ہماری ویب رائٹرز کلب سے آرٹس کونسل تک !

نئے لکھنے والے اپنی تحریروں کی اشاعت کہ لئے کبھی اخبارات تو کبھی رسائل کے دفاتر کہ چکر لگا تے پھرتے ہیں اور اب ویب سائٹز پر جگہ ڈھونڈتے نظر آتے رہے ہیں۔۔۔انگنت لکھنے والے صرف تحریروں کی اشاعت نہ ہونے کہ باعث لکھنا چھوڑ دیتے ہیں۔۔۔خیالات کی تشہیر ضروری ہے ۔۔۔ تاکہ ایک دوسرے کہ تجربے سے فائدہ اٹھایا جائے۔۔۔انگریزی لکھنے والوں کو اتنے مسائل کا سامنا نہیں ۔۔۔جتنا قومی زبان میں لکھنے والوں کو مسائل درپیش ہیں۔۔۔ان مسائل میں صرف اشاعت ہی نہیں بلکہ تکنیکی مسائل بھی بہت اہم ہے۔۔۔کمپیوٹر کہ دور میں اردو کیسے لکھی جائے۔۔۔اردو کو قومی زبان تو قرار دے دیا گیا مگر سلوک یتیم بچوں والا ہو رہا ہے۔۔۔کیا معلوم کتنے سرکاری ادارے اردو کی ترقی و ترویج کہ کیلئے برسر پیکار ہیں۔۔۔کیونکہ ان اداروں تک رسائی کوئی آسان کام نہیں۔۔۔تاریخ کی ادھیڑبن سے کہیں بہتر ہے کہ آج اور آنے والے کل کیلئے کچھ تخلیقی کام کیا جائے ۔۔۔جس کا ثمر عام لکھنے والے کو پہنچے۔۔۔
 

قلم اور کاغذ سے میرا تعلق تقریباً ایک دھائی پر مشتمل ہے۔۔۔اس میں وہ دور بھی شامل ہے جب تحریریں کیڑے مکوڑوں سے زیادہ نہیں رہی ہونگی۔۔۔مگر میرے پاس وہ محفوظ ہیں۔۔۔لکھنے کو بہت کچھ ہوتا ہے مگر قلم اور قلب کی خواہش کہ عین مطابق ذیادہ تر حب الوطنی ہی موضوع رہا ہے۔۔۔ اشاعت سے متعلق مسائل راقم کو بھی درپیش رہے مگرجذبے کی سچائی ، لگن اور ہارنا ماننے کی طبعیت نے قدرت کہ طفیل حالات سازگار ہوتے گئے۔۔۔نوکری کی وجہ سے اولیاؤں کہ شہر ملتان سے نکلنے والے جنگ میں ہفتہ وار مضامین شائع ہوتے رہے۔۔۔اپنے گھر کراچی آنے کہ بعد پھر وہی اشاعت کا مسلۂ درپیش تھا۔۔۔

اس دفعہ ہماری ویب سے واسطہ پڑااور ہماری ویب نے واقعی اپنے نام کی لاج رکھی اور ہماری نکلی ۔۔۔جہاں مضامین کی اشاعت کیلئے بہت دنوں تک انتظار نہیں کرنا پڑتا تھااور نہ ہی کسی کے پیچھے بھاگنا پڑتا۔۔۔اور سب سے بڑھ کر یہ کہ آج دنیا انٹرنیٹ میں سمٹ چکی ہے۔۔۔اخبارات و رسائل بھی اب انٹرنیٹ کہ ذریعے ہی پڑھے جاتے ہیں۔۔۔آہستہ آہستہ ہماری ویب کہ ساتھ سفر جاری رہا ۔۔۔ہماری ویب نے ایک انقلابی قدم اٹھایا ۔۔۔اپنے لکھنے والوں کو مجازی دنیا سے نکال کر حقیقی دنیا میں ایک دوسرے کے سامنے بٹھانے کا فیصلہ کیا ۔۔۔ہماری ویب رائٹرز کلب کی داغ بیل ڈال دی ۔۔۔آپکے لئے انتہائی حیرانی کی بات ہوگی کہ یہ اپنی نوعیت کا (ساری دنیا کا کہنا میرے لئے مشکل ہوگا) پاکستان میں انٹرنیٹ پر واحدآن لائن لکھنے والوں کا کلب ہے۔۔۔اس کا سہرا ہماری ویب کہ بانی جناب ابرار احمد صاحب کے سر سجتا ہے ۔۔۔جنہوں نے اپنی کاروبار پر مبنی ویب سائٹ کو اردو کی تشہیر کا اہم ستون بنادیااور اردو سے محبت کرنے والوں کا مرکز بنا دیا۔۔۔آپ کے ساتھ اس عزم میں ہماری ویب کی پوری ٹیم کی وابستگی انتہائی قابلِ ستائش اور قابل داد ہے۔۔۔نومولود رائٹرز کلب کا سفر جنوری ۲۰۱۵ سے شروع ہو ا ۔۔۔باقاعدہ رائٹرز کلب کہ ذمہ دار نامزد کئے گئے۔۔۔کلب کہ اغراض و مقاصد مرتب کئے گئے۔۔۔ہماری ویب رائٹرز کلب ایک وجود کی حیثیت سے منظرِ عام پر آگیا ۔۔۔