مختلف مصنوعات کی عکاس دلچسپ عمارات

زیادہ تر کمپنیاں گاہکوں کو اپنی مصنوعات کے بارے میں آگاہ کرنے کے لیے مختلف اقسام کے اشتہارات کا سہارا لیتی ہیں- لیکن دنیا میں کچھ کمپنیاں ایسی بھی ہیں جنہوں نے گاہکوں کو متاثر کرنے کے لیے ایسی دلچسپ اسٹرکچر کی حامل عمارات کی تعمیر کی جو ان کی مصنوعات کی عکاسی کرتی ہیں- اور یہ کمپنیاں اپنے اس منفرد طرز عمل کے ذریعے گاہکوں کو متاثر کرنے اور ان کی توجہ حاصل کرنے میں کامیاب بھی رہیں- چند ایسی ہی دلچسپ عمارات کا احوال آج اس آرٹیکل میں پیش کیا جارہا ہے-

امریکی ریاست کیلیفورنیا میں واقع یہ بیکری دنیا کی حیران کن بیکریوں میں سے ایک ہے جو کہ 1968 سے ڈونٹ فروخت کرتی آرہی ہے- The Donut Hole نامی اس عمارت کا اسٹرکچر یہاں ہونے والے بزنس کی بھرپور عکاسی کرتا ہے-

جنوبی افریقہ کے ایک چھوٹے سے گاؤں میں تعمیر کی گئی The Big Pineapple نامی یہ عمارت 3 فلور پر مشتمل ہے- یہ عمارت ایسے مقام پر واقع ہے جہاں انناس کی کاشت کی جاتی ہے- اس کے علاوہ اس عمارت میں انناس کی مصنوعات کی فروخت بھی کی جاتی ہیں- اور اس کا اسٹرکچر انہی مصنوعات کی تشہیر کرتا دکھائی دیتا ہے-

2007 میں یہ عمارت ورلڈ ٹوائلٹ ایسوسی ایشن کے پہلے صدر کے ذاتی گھر کے طور پر تعمیر کی گئی تھی- لیکن اب یہ بطور ٹوائلٹ میوزیم کام کرتی ہے- جنوبی کوریا کے علاقے Suwon میں واقع اس ٹوائلٹ میوزیم میں مختلف اقسام کے ٹوائلٹ موجود ہیں-

چین کے صوبے Guizhou کا علاقہMeitan County سبز چائے کی پیداوار کے حوالے سے بہت مقبول ہے- tea pot اور کپ کی شکل میں تعمیر کی گئی یہ عمارت چائے کی صنعت کی یاد کے طور پر تعمیر کی گئی ہے- اس عمارت کے اندر تمام چیزیں چائے سے متعلق ہی رکھی گئی ہے-

اگرچہ دنیا میں متعدد ایسی رہائش گاہیں موجود ہیں جو جوتوں کی شکل میں تعمیر کی گئی ہیں- لیکن کیلیفورنیا میں واقع Bakersfield وہ واحد عمارت ہے جو کاروبار کے حوالے سے تعمیر کی گئی ہے-1947 میں تعمیر کی گئی 30 فٹ لمبی اس عمارت میں جوتوں کی مرمت کی جاتی ہے-

مچھلی کی شکل میں بنائی گئی یہ انڈیا کی ایک سرکاری عمارت ہے جو کہ 2012 میں تعمیر کی گئی-4 منزلہ یہ عمارت انڈیا کے شہر حیدرآباد میں واقع ہے اور یہ نیشنل فشریز ڈویلمپنٹ کا دفتر ہے- یہاں ماہی گیری کی صنعت میں ٹیکنالوجی بڑھانے کے لیے کام کیا جاتا ہے-

کیلیفورنیا کے علاقے Turlock میں واقع یہ منفرد اسٹرکچر کی حامل عمارت ایک تعمیرات کے لیے مشینری فراہم کرنے والی کمپنی کا دفتر ہے- یہ 2 منزلہ عمارت United Equipment کا آفس ہے جس کی لمبائی 66 فٹ ہے- یہ عمارت 1976 میں تعمیر کی گئی-

یہ ایک موسیقی کے آلات کی دکان ہے اور یہ دنیا کی واحد عمارت ہے جو کہ گٹار کی شکل میں تعمیر کی گئی ہے- Grand Guitar نامی یہ عمارت امریکہ کے شہر Tennessee میں واقع ہے- اس عمارت میں گفٹ شاپ کے ساتھ ساتھ میوزیم بھی موجود ہے-

ہاٹ ڈاگ کی شکل میں تعمیر کی گئی یہ عمارت امریکہ کے شہر کولوراڈو میں واقع ہے- 1966 میں تعمیر کی گئی یہ عمارت سیاحوں میں انتہائی مقبول ہے- یہ عمارت بطور ریسورنٹ بھی کام سرانجام دے رہی ہے-

< Previous چاول کے دانے کے برابر دلچسپ فن پارے NEXT > مقناطیس کے ذریعے چپکنے والا فرنیچر تیار