حیرت انگیز تھری ڈی پنسل ڈرائنگ کی طلسماتی دنیا

ایک تربیت یافتہ آرٹسٹ مفصل پنسل ڈرائنگ تو تخلیق کر ہی سکتا ہے لیکن جب وہ اپنا نقطہ نظر واضح کرنے اور تھری ڈی پنسل ڈرائنگ بنانے میں مہارت حاصل کرلیتا ہے تو وہ لفظی اور علامتی طور بالکل ایک نئی سطح میں داخل ہوجاتا ہے- یہ حیرت انگیز تھری ڈی ڈرائنگ تخلیق کرنے کے لیے صرف کاغذ٬ پنسل اور ربڑ کی ضرورت ہوتی ہے- اور ان کی تخلیق میں تمام کمال آرٹسٹ کا ہوتا ہے- ہم یہاں آپ کو چند ذہین آرٹسٹوں کی تخلیق کردہ اعلیٰ تھری ڈی ڈرائنگ دکھا رہے ہیں جو کسی شاہکار سے کم نہیں اور ان آرٹسٹوں کی اپنے فن میں مہارت کا جیتا جاگتا ثبوت ہے-

سادہ پنسل سے تخلیق کردہ یہ تھری ڈی ڈرائنگ ایک جیتی جاگتی حقیقت معلوم ہوتی ہے- یہ حیرت انگیز تخلیق Julia Barinova کی ہے-

پیرس کے مشہور زمانہ ایفل ٹاور کی یہ تھری ڈی ڈرائنگ Muhammad Ejleh کا کمال ہے جنہوں نے انتہائی مہارت کے ساتھ تخلیق کیا ہے-

اس سانپ کو دیکھ کر ایسا محسوس ہوتا ہے کہ جیسے یہ ابھی کاغذ سے نکل کر سامنے آجائے گا- حقیقت سے قریب تر یہ ڈرائنگ Ramon Bruin کی تخلیق ہے-

Alessandro Diddi کی تخلیق کردہ یہ تھری ڈی ڈرائنگ کسی کو بھی چونکنے پر مجبور کر سکتی ہے-

اس ڈرائنگ کو دیکھ کر ایسا محسوس ہوتا ہے کہ جیسے اسے مختلف کاغذوں کو تراش کر بنایا گیا ہے لیکن یہ بھی صرف پنسل کی مدد سے کاغذ پر تخلیق کردہ ہے- یہ ڈرائنگ بھی Muhammad Ejleh نے ہی ڈیزائن کی ہے-

Ramon Bruin کا ہی تخلیق کردہ ایک اور تھری ڈی شاہکار جس میں انہوں نے کشتی ڈیزائن کی ہے-

Alessandro Diddi کی تخلیق کردہ ایک اور تھری ڈی ڈرائنگ جسے ہر لحاظ سے مکمل قرار دیا جاسکتا ہے- صرف ایک پنسل سے تخلیق کردہ یہ ہاتھ فنکار کی مہارت کا منہ بولتا ثبوت ہے-

کبھی کبھی ایسے فنکار بھی سامنے آتے ہیں جن کے فن کی آپ داد دیے بغیر آپ نہیں رہ سکتے- ایسا ہی ایک فنی مہارت کا اعلیٰ نمونہ یہ بھی ہے جسے Vamos Art نے تخلیق کیا ہے-