منفرد اور حسین طرز تعمیر کی حامل مسجد حسن الثانی

پچھلے دنوں ویب سائٹس پر یونہی خوبصورت مسجدوں کو دیکھنے اور سمجھنے کی کوشش و جستجو کر رہا تھا تو اچانک مسجد حسن ثانی مراکش کی حسین مسجد کی سحر میں کھو سا گیا۔اگرچہ یہ موضوع اچھوتا ہے مگر روزانہ کے سیاسی ماحول اور سیاسیات سے ہٹ کر ہے اس لئے پتہ نہیں قارئین حضرات کو پسند آئے نہ آئے مگر میں نے یہ تہیہ کر لیا ہے کہ اس کی گو نہ گوں خوبصورتی اور بہترین فن نگاری کو اُجاگر کروں گا۔ اس لئے نظر قارئین ہے۔
 

اﷲ رب العزت کسی کسی کو ہی یہ کمال دیتا ہے جو آئینے کو بھی حیرت میں ڈال دیتا ہے ایسا ہی کمال اﷲ تبارک و تعالیٰ نے مراکش کے بادشاہ حسن دوم کو بھی عطا کیا اور اس نے مراکش کے شہر کاسابلانکا میں حسن ثانی مسجد تعمیر کر کے انسان کو حیرت میں ڈال دیا۔ منفرد طرزِ تعمیر کی حامل یہ مسجد جو خوبصورت اور باعثِ کشش بھی ہے اس کی ایک انفرادیت تو یہ بھی ہے کہ اس کی تعمیر اس طرح کی گئی ہے کہ اس مسجد کا نصف حصہ بحراوقیانوس پر ہے۔ غور و فکر کرنے والوں کو اس میں نشانیاں ملیں گی۔قرآنِ مجید فرقانِ حمید میں ارشاد ہے: ’’ عقل والوں کے لئے نشانیاں ہیں۔‘‘ اقتدارِ اعلیٰ کا مالک صرف خدائے بزرگ و برتر ہیں اور اس میں کوئی شک نہیں کہ کائنات کی ہر چیز اسی کے حکم کے تابع ہے۔ اور وہ سب پر حکومت کرتا ہے۔ ہر ایک چیز اس کے دائرہ اختیار میں ہے۔ارشادِ ربّانی ہے: ’’ اور وہی اﷲ ہے جس نے آسمانوں اور زمین کی بالائی زیریں کائناتوں کو چھ روز (یعنی تخلیق و ارتقاء کے چھ ادوار مراحل) میں پیدا فرمایا اور (تخلیق ارضی سے قبال) اس کا تخت اقتدار پانی پر تھا(اور اس نے اس سے زندگی کے تمام آچار کو اور تمہیں پیدا کیا) تاکہ وہ تمہیں آزمائے کہ تم میں سے کون عمل کے اعتبار سے بہتر ہے؟ اور اگر آپ یہ فرمائیں کہ تم لوگ مرنے کے بعد زندہ کر کے اٹھائے جاؤ گے تو کافر یقیناً کہیں گے کہ یہ تو صریح جادو کے سوا کچھ اور نہیں ہے۔‘‘

قرآنِ پاک کی اس آیت سے بادشاہ حسن دوم اتنا متاثر ہوا کہ اس نے پانی پر مسجد تعمیر کرنے کا فیصلہ کیا کہ اﷲ تعالیٰ کا اقتدار تخت پانی پر تھا۔ اور مسجد اﷲ کا گھر۔ اپنی 60 ویں سالگرہ پر وہ اپنی عوام کو ایک تحفہ دینا چاہتا تھا۔ اور وہ یادگار آج مسجد حسن ثانی کی شکل میں ہم سب کے سامنے ہے۔بے شک وہ خالق ہے بحر و بر کا٬ آسماں کا زمیں۔
 

VIEW PICTURE GALLERY