|
نوکیا کے موبائل فون یونٹ کی خریداری کے بعد اب
مائیکروسافٹ نے اب نوکیا کے سمارٹ فون نوکیا لومیا کو ’مائیکروسافٹ لومیا‘
(Microsoft Lumia) کے نام سے فروخت کرنے کا فیصلہ کرلیا ہے- اور اس طرح
مائیکروسوفٹ نے نوکیا کے نام سے بھی چھٹکارا حاصل کرنے کا آغاز کردیا ہے۔
|
|
|
|
مائیکروسافٹ نے رواں سال اپریل میں نوکیا کے موبائل فون یونٹ کو 7.2 ارب
ڈالر میں خرید لیا تھا۔
مائیکروسوفٹ کی جانب سے نوکیا کے موبائل فون کا نام تبدیل کیے جانے کی
تصدیق نوکیا فرانس کے فیس بک پیج پر بھی کی گئی ہے۔
دلچسپ بات یہ ہے کہ مائیکروسافٹ کی جانب سے یہ اعلان اس معاہدے کے خلاف ہے
جس کے مطابق مائیکرو سوفٹ اگلے 10 سال تک موبائل مصنوعات کو نوکیا کے نام
سے ہی فروخت کرنے کا پابند تھا-
نوکیا کو ایک طویل مدت تک موبائل فون بنانے والی دنیا کی سب سے بڑی کمپنی
کے طور پر جانا جاتا رہا ہے لیکن گزشتہ چند سالوں سے اسے سام سنگ اور ایپل
پیچھے کی جانب دھکیل رکھا ہے۔
|
|
|
دوسری جانب مائیکروسافٹ کے چیف ایگزیکٹیو نے جولائی 18 ہزار نوکریاں ختم
کرنے کا اعلان کیا تھا جس میں سے ساڑھے 12 ہزار ملازمین وہ ہیں جو نوکیا کو
خریدنے کے بعد مائیکروسافٹ کے پاس منتقل ہوئے تھے۔ |