانوروں کے رویے٬ شارکس اور سرفر اور reefscapes کے زمرے میں بھیجی گئیں-

Sam Cahir کو اس شاندار تصویر کے کھینچنے پر پہلے انعام سے نوازا گیا- آسٹریلیا کے سمندر میں کھینچی جانے والی یہ تصویر عین اس لمحے کھینچی گئی جب ایک شارک اپنا جبڑا کھولے کیمرے ہی کی جانب بڑھ رہی تھی-

فطرت کے اس غیرمعمولی نظارے کی تصویر Hamid Rad نے کھینچی- انہوں نے یہ تصویر نیوگنی کے سمندر کے اندر سے آسمان کی جانب دیکھتے ہوئے کھینچی-

کینیڈا کے علاقے برٹش کولمبیا میں واقع گولڈن کیمبل دریا میں موجود مچھلیوں کے بچوں کا ایک جھنڈ-

ایک شوقیہ فوٹوگرافر نے mantra rays کے گروپ کی تصویر انتہائی پرامن لمحات میں حاصل کی-

نیو میکسیکو کے شہر Cabo میں موجود سمندر میں کھڑا ایک غوطہ خور جو مچھلیوں کے ایک بہت بڑے جھنڈ کی تصویر کھینچ رہا ہے-

اس خوبصورت تصویر میں سمندر میں موجود کئی پرکشش رنگوں کا نظارہ کیا جاسکتا ہے-

ان دونوں تصاویر میں اردگرد کا ماحول انتہائی ڈرامائی ہے٬ جہاں ایک جانب چھوٹی مچھلیاں بڑی مچھلیوں کو راستہ دے رہی ہیں٬ تو دوسری جانب ایک دریائی گھوڑا ایک تباہ شدہ بحری جہاز کے سامنے کھڑا ہے-