سحر انگیز اور دلکش نظاروں کے مالک نیشنل پارک

نیشنل پارک قدرتی طور پر خوبصورت اور پرکشش ہوتے ہیں- دنیا کے بہت سے پرکشش اور سحرانگیز نظاروں کے حامل مقامات کو وہاں موجود خوبصورتی کے تحفظ کے باعث پارک قرار دیا گیا ہے- دلچسپ بات یہ ہے کہ یہی خوبصورتی ان پارکس کو حیرت انگیز بھی بناتی ہے- آج ہم دنیا کے چند سب سے خوبصورت ترین نیشنل پارکس پر بات کریں گے-
 

 چلی کے اس نیشنل پارک میں خوبصورت چوٹیوں کا غلبہ ہے جو کہ اکثر دھند میں چھپی رہتی ہیں- Torres del Paine نامی اس نیشنل پارک میں ایسے حسین و جمیل قدرتی نظارے دیکھنے کو ملتے ہیں جو شاید ہی کسی اور مقام پر دکھائی دیں-
 

ممکن ہے کہ تصویر دیکھنے پر آپ کو ایسا لگے کہ یہ شاید کوئی پینٹنگ ہے لیکن نمب کے Namib-Naukluft نیشنل پارک کا ایک حقیقی منظر ہے- یہ نیشنل پارک اپنے منفرد رنگ کے ریت کے ٹیلوں کی بدولت دنیا بھر میں مقبول ہے-
 

چین کے اس نیشنل پارک کا شمار دنیا کے ایسے مقامات میں کیا ہے جہاں دکھائی دینے والے دلفریب نظاروں کا تصور صرف خواب میں ہی ممکن ہوتا ہے- Li نامی یہ دریا بلند ترین چوٹیوں اور ایک چھوٹے سے گاؤں کے درمیان گھرا ہوا ہے-
 

آسٹریلیا کے اس سمندری مرجان یا سد مرجان کو دنیا کے سب سے بڑے حیات اسٹرکچر ہونے کا اعزاز حاصل ہے جسے خلا سے بھی دیکھا جاسکتا ہے-
 

یہ تنزانیہ کا Kilimanjaro نامی نیشنل پارک ہے جہاں افریقہ کا بلند ترین پہاڑ موجود ہے- اس نیشنل پارک میں جنگلی حیات سے وابستہ دنیا کے سب سے حیرت انگیز نظارے دیکھنے کو ملتے ہیں-
 

ارجنٹینا میں واقع Los Glaciares نامی اس خوبصورت نیشنل پارک میں آپ کو چاروں طرف صرف برف ہی برف دکھائی دے گی اور یہی وجہ ہے کہ اسے گلیشیر نیشنل پارک کہا جاتا ہے-