وشمہ خان وشمہ کا پہلا شعری
مجموعہ : سرگوشیاں : اردو ادب میں ان کے روشن مستقبل کی دلیل ہے ۔ ان کا
کلام نہ صرف منفرد تخیل کا حامل ہے بلکہ ہماری روایت ، تہزیب اور ثقافت میں
بھی ایک نئے باب کا اضافہ ہے ۔ ان کا کلام جدت اور ندرت کا آمیزہ ہے شگفتگی
کے ساتھ ساتھ انفرادیت ان کے کلام میں خصوصی گوہر کا درجہ رکھتی ہے ۔ اظہار
کا بے ساختہ پن،معنویت اور سادگی میں بھی جدت کی آمیزش نے انہیں غزل کی
کامیاب شاعرہ بنا دیا ہے دیار غیر میں رہنے کے سبب خیال اور احساسات وطن کی
مٹی سے جڑے ہوئے ہیں، دیار غیر میں رہنے والے شعرا کے کلام میں حب
الوطنی،ہجرت اور ماضی کے حوالے سے مضامین ملتے ہیں مگر وشمہ خان وشمہ نے
اپنے نئے مجموعہ کلام میں اپنی فکر و سوچ کے وہ دریچے کھولے ہیں جو سوز و
ساز کے ساتھ ساتھ خارجی سطح پر معاشرتی اور عصری شعور کے امین بھی ہیں ،
۔۔۔۔۔۔۔۔۔۔۔۔
وشمہ خان وشمہ کے کلام میں خوش رنگ افکار اور عطر بیز احساسات کی قوس قزح
سی لہراتی دکھائی دیتی ہے عصری حقیقت کے ادراک کی آمیزش سے آپ کی شاعری میں
حسن و عشق کی رنگینیوں کا اور بھی قدرتی رنگ نمایاں ہوا ہے ،نئے جہانوں کی
سمت اور جہت بھی آپکی شاعری کا حصہ ہے،غم ،خوشی اور آہ و فغاں کی کیفیت جگہ
جگہ دکھائی دیتی ہے مگر عصر حاضر میں سانس لیتے شگفتہ چہرے اپنی مسکراہٹ
،نغمگی اور شیرینی سے روح و قلب کو سیراب و شاداب کرتے بھی نظر آتے ہیں،
۔۔۔۔۔۔۔۔۔۔۔۔۔۔۔۔۔۔۔۔
وشمہ خان وشمہ کی شاعری تشبیہات استعارات کا ایک جہانِ بسیط ہے ،وہ پیکر
تراشی کے عمل کو لفظ و معانی کے طلسم سے اپنی سوچ و فکر کو شگفتگی عطا کرتی
ہیں،ان کی سوچ کے قینوس پر استعارات اور قدرتی علامات کا عکس نکھرا نکھرا
دکھائی دیتا ہے،آپ غزل کی شاعرہ ہیں اور تغزل ان کے افکار کی اہم شناخت ہے،
تغزل ایک مخصوص دلآویز اور دلنشین کیفیت کا نام ہے جو کبھی موسیقی اور کبھی
ندرتِ اسلوب سے معرضِ وجود میں آتی ہے ،ان کی شاعری عہد جدید کی آواز ہے
مگر فیشن گزیدہ نہیں ،ان کے ہاں مشاہدہ،تجربہ اور طرز اظہار کا ایک وسیع
جہان آباد ہے اس لئے تخلیقی صلاحیتوں سے مالا مال ان کی شاعری میں پیکر
تراشی کی خصوصیت با آسانی دیکھی جا سکتی ہے،ان کے ہاں شعر کہنے کے دلربا
انداز نے انہیں عام شعرا سے کہیں زیادہ معتبر کر دیا ہے
۔۔۔۔۔۔۔۔۔۔۔۔۔۔
ادبی روایات اور نئے رجحانات پر گہری نظر رکھنے والی وشمہ خان وشمہ ادبی
حلقوں میں کسی تعارف کی محتاج نہیں ہیں ، ان کا پہلا مجموعہ کلام ،،
سرگوشیاں ،، اردو ادب کی تاریخ میں اپنے آپ کو رقم کر چکا ہے،ہر انسان کی
کائنات اس کی سوچ و فکر کی حدوں تک محدود ہوتی ہے ،وشمہ خان وشمہ کی کائنات
کی وسعت کہاں تک ہے اس کا جواب ان کی نئی کتاب ،، جان محسن ،، سے لئے گئے
ان اشعار میں دیکھا جا سکتا ہے،
۔۔۔۔۔۔۔۔۔۔۔۔۔۔مرے آنسو بغاوت کر رہے ہیں
مری آنکھوں سے ہجرت کر رہے ہیں
مچا ہے شہر میں کہرام لیکن
وہ لاشوں پر سیاست کر رہے ہیں
۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔لے چلا عشق مجھے لطف کی رعنائی پر۔۔۔
چاند آنگن سے گیا صبح کی انگڑائی پر
کھیل سکتی ہوں محبت کی میں بازی لیکن
اس کی شہرت نہ بندھی ہو مری رسوائی پر۔۔۔
۔۔۔۔۔۔۔۔۔۔۔۔۔۔۔۔
رفتہ رفتہ اسی منکر میں اترجاؤں گی
قطرہ قطرہ جو ٹپکتا ہے ترا غم مجھ میں
میں کسی روز ترے درد سے بھر جاؤں گی
کربلا سے ہے وہ رشتہ جو سکینہ کا ہے
سو دم واپسی رستے میں ہی مر جاؤں گی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کبھی نہ ختم ہونے والا یہ سفر ابھی جاری ہے۔ لیکن مسافر کے اس سفر ( جان
محسن ) نے ثابت کر دیا ہے کہ وہ با ہمت ہے اور مستقبل میں بھی اپنے قارئین
سے یہ رشتے استوار رکھے گا،انشاءاللہ۔۔۔۔۔۔۔۔
نذیر اے قمر
چیف ایٍڈیٹر سہ ماہی دریچہ انٹر نیشنل
میڈرڈ ، سپین |