360 ڈگری تک گھومنے والی عمارتیں

تاج محل ہو یا پھر اہرام مصر سب کو بھول جائیں کیونکہ مستقبل قریب میں ایسی عمارتیں تیار ہونے والی ہی جو ہر گھنٹے بعد گھوم کر اپنا رخ ہی تبدیل کرلیں گی-

دی نیوز ٹرائب کی رپورٹ کے مطابق ایک اطالوی آرکٹیکٹ نے ایسی حیرت انگیز عمارتوں کا منصوبہ تیار کیا ہے جو ہر 90 منٹ کے اندر 360 ڈگری تک گھوم سکیں گی-

اس سلسلے میں سب سے پہلے دو عمارتیں دبئی اور ماسکو میں تعمیر کرنے کی منصوبہ بندی کی جارہی ہے جس کے بعد لندن٬ میلان٬ پیرس٬ روم٬ نیویارک اور میامی میں بھی اس پر کام کیے جانے کا امکان ہے-

ڈیوڈ فشر نامی آرکٹیکٹ کا کہنا ہے کہ “اب تعمیرات کی دنیا میں نئے عہد کا آغاز ہونے والا ہے- عمارتیں فور ڈی ہوتی ہیں اور اب یہ ہوا اور شمسی توانائی سے خود بجلی تیار کرسکیں گی“-

یہ عمارتیں موسم اور درجہ حرارت کی پہچان کر کے اس کے مطابق اندر کے ماحول کی توانائی کو ریگولیٹ کریں گی٬ یعنی سردیوں میں کمرے خودبخود گرم اور گرمیوں مں ٹھنڈے ہوجائیں گے-

< Previous موتیوں سے تیار کردہ دلکش کچن NEXT > دنیا کے چند شاندار ٹری ہاؤس