پاکستان کے چند خوبصورت ترین سیاحتی مقامات

اگر خوبصورتی کے حوالے سے بات کی جائے تو دنیا میں پاکستان کا کوئی ثانی نہیں-پاکستان کی دلکشی اور خوبصورتی ہمیشہ سے سیاحوں کو اپنی جانب متوجہ کرنے میں کامیاب رہی ہے- اگرچہ اس حقیقت سے بھی انکار نہیں کیا جاسکتا کہ گزشتہ چند سالوں میں دہشت گردی کی وجہ پاکستان میں آنے والے سیاحوں کی تعداد میں کمی ضرور واقع ہوئی ہے لیکن پھر بھی پاکستان کی خوبصورتی کو کسی صورت فراموش نہیں کیا جاسکتا- پاکستان میں بے شمار دلفریب مقامات موجود ہیں ان میں جھیلیں، پہاڑ، قدرتی نہریں ، دریا وغیرہ سرِفہرست ہیں۔ آج ہم پاکستان کے صرف ایک پہاڑی خطے گلیات میں واقع چند خوبصورت ترین سیاحتی مقامات کا ذکر کریں گے-گلیات دو صوبوں یعنی خیبرپختونخواہ اور پنجاب میں پھیلا ہوا ہے اور یہ صرف اس خطے کی خوبصورتی کی ایک جھلک ہے ورنہ یہاں اور بھی متعدد پرکشش مقامات موجود ہیں-

چھانگلہ گلی گلیات کا ایک حسین ترین لیکن خطرناک مقام بھی ہے٬ کیونکہ یہاں کی سڑک انتہائی تنگ ہے اور اس پر صرف ماہر ڈرائیور ہی گاڑی چلاسکتا ہے- یہ سڑک ایک گول چکر یا موڑ کی صورت میں گھومتی ہوئی اوپر جاتی ہے-لیکن سطح سمندر سے 2559 میٹر کی بلندی پر واقع اس مقام کو قدرت نے حسن بھی بے پناہ دیا ہے-

ٹھنڈیانی اپنے نامی کی مانند ایک ٹھنڈا مقام ہے اور گلیات کے خطے میں واقع ہے-یہ خوبصورت مقام سطح سمندر سے نو ہزارفٹ بلند کی بلندی پر ہے- اس مقام پر موجود جنگل انتہائی گھنے ہیں جبکہ یہاں ہر طرف برف کی سفیدی ہی سفیدی دکھائی دیتی ہے-

گھوڑا گلی سطح سمندر سے 1691 میٹر کی بلندی پر واقع ہے- گلیات میں واقع یہ پہاڑی علاقہ خوبصورت تو ہے ہی لیکن یہاں کی سب سے منفرد چیز 1100 فٹ لمبی چیئرلفٹ ہے-

باڑہ گلی پاکستان کا ایک خوبصورت ترین مقام ہے جو گلیات میں واقع ہے اور سطح سمندر سے 2350 میٹر بلندی پر ہے- اس مقام پر چیڑ اور دیودار کے سدا بہار درختوں کی کثیر تعداد پائی جاتی ہے-

خانسپور نامی یہ مقام ساڑھے سات ہزار فٹ کی بلندی پر واقع ہے اور یہاں موسم سرما میں برفباری عام ہے جبکہ موسم گرما میں یہاں کا موسم معتدل رہتا ہے جس کی وجہ سے سیاحوں کی ایک بڑی تعداد یہاں کا رخ کرتی ہے-

نتھیا گلی کا شمار پاکستان کے مقبول ترین سیاحتی مقامات میں ہوتا ہے جہاں ہر سال موسم گرما میں سیاحوں کی ایک بڑی تعداد آتی ہے- اس مقام کی دلکشی دیکھ کر بلاشبہ اسے پاکستان کی جنت کہا جاسکتا ہے-

چھرہ پانی نامی یہ خوبصورپ مقام بھی گلیات کا ہی ایک حصہ ہے- اس مقام پر ایک انتہائی تیز رفتار ندی موجود ہے جس میں پہاڑوں سے آنے والا پانی بہت زیادہ ٹھنڈا ہوتا ہے- اس کی خوبصورتی کی وجہ سے سیاح اس مقام پر ضرور رکتے ہیں-

ڈونگا گلی بھی گلیات کا ایک خوبصورت ترین سیاحتی مقام ہے جو سطح سمندر سے 8200 فٹ کی بلندی پر واقع ہے- اس مقام پر سرسبز پہاڑ بھی موجود ہیں اور میٹھے پانی کے چشمے بھی- اور یہی دونوں نعمتیں اس مقام کے حسین ہونے کی وجہ ہیں-

< Previous دنیا کا سب سے بڑا لیکن غیر آباد ہوٹل NEXT > آذر بائیجان: آگ کی سر زمین